- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ساياحات ارقىلى شينجياڭعا كومەكتەسۋدىڭ مەملەكەتتىك قىزمەت ءماجىلىسى اشىلىپ، ساياحات ارقىلى شينجياڭعا كومەكتەسۋدىڭ جاڭا جاعدايى جارىققا شىقتى
− «ءبىر وزەك، ءبىر بازا» جوباسىن جاساۋ اياقتالدى، جىبەك جولى ەكونوميكالىق بەلدەۋىن قۇرۋ تەزدەدى
2016.01.26 13:38 كەلۋ قاينارى : ءتاڭىرتاۋ تورابى
شينجياڭنىڭ ساياحات ىستەرى جوبا بويىنشا الدىمەن اتقارىلىپ، «ءبىر وزەك، ءبىر بازا» جوباسىن جاساۋ قىزمەتى جوعارى دەڭگەيدە باستالدى. 2015 - جىلى اقپان ايىندا «جىبەك جولى ەكونوميكالىق بەلدەۋى ساياحات تاۋارلارىن جيناۋ - جونەلتۋ ورتالىعى − ءۇرىمجى حالىقارالىق ساياحات پورتى جوباسى» باعالانىپ تەكسەرۋدەن ءساتتى ءوتتى؛ قاراشا ايىندا «وڭتۇستىك شينجياڭ جىبەك جولى مادەنيەت جانە ۇلتتىق سالت - سانا ساياحات كوزدەۋلى جەرلەرىن دامىتۋ جوسپارى» باعالانىپ تەكسەرۋدەن ءساتتى ءوتتى. جىبەك جولى ەكونوميكالىق بەلدەۋىنىڭ وزەكتى قۇرىلىسىنىڭ ءتۇيىندى قىزمەت مىندەتى رەتىندە شينجياڭ ساياحات ىستەرىنىڭ «ءبىر وزەك، ءبىر بازا» قۇرىلىسى شينجياڭدى جىبەك جولى ەكونوميكالىق بەلدەۋىندەگى وزەكتى رايون ەتىپ قۇرىپ شىعۋدا ماڭىزدى رول اتقاراتىنى ءشۇباسىز.
ساياحات ارقىلى شينجياڭعا كومەكتەسۋدىڭ مەملەكەتتىك قىزمەت ءماجىلىسى 2015 - جىلى 20 - شىلدە كۇنى ۇرىمجىدە اشىلدى. ماجىلىستە «ساياحات ارقىلى شينجياڭعا كومەكتەسۋ قىزمەتىن اناعۇرلىم ىلگەرىلەتۋ جونىندەگى جەتەكشى پىكىر» جاريالانىپ، شينجياڭعا كومەكتەسۋدى جوبالاۋ، نەگىزدىك قۇرىلعىلار قۇرىلىسى، سارا ساياحات رايونىن قۇرۋ، ەرەكشە ساياحات ونىمدەرىن جاراتۋ، «ساياحاتشىلاردى شينجياڭعا جەتكىزۋ» ينجەنەرياسى، ساياحات كاسىپورىندارىنىڭ «قوس 100 دوستىعى»، ەرەكشە ساياحات ارقىلى زات ساتىپ الۋ سياقتى 10 جاقتان ساياحات ارقىلى شينجياڭعا كومەكتەسۋ مىندەتتەرى مەن نىسانالارىن ورتاعا قويىپ، الداعى جەردە مەملەكەتتىك ساياحات مەكەمەسى مەن قاتىستى ولكە، قالالاردىڭ ساياحات تاراۋلارىنىڭ شينجياڭعا كومەكتەسۋ قىزمەتىن اناعۇرلىم ورىستەتۋىنە باعىت ايقىنداپ بەردى.
«13 - بەسجىلدىق» كەزىندە، مەملەكەتتىك ساياحات مەكەمەسى بۇرىن شينجياڭعا بەرگەن ساياحات ىستەرىن دامىتۋ قورىنا 100 ميلليون يۋان قوسىپ، شينجياڭنىڭ ساياحات ىستەرىن دامىتۋعا جالپى 053 ميلليون يۋان بوساتادى، مۇنىڭ ىشىندە 200 ميلليون يۋان وڭتۇستىك شينجياڭنىڭ ساياحاتىن دامىتۋعا بەرىلەدى.
