قازاقستان رەسپۋبليكاسى پرەمەر - مينيسترىنىڭ ءبىرىنشى ورىنباسارى باقىتجان ساعىنتايەۆ ۇسىنىس بويىنشا بەيجيڭ شەتەل ءتىلى ۋنيۆەرسيتەتى قازاقستان ورتالىعىنىڭ قۇرىلۋ سالتىنا قاتىناستى

2015.12.14 16:39   كەلۋ قاينارى : حالىق تورابى

　　حالىق تورابى، 14 - جەلتوقسان، بەيجيڭ. بەيجيڭ شەتەل ءتىلى ۋنيۆەرسيتەتى تورابىنىڭ حابارلاۋىنشا، قازاقستان رەسپۋبليكاسى پرەمەر - مينيسترىنىڭ ءبىرىنشى ورىنباسارى باقىتجان ساعىنتايەۆ ۇسىنىس بويىنشا 13 - جەلتوقسان كۇنى تۇستەن بۇرىن بەيجيڭ شەتەل ءتىلى ۋنيۆەرسيتەتىن كوزدەن كەشىرىپ، بەيجيڭ شەتەل ءتىل ۋنيۆەرسيتەتىنىڭ قازاقستان ورتالىعىن قۇرۋ سالتىنا قاتىناستى.

　　بەيجيڭ شەتەل ءتىلى ۋنيۆەرسيتەتىنىڭ رەكتورى پىڭ لۇڭ ساعىنتايەۆتىڭ ساپارلاي كەلگەندىگىنە جانە قازاقستان رەسپۋبليكاسىنىڭ اتالعان ۋنيۆەرسيتەتتىڭ قازاقستان ورتالىعىن قۇرۋىنا ۇلكەن قولداۋ كورسەتكەنىنە العىس ايتتى. ول: ءتوراعا شي جينپيڭ 2013 – جىلى قازاقستانعا ساپارلاي بارعاندا نازاربايەۆ ۋنيۆەرسيتەتىندە «جىبەك جولى ەكونوميكالىق بەلدەۋىن بىرگە قۇرۋ» ۇسىنىسىن ورتاعا قويعان، مۇندا وقۋ - اعارتۋ، مادەنيەت سالاسىنداعى اۋىس - كۇيىس، بارىس – كەلىس تە قامتىلادى، - دەدى. بەيجيڭ شەتەل ءتىلى ۋنيۆەرسيتەتى 70 نەشە شەتەل ءتىلىن ۇيرەتەتىن جۇڭگوداعى ەڭ كەمەلدى شەتەل ءتىل ۋنيۆەرسيتەتى، جۇڭگونىڭ «ءبىر بەلدەۋ، ءبىر جولدى» كوركەيتۋى بارىسىندا وقۋ - اعارتۋ، مادەنيەت سالاسىنداعى اۋىس - كۇيىس، بارىس - كەلىس جاقتارىندا وراسان زور باسىمدىلىققا جانە كومەسكى كۇشكە يە. قازاقستان ورتالىعىنىڭ قۇرىلۋى ەلىمىزدىڭ «ءبىر بەلدەۋ،ءبىر جول» قۋاتتاماسىنا قىزمەت وتەۋدەگى ماڭىزدى شارالاردىڭ ءبىرى.

　　بەيجيڭ شەتەل ءتىل ۋنيۆەرسيتەتى قازاقستان ورتالىعى ــ جۇڭگو - قازاقستان ەكى ەل بىرلىكتە كەڭەسىپ قۇرعان وقۋ - اعارتۋ، عىلىم - تەحنيكا، مادەنيەت قۇرىلىمى، قازاقستاننىڭ وقۋ - اعارتۋ، عىلىم – تەحنيكا مينيسترلىگى بۇل ورتالىققا كىتاپ، ماتەريال، وقۋلىق، وقىتۋشى ازىرلەيدى جانە مەكتەپتەرمەن بايلانىس ورناتادى. بەيجيڭ شەتەل ءتىل ۋنيۆەرسيتەتى ورتالىقتىڭ كۇندەلىك قىزمەتتەرىن باسقارۋعا جاۋاپتى بولادى.

　　سوڭىندا، باقىتجان ساعىنتايەۆ پەن پىڭ لۇڭ بىرلىكتە قازاقستان ورتالىعىنىڭ لەنتاسىن قيدى. باقىتجان ساعىنتايەۆ ورتالىقتى كوزدەن كەشىردى جانە وسى ۋنيۆەرسيتەتتە وقىپ جاتقان قازاقستاندىق ستۋدەنتتەرمەن اڭگىمەلەستى.

　　بۇل قيمىلعا قازاقستان ەلشىحاناسىنىڭ قىزمەتكەرلەرى مەن ورىس ءتىل ينيستيتۋتىنىڭ، حالىقارالىق بايلانىس باسقارماسىنىڭ باسشىلارى، سونداي - اق وقىتۋشىلار مەن وقۋشىلاردىڭ ۋاكىلدەرى قاتىناستى.

　　كەلۋ قاينارى: حالىق تورابى