- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
بىرەۋىن دە قاتە قويا بەرۋگە بولمايدى، كەشىرىم ەتىلەتىندەردىڭ بىرەۋىن دە قاعىس قالدىرۋعا بولمايدى
جازا وتەپ جاتقان ءبىر ءبولىم قىلمىستىلاردى ەرەكشە كەشىرىم ەتۋ قىزمەتى تولىق اياقتالدى
زاڭدا بەلگىلەنگەن شارتقا ۇيلەسەتىن 31 مىڭ 527 قىلمىستى زاڭ بويىنشا قويا بەرىلدى
2016.01.26 16:12 كەلۋ قاينارى : حالىق تورابى
شينحۋا اگەنتتىگى، 25 – قاڭتار، بەيجيڭ. 2015 – جىلى 29 – تامىزدا مەملەكەتتىك حالىق قۇرىلتايى تۇراقتى كوميتەتىنىڭ ۇيعارىم جاساۋىمەن مەملەكەت ءتوراعاسى شي جينپيڭ ءتوراعانىڭ ەرەكشە كەشىرىم ەتۋ جارلىعىنا قول قويىپ، جۇڭگو حالقىنىڭ جاپون باسقىنشىلارىنا قارسى تۇرۋ سوعىسى مەن دۇنيە ءجۇزىنىڭ فاشيزمگە قارسى تۇرۋ سوعىسى جەڭىسكە جەتكەندىگىنىڭ 70 جىلدىعى قارساڭىندا جازا وتەپ جاتقان ءبىر ءبولىم قىلمىستىلاردى ەرەكشە كەشىرىم ەتۋدى بەكىتكەن بولاتىن. 4 ايدان استام ۋاقىت ءوتتى، تاياۋدا ءتىلشىنىڭ قاتىستى تاراۋلاردان ۇعىسۋىنشا، وسى رەتكى ەرەكشە كەشىرىم ەتۋ قىزمەتىندەگى بەلگىلەمە 2015 – جىلدىڭ سوڭىنان بۇرىن تولىق اياقتالعان.
ءبىر ءبولىم جازا وتەپ جاتقان قىلمىستىلاردى ەرەكشە كەشىرىم ەتۋ ەلىمىز قازىر اتقارىپ وتىرعان نەگىزگى زاڭىندا ەرەكشە كەشىرىم ەتۋ ءتۇزىمى بەلگىلەنگەننەن كەيىنگى تۇڭعىش رەتكى ناقتى جۇمىس بولدى. مەملەكەتتىك حالىق قۇرىلتايى تۇراقتى كوميتەتىنىڭ ەرەكشە كەشىرىم ەتۋ بەلگىلەمەسى جانە مەملەكەت ءتوراعاسىنىڭ ەرەكشە كەشىرىم ەتۋ جارلىعىنا ساي، وسى رەت ەرەكشە كەشىرىم العان، جازا وتەپ جاتقان قىلمىستىلار 4 تۇرگە ءبولىندى: جۇڭگو حالقىنىڭ جاپون باسقىنشىلارىنا قارسى تۇرۋ سوعىسىنا، جۇڭگو حالقىنىڭ ازاتتىق سوعىسىنا قاتىناسقاندار؛ جۇڭحۋا حالىق رەسپۋبليكاسى قۇرىلعاننان كەيىن، مەملەكەتتىڭ يەلىك ۇقىعىن، اماندىعىن جانە تەرريتوريا تۇتاستىعىن قورعاۋدىڭ سىرتقا قاراتا جۇرگىزگەن سوعىسىنا قاتىناسقاندار؛ 75 جاسقا تولعان، دەنساۋلىعى ناشار، تۇرمىستا ءوز قاجەتىنەن ءوزى شىعا المايتىندار؛ قىلمىس وتكىزگەن كەزدە جاسى 18 گە تولماعان، 3 جىلدان تومەن مەرزىمدى قاماۋ جازاسى بەرىلگەن نەمەسە جازا مەرزىمى تولۋىنا ءبىر جىلدان تومەن ۋاقىت قالعاندار. ەرەكشە كەشىرىم ەتۋ قاۋلىلارى مەن ەرەكشە كەشىرىم ەتۋ بەلگلەمەلەرىنە بىرنەشە ءتۇرلى اۋىر قىلمىس وتكىزگەندەر كىرگىزىلمەدى. حالىق سوتى مەكەمەلەرىنىڭ زاڭ بويىنشا كەسىم شىعارۋى ارقىلى، بۇكىل ەل بويىنشا جازا وتەپ جاتقان 31 مىڭ 527 قىلمىستى ەرەكشە كەشىرىم ەتىلدى. بۇنىڭ ىشىندە، ءبىرىنشى تۇردەگى قىلمىستى 50 ادام، ەكىنشى تۇردەگى قىلمىستى ءبىر مىڭ 428 ادام، ءۇشىنشى تۇردەگى قىلمىستى 122 ادام، ءتورتىنشى تۇردەگى قىلمىستى 29 مىڭ 927 ادام ەكەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