2015 - جىلى 20 - قاراشادا اۆتونوميالى رايوندىق ساياحات مەكەمەسى ساياحات ارقىلى شينجياڭعا كومەكتەسۋ قىزمەتى جونىندەگى اڭگىمە ءماجىلىسىن وتكىزىپ، «ساياحات ارقىلى شينجياڭعا كومەكتەسۋ قىزمەتىنىڭ 3 جىلدىق ارەكەت جوسپارىن (2016 - 2018)» اقىلداسىپ بەلگىلەدى. الداعى 3 جىلدا شينجياڭ ساياحات ارقىلى شينجياڭعا كومەكتەسۋدى جوبالاۋدى كۇشەيتۋ، ساياحات نەگىزدىك قۇرىلعى قۇرىلىستارىن قولداۋ، سارا ساياحات رايونى قۇرىلىسىن قولداۋ، ەرەكشە ساياحات ونىمدەرىن جاراتۋ، «ساياحاتشىلاردى شينجياڭعا جەتكىزۋ» ينجەنەرياسىن بار كۇشپەن اتقارۋ، ساياحات كاسىپورىندارىنىڭ «قوس 100 دوستىعى» بويىنشا كومەكتەسۋ جوسپارىن اتقارۋ، ەرەكشە ساياحات ارقىلى زات ساتىپ الۋ، ساياحات دارىندىلارىن تاربيەلەۋ تەبىنىن كۇشەيتۋ، شينجياڭ ساياحاتىنداعى ۇگىتتى كۇشەيتۋ سياقتى شينجياڭعا كومەكتەسۋدىڭ 9 مىندەتىن، 16 ءىرى نىسانانى ارقاۋ ەتىپ، ساياحات ارقىلى شينجياڭعا كومەكتەسۋ قىزمەتىن ىلگەرىلەتەدى.
شينجياڭنىڭ ساياحات تۇتىنۋى 100 ميلليارد يۋاننان اسىپ، ساياحاتتا 100 ميلليارد يۋاندىق كاسىپ جاراتتى؟
2015 - جىلى شينجياڭنىڭ ساياحات كاسىبى ساياحات جالپى تۇتىنۋىن 100 ميلليارد يۋاننان اسىرىپ، تۇتاس جىلدا 60 ميلليون ادام - رەت ساياحاتشى قابىلدادى، شەكارادان كىرگەن ساياحاتشى ءبىر ميلليون 600 مىڭ ادام - رەتكە جەتىپ، ءبىر جولدا 100 ميلليارد يۋاندىق كاسىپ قاتارىنا ەنىپ، «حالىق شارۋاشىلىعىنىڭ ستراتەگيالىق تىرەكتى كاسىبى، حالىق تۇرمىسىن جاقسارتاتىن ماڭىزدى اۋقاتتاندىرۋ كاسىبى جانە حالىق اناعۇرلىم رازى بولاتىن وسى زامانعى قىزمەت وتەۋ كاسىبى» بولۋ نىساناسىنا قاراي العا باسۋدا.
مەملەكەتتىك 5A دارەجەلى كورىنىس رايونىن كوبەيتىپ قۇرۋ جوسپارى جاپپاي اتقارىلدى؟
2015 - جىلى 20 - شىلدە كۇنى قاشقار كونەشار رايونىنا مەملەكەتتىك 5A دارەجەلى كورىنىس رايونى دەگەن اتاق بەرىلىپ، شينجياڭداعى 9 - مەملەكەتتىك 5A دارەجەلى كورىنىس رايونىنا اينالدى.
ۇعىسۋعا قاراعاندا، «12 - بەسجىلدىق» جوبا كەزىندە شينجياڭ 5A دارەجەلى كورىنىس رايونىن كوبەيتىپ قۇرۋ جوسپارىن اتقارىپ، 5A دارەجەلى كورىنىس رايونىنان التاۋىن كوبەيتىپ، ءبىر جولدا مەملەكەت بويىنشا 2 - ورىنعا وتكەن. 10 - كەزەكتى قىسقى ساياحات جارمەنكەسىن وتكىزىپ، كوپ تۇردە تاريحتاعى ەڭ جوعارى رەكورد جاراتىلدى؟
2015 - جىلى 27 - قاراشا كۇنى جۇڭگو باتىس بولەك قار - مۇز ساياحات مەرەكەسى جانە 10 - كەزەكتى جۇڭگو شينجياڭ قىسقى ساياحات جارمەنكەسى شينجياڭ حالىقارالىق كورمە ورتالىعىندا وتكىزىلدى. دۇنيە جۇزىندەگى 15 مەملەكەت پەن رايوننىڭ، ۇيىمداردىڭ، سونداي - اق مەملەكەتىمىزدەگى 13 ولكە، اۆتونوميالى رايون، قالانىڭ، شياڭگاڭ، اۋمىن، تايۋان رايونىنىڭ جانە بۇكىل شينجياڭداعى ايماق، وبلىس، قالالاردىڭ ساياحات ىستەرىن باسقارۋ قۇرىلىمدارى، ساياحات قوعامدارى، ساياحات كاسىپورىندارى جارمەنكەگە قاتىناستى. جارمەنكەدە كەلىسكەن توقتام سوماسى 4 ميلليارد 500 ميلليون يۋانعا جەتىپ، تاريحتاعى ەڭ جوعارى رەكورد جاراتىلدى.
جاڭا كاسىپتەردىڭ دامۋ جاعدايى تەزدەپ، ساياحات كاسىبىنىڭ قاۋىرت دامۋىن ىلگەرىلەتتى؟
2015 - جىلى 12 - قاڭتار كۇنى اۆتونوميالى رايوندىق ساياحات مەكەمەسى قوعامعا شينجياڭ ساياحاتىنىڭ جاڭا كاسىبىندەگى 100 ءتۇيىندى نىساندى جاريالادى، بۇل نىساندارعا جالپى 54 ميلليارد 700 ميلليون يۋان قارجى قوسىلدى. 2015 - جىلى جاڭالىق اشۋ ۇلگىسىندەگى «گۇل نەگە وسىنشالىق قىزىل»، «پويەزبەن شينجياڭدى ساياحاتتاۋ» سياقتى جەلىلەس ساياحات ونىمدەرى جاراتىلىپ، ونىمدەردىڭ قۇرىلىمى ساپالىلاندى، مازمۇنى بايىتىلدى، ساپاسى جوعارىلاتىلدى، ساياحات كاسىبىنىڭ باسەكەلىك قۋاتى مەن ىقپالى كۇشەيتىلدى، جىبەك جولى ەكونوميكالىق بەلدەۋىندەگى «ءبىر بەلدەۋ، ءبىر جول» قۇرىلىسىن جاپپاي ىلگەرىلەتۋدە وتە تاماشا جاڭالىق اشىپ، جەبەۋ رولىن اتقاردى.
2015 - جىلى قازان ايىندا جىبەك جولى ەمدەلۋ ساياحاتى وداعى قۇرىلىپ، جىبەك جولى ەكونوميكالىق بەلدەۋىندەگى «5 ءىرى ورتالىق» قۇرىلىسى مەن شينجياڭ جىبەك جولى ەمدەلۋ ساياحاتىنىڭ دامۋىن ءونىمدى ىلگەرىلەتتى.
شەكارالىق ساياحاتتا جاڭا ناتيجە جاراتىلىپ، «ءبىر بەلدەۋ، ءبىر جول» ساياحاتىنداعى حالىقارالىق سەلبەستىك ءتيىمدى باعىتقا قاراي بەت الدى؟
2015 - جىلى قاڭتار ايىندا 2 - كەزەكتى جۇڭگو شينجياڭ حالىقارالىق جىبەك جولى ساياحاتىن دامىتۋ ءماجىلىسى ۇرىمجىدە اشىلدى، ا ق ش، نورۆەگيا، فينلانديا باستاعان 18 مەملەكەتتەن كەلگەن ماماندار، وقىمىستىلار جانە شينجياڭداعى ساياحات كاسىپتەرى، ساياحات كاسىپورىندارى جىبەك جولى ەكونوميكالىق بەلدەۋى ساياحات سەلبەستىگى مەن دامۋ جوباسىن بىرگە جاساپ، «جىبەك جولى حالىقارالىق ساياحاتى ءۇرىمجى جارناماسىنىڭ» تياناقتاندىرىلۋىن اناعۇرلىم ىلگەرىلەتتى.
