تيانجين كەمەجايىندا تۋىلعان قوپارىلىس وقيعاسىنان پايدالانىپ، توردا الدامكوستىكپەن شۇعىلدانعان قىزعا سوت اشىلدى

2016.01.14 14:36   كەلۋ قاينارى : حالىق تورابى

　　سۋرەتتە: 13 – قاڭتار كۇنى ايىپكەر ياڭ سايلان گۋاڭشي فاڭچىڭگاڭ قالاسى فاڭچىڭ رايوندىق حالىق سوتىنىڭ قىلمىستىق ىستەردى تەرگەۋ زالىندا سوتقا تارتىلۋدا.

　　سول كۇنى «12 – تامىز» تيانجين كەمەجايىنداعى قوپارىلىس وقيعاسىنان پايدالانىپ، عالامتوردا الدامشىلىقپەن اقشا الۋ دەلوسىن تۋدىرعان ياڭ سايلانعا وسى ارادا اشىق سوت اشىلدى.

　　الەۋمەتتىك ايىپتاۋ كوتەرۋ ورگاندارىنىڭ ايتۋىنشا، 2015 – جىلى 13 – تامىز تۇنگى ساعات بىردە، ايىپكەر ياڭ سايلان عالامتوردان «12 – تامىز» تيانجين كەمەجايىندا تۋىلعان قوپارىلىس وقيعاسىنان حاباردار بولعاننان كەيىن، قولفونىمەن ءوزىنىڭ شينلاڭ ميكروبلوگىنداعى اككاۋىنتىنا تىركەلىپ، جالعان ميكروبلوگ ماقالاسىن جاريالاپ، اكەسىنىڭ تيانجيندە تۋىلعان قوپارىلىس وقيعاسىندا قازا بولعانىن، شەشەسىنىڭ دە ءبىر جىلدىڭ الدىندا قازا بولعانىن ايتقان، بۇل ماقالا توردوستاردىڭ نازارىن اۋدارىپ، شينلاڭ ميكروبلوگىنداعى 3739 توردوس وعان 3856 رەت اقشا جوتكەگەن، جالپى سوماسى 96576.44 يۋان بولعان.

　　كەلۋ قاينارى: حالىق تورابى