الىپ اسىق جاسالدى

حابارىن جازىپ، سۋرەتتەردى تۇسىرگەن باقىتبەك ءجۇمادىل ۇلى 

2015.12.31 13:15   كەلۋ قاينارى : حالىق تورابى

　　«الىپ اسىق» مەكتەپ اۋلاسىندا جۇرتقا كورسەتىلدى.

　　كۇنەس اۋداندىق 5 - ورتا مەكتەپ ۇلتتىق ءداستۇر تاربيەسىن ورتالاۋ مەكتەپ ساباعىنىڭ ءبىرى رەتىندە وقىتۋ جوسپارىنا ەنگىزىپ، ءداستۇر تاربيەسىن جاندى قيمىلدارمەن ورىستەتىپ، وقۋشىلاردى بەرەكە - بىرلىككە، ۇيىمشىلدىققا، قايسارلىققا، سەزگىر دە كورەگەن بولۋعا باۋلۋدا كىسى قۋانارلىق ونىمدىلىككە قول جەتكىزىپ، قوعامنىڭ جاقسى باعاسىنا يە بولىپ كەلەدى.

　　بۇل مەكتەپ قازاقتىڭ ءداستۇرلى ويىن تۇرلەرىنىڭ ءبىرى بولعان «اسىق ويىنىن» وقۋشىلارعا جاندى ءتۇسىندىرۋ، وقۋشىلاردىڭ جاسامپازدىق ورەسىن جەتىلدىرۋ ماقساتىندا، جيىنى 9600 دانا اسىقتان قۇرالعان ەڭ ۇلكەن اسىق ءمۇسىنىن ءساتتى جاساپ شىقتى. الىپ اسىق ءمۇسىنىنىڭ بيىكتىگى 2.6 مەتر، كولدەنەڭى 1.3 مەتر، ەنى 90 سانتيمەتر كەلەدى. اسەمونەر وقىتۋشىلارىنىڭ جەتەكشىلىگىندە مۇسىنشىلىككە قىزىعاتىن 10 وقۋشى ورتاق اقىل قوسىپ، ساباقتان سىرتقى ۋاقىتتارىندا ىسكە كىرىسىپ، ءبىر ايعا جۋىق ۋاقىت ەڭبەكتەنىپ، بيىل قاراشانىڭ سوڭىندا وسى ءمۇسىندى جاساپ شىققان. تاعى ءبىر قۋانارلىق جايت: فورماسى كەلىستى، قۇراسترىلۋ شەبەرلىگى جوعارى، اسىقتى ءتىزىپ ورنالاستىرۋى عىلمي «الىپ اسىقتى» مەكتەپ باسشىلىعى «دۇنيە گەننيىس رەكوردىنا» جولداۋدى ۇيعارىپ، جۋىقتان بەرى ارناۋلى ادام جاۋاپتى بولىپ، شاڭحاي دۇنيە گەننيس رەكوردىن باعالاۋ باس شتابىمەن بايلانىس ورناتىپ، قاتىستى رەسىميەتتەرىن وتەۋگە كىرىسىپتى.

　　كەلۋ قاينارى: حالىق تورابى