2015 - جىلى تامىز ايىندا «3 - كەزەكتى جىبەك جولى ەكونوميكالىق بەلدەۋى التاي تاۋى 2 - رايونى ەكونوميكالىق سەلبەستىگى حالىقارالىق مىنبەرى − التاي تاۋى سىلەمىندەگى شەكارالىق ساياحات سەلبەستىگى جەتەكشىلەر ءماجىلىسى» اشىلدى؛ قىركۇيەك ايىندا التاي تاۋى سىلەمىندەگى 4 ەلدى، 6 جاقتى اينالۋ - ەرەكشە ساياحات قيمىلى تۇڭعىش رەت وتكىزىلدى؛ قاراشا ايىندا وتكىزىلگەن جۇڭگو باتىس بولەك قار - مۇز ساياحات مەرەكەسى جانە 10- كەزەكتى جۇڭگو شينجياڭ قىسقى ساياحات كاسىپتەرى ساۋدا جارمەنكەسىندە رەسەي، قازاقستان، قىرعىزستان، وزبەكستان، تاجىكستان، موڭعۇليا سياقتى 15 مەملەكەتتىڭ جانە رايوننىڭ ساۋداگەرلەرىنەن ۇيىمداسقان «ءبىر بەلدەۋ، ءبىر جول» ساۋدا جارمەنكەسى اشىلىپ، قىسقى ساياحات ساۋدا جارمەنكەسىنە قاتىناسقان شەتەلدىك ساياحاتشىلار، ساۋداگەرلەر ەڭ كوپ بولۋ رەكوردىن جاراتتى ءارى كوپتەگەن نىسانداردا حالىقارالىق ساياحات سەلبەستىگى كەلىسىمىن جاسادى. 2015 - جىلى جەلتوقسان ايىندا جۇڭگو مەن قازاقستان رەسپۋبليكاسى «جۇڭحۋا حالىق رەسپۋبليكاسى مەن قازاقستان رەسپۋبليكاسى قارجى جانە دامۋ مينيسترلىگى جۇڭگو ازاماتتارىنىڭ قازاقستان رەسپۋبليكاسىنا بارىپ ۇيىرمە قۇرىپ ساياحاتتاۋىنا قولايلىلىق جاراتۋ جونىندەگى ەسكەرتپە حاتقا» قول قويدى.
2 ساياحات كاسىپورنى «مايدان سىرتىندا ساۋدالاساتىن بازاعا» كىردى، شينجياڭ ساياحاتىنىڭ كاپيتال بازارىنىڭ ەسىگى اشىلدى؟
2015 - جىلى مامىر ايىندا جانە قاراشا ايىندا باتىس ءوڭىر ساياحات اشۋ شەكتى جارنا سەرىكتەستىگى مەن قاناس ساياحات اشۋ شەكتى جارنا سەرىكتەستىگى مەملەكەت بويىنشا ورتا، شاعىن كاسىپورىنداردىڭ جارناسىن وتكەرمەلەۋ جۇيەسىندە ماڭدايشالىق اسىپ قۇرىلدى. بۇل جۇڭگو كاپيتال بازارىندا شينجياڭ ساياحات كاسىبىنىڭ جەدەل دامۋىن ىلگەرىلەتۋدە جاڭا ءداۋىردىڭ باستالعانىن كورسەتەدى. مەملەكەتتىك 13 - كەزەكتى قىسقى سپورت جارىسىنا دەم بەرىپ، قار - مۇز ساياحاتىن جانداندىردى؟
اۆتونوميالى رايوندىق ساياحات مەكەمەسى مەملەكەتتىك 13 - كەزەكتى قىسقى سپورت جارىسىن وراي ەتىپ، «مەملەكەتتىك 13 - كەزەكتى قىسقى سپورت جارىسىنا دەم بەرىپ، قار - مۇز ساياحاتىن جانداندىرۋ» تاقىرىپتىق قيمىلىن ورىستەتىپ، اۆتونوميالى رايونىمىزدىڭ قىسقى ساياحات ىستەرىنىڭ ءورىسىن كەڭەيتتى.
مەملەكەتتىك 13 - كەزەكتى قىسقى سپورت جارىسىنىڭ ۇلكەن ءتۇر قيمىلىنىڭ قوسىمشا قاراجاتى، 13 - كەزەكتى قىسقى سپورت جارىسىنىڭ ساياحاتتاعى ۇلكەن تارتۋى، 13 - كەزەكتى قىسقى سپورت جارىسىنىڭ باس تاقىرىبى قوسىمشا قاراجاتى سياقتى كوپتەگەن قوسىمشا قاراجات پەن تارتۋ ۇسىنۋ قيمىلدارىن ۇيىمداستىرىپ، حالىققا تيىمدىلىك جاساۋ شارالارىن ناقتى تياناقتاندىرىپ، «شينجياڭعا ماحاببات. اۋىلعا ساياحات» قيمىلىن تىڭ دامۋ ورەسىنە كوتەردى.
ساياحات بازارىن باقىلاۋ - باسقارۋ كۇشەيