شاندۇڭ ولكەسى «18 - ماۋسىم» التىن دۇكەنىن توناۋ دەلوسىن انىقتادى

2015.09.11 17:13   كەلۋ قاينارى : حالىق تورابى

　　حالىق تورابى، 11 – قىركۇيەك، بەيجيڭ. 10 – قىركۇيەك، شاندۇڭ ولكەسىنىڭ لين – ي قالاسى، شاندۇڭ ولكەسى تانچىڭ اۋداندىق قوعام حاۋىپسىزدىك مەكەمەسى اقپارات جاريالاۋ ءماجىلىسىن اشىپ، «18 - ماۋسىم» التىن دۇكەنىن توناۋ دەلوسى انىقتالعانىن جاريالادى. قىلمىس كۇماندىسى نيە XX شاندۇڭ ولكەسى لين – ي ەكونوميكا – تەحنيكالىق اشۋ رايونى جىمادۇن كوشەسىندەگى تۇرعىندار رايونىندا قولعا ءتۇسىپ، توناپ اكەتكەن التىن تۇگەلىمەن قايتارىپ اكەلىنگەن.

　　دەلونى تەكسەرىپ-ءبىر جايلى ەتكەن ساقشى جاقتىڭ تانىستىرۋىنشا، 18 – ماۋسىم كەشكى ساعات 8 جارىمدا، ءبىر ەر ادام باسىنا موتوسيكلدىڭ دۋلىعاسىن كيىپ، قولىنا ناگان الىپ تانچىڭ اۋدانىنداعى ءبىر التىن دۇكەنىنە كىرىپ، اينەك تەكشەنى شاعىپ، سالماعى 2500 گرام، باعاسى 700 مىڭ يۋان تۇراتىن التىن بۇيىمداردى توناپ اكەتكەن. قازىر قىلمىس كۇماندىسى ساقشىلار جاعىنان قىلمىستىق ءىس رەتىندە قارالىپ قاماققا الىندى، دەلو جاعدايى ىشكەرىلەي تەكسەرىلۋدە.

　　كەلۋ قاينارى: حالىق تورابى