فرانسيا سيريا تەرريتورياسىنداعى «ءىسلام مەملەكەتى» ۇيىمىنا تاۋەلدى نىسانالاردى بومبىلادى

2015.11.16 14:31   كەلۋ قاينارى : حالىق تورابى

　　حالىق تورابى، 15 – قاراشا، بەيجيڭ. فرانسيا 15 – قاراشا كۇنى كەشتە 10 اسكەري ۇشاقپەن سيريا تەرريتورياسىنداعى «ءىسلام مەملەكەتى» ۇيىمىنىڭ باستى ورىندارىن كەڭ كولەمدە بومبىلادى.

　　فرانسيا قورعانىس مينيسترلىگىنىڭ حابارلاۋىنشا، بومبىلاۋ ارەكەتى سول كۇنى كەشكى ساعات 19دان 50 مينۋتتا باستالىپ، 20دان 25 مينۋتتا اياقتاعان، فرانسيا اسكەري ۇشاقتارى سيريانىڭ سولتۇستىگىندەگى لاكا قالاسىنداعى ەكى نىساناعا 20 بومبى تاستاعان، بۇل ەكى نىسانانىڭ ءبىرى «ءىسلام مەملەكەتىنىڭ» بۇرىنعى قولباسشىلىق كەڭسەسى، قابىلداۋ ورنى جانە اسكەري قارۋ – جاراق قويماسى، ەندى ءبىرى لاڭكەستەردى جاتتىقتىرۋ بازاسى. فرانسيا بۇل رەتكى بومبىلاۋدى ا ق ش ارمياسىمەن سايكەسە وتىرىپ ىسكە اسىردى.

　　كەلۋ قاينارى: حالىق تورابى