- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
كاسىپورىندى شينجياڭ سەزىمىمەن كوركەيتەيىك
2016.01.26 13:30 كەلۋ قاينارى : شينجياڭ حالىق راديو ستانسياسى تورابى
بيىل ماكرولىق ەكونوميكانىڭ ءۇرتىس قۇلدىراۋ ىقپالىندا شينجياڭنىڭ حالىقتىق كاسىپورىندارى ەرەكشە قيىنشىلىققا ءدوپ كەلدى، اۆتونوميالى رايوننىڭ جالپىلىق مەنشىككە جاتپايتىن شارۋاشىلىقتىڭ دامۋىن جەبەۋ قىزمەتى ماجىلىسىندە، شينجياڭ گۋاڭحۇي توبى پارتكومىنىڭ شۋجيى، باس جوراسى سۇن گۋاڭشين، اۆتونوميالى رايوندىق پارتكومنىڭ تەكسەرۋدى كۇشەيتىپ، جالپىلىق مەنشىككە جاتپايتىن ەكونوميكانىڭ دامۋىن جوعارى دەڭگەيدە ىلگەرلەتۋى شينجياڭ حالىقتىڭ كاسىپورىندارىنىڭ مۇقتاجىن قاناعاتتاندىردى دەپ قاراپ: «باقىتقا جاراي اۆتونوميالى رايوندىق پارتكوم مەن ۇكىمەتتىڭ پارمەندى قولداۋىندا، ەكونوميكانىڭ ارتۋ قۋاتى دارمەنسىز بولعانىمەن، سوڭعى جىلداردان بەرى شينجياڭداعى حالىقتىق شارۋاشىلىق اۋەلگىدەي نەداۋىر تەز دامىدى.اۆتونوميالى رايوندىق پارتكوم مەن ۇكىمەتتىڭ نەگىزگى باسشىلارى حالىقتىق كاسىپورىنداردىڭ دامۋىنا وسكەلەڭ نازار اۋدارىپ، كاسىپورىنداردىڭ پىكىرىن كوپ رەت سانالىلىقپەن سۇراستىرىپ، ءبىرقىدىرۋ شىنايى دا ۇيلەسىمدى، ناقتى ونىمدىلىككە يە دەمەۋ ساياساتتارىن شىعاردى»،-دەدى.
اۆتونوميالى رايون ناقتىلى شارالار قولدانىپ مونوپوليالاۋدى بۇزىپ، رۇحسات ەتۋ ولشەمىن تومەندەتكەننىڭ ارقاسىندا وتكەن جىلى تامىزدا گۋاڭحۇي ەلىمىز بويىنشا تۇڭعىش مۇناي يمپورت ەتۋ تولىمدىلىعىنا يە جالپىلىق مەنشىككە جاتپايتىن كاسىپورىنعا اينالدى.بيىل تامىزدا گۋاڭحۇي ەنەرگيا توبى جەتەكشىلىك ەتكەن زايسان نىسانىنىڭ باتىس بولەگىندەگى مۇناي-گاز زاپاس مولشەرىن قازاقستان ۇكىمەت جاعى تۇراقتاندىردى.پەرىم جۇيەسىندەگى اۋىر مۇناي زاپاس مولشەرى 258 ميلليون تونناعا جەتىپ، اشىلۋ بولاشاعى كوڭىلدەگىدەي بولدى.2020-جىلدان بۇرىن مۇناي-گاز ءوندىرىس قۋاتى جىلىنا 3 ميلليون توننا بولادى.گۋاڭحۇي توبىنىڭ دامۋ سەنىمىنىڭ ارتۋى وسىلاردىڭ ارقاسىندا عانا ەمەس، سۇن گۋاڭشين، اۆتونوميالى رايوننىڭ نەگىزگى باسشىلارىنىڭ نىساندى باستاپ دانەكەرلىك ەتۋى، سايكەستىرۋ قىزمەت وتەۋىندە گۋاڭحۇي توبىنىڭ شەكارا اتتاعان قۇبىر، مۇناي يمپورت ۇقىعى، تەمىر جول سياقتى بۇكىل ەلىمىزدە بەلگىلىك مانگە يە نىسانداردى اشۋ قۇرىلىسىنا ءساتتى قاتىناسقانىن بۇكپەسىز ايتىپ: «گۋاڭحۇي توبىنىڭ ەلىمىزدەگى تۇڭعىش حالىقتىق قازىنامەن سالعان مەملەكەتتىك توراپتىڭ اۋىر رەلىستى ەلەكترلىك تەمىر جولى ـــــ حۇڭليۋحى-نوم تەمىر جولى كەلەر جىلى ماۋسىمدا اينالىمعا ءتۇسىپ سىناق رەتىندە پويەز قاتىنايدى.ءبىز جياڭسۋداعى چيدۇڭدا جۇڭگو بويىنشا تۇڭعىش حالىقتىق سۇيىلتىلعان گاز وتكەرمە ورنىن قۇردىق، سونداي-اق دۇنيە ءجۇزى ەنەرگيا تىرەكتى كاسىپورنى-شەل سەرىكتەستىگىمەن ءبىر تۇلعالانعان سەلبەستىك ورناتىپ، نىسان قۇرىلىسى اياقتاعاننان كەيىن سۇيىلتىلعان گاز قابىلداۋ قۋاتىمىز جىلىنا 3 ميلليون 500 مىڭ تونناعا جەتپەكشى»،-دەدى.
اناعۇرلىم جوعارى نىساناعا ۇزدىكسىز قۇلاش سەرمەگەن گۋاڭحۇي توبى قوعامدىق جاۋاپكەرشىلىگىن ادالدىقپەن وتەۋدە.بيىل مامىردا شينجياڭدى دامىتۋ ساۋداگەرلەر قوعامى قۇرىلىپ، وندا رايونىمىزداعى ەڭ قۋاتتى، دامۋ بولاشاعى ەڭ زور 70 كاسىپورىن شوعىرلاندى، ساۋداگەرلەر قوعامىنىڭ تۇڭعىش باستىعى بولعان سۇن گۋاڭشين وزگە مۇشەلەرمەن دەرەۋ اتتانىسقا كەلىپ، تارباعاتاي، بۇراتالا وبلىسى سياقتى جەرلەرمەن سەلبەستىك نىسانىن بەلگىلەپ، نىسان ارقىلى كەدەيلەردى سۇيەمەلدەۋ الەۋمەتتىك يگىلىك وي جەلىسىن تۇراقتاندىردى، ءارى اۆتونوميالى رايوننىڭ دامۋ ۇلى جوسپارىن كوزدە ۇستاپ، «ءبىر بەلدەۋ، ءبىر جولدى» ارقاۋ ەتىپ، ءىشىنارا ماڭىزدى نىسانداردى جوسپارلادى، قازىر وسى نىساندار تياناقتانۋدا.«وتان سەزىمىمەن كاسىپورىندى كوركەيتۋ، شينجياڭ سەزىمىمەن ناقتى كاسىپ ىستەۋ» ــــ مەملەكەتتىك جىبەك جولى قورىنىڭ باس جوراسى جين چيدىڭ گۋاڭحۇي توبىنا بەرگەن باعاسى.سۇن گۋاڭشين بىلاي دەدى: ەگەر گۋاڭحۇي توبىن بايتەرەككە تەڭەسەك، شينجياڭ وسى بايتەرەككە ءنار بەرگەن توپىراق، مەملەكەتتىڭ ساياساتى كۇن نۇرى جانە جاۋىن تامشىسى، اۆتونوميالى رايوندىق پارتكوم، ۇكىمەت سۋارىپ تىڭايتقىش بەرەتىن باعبان دەۋگە بولادى.سوندىقتان شينجياڭنىڭ حالىقتىق كاسىپكەرلەرى سەنىمگە يە، ولار قىراعى ءارى كەڭ پەيىل، توراڭعى سياقتى قايسار، تاۋ سۋىنان سۋسىنداپ، بايتاق ساحارادا ەرجەتىپ شىڭدالعان ازاماتتاردىڭ شينجياڭعا سۇيىسپەنشىلىگى كۇشتى، ولار اتا-مەكەنى ءۇشىن ناقتى ىستەر ىستەگىسى كەلەدى، شينجياڭ كاسىپورىندارى «قۇلشىنعاندا عانا وزگەرتۋگە بولادى، قۇلشىنساق عانا وزگەرتە الامىز» دەگەنگە كامىل سەنەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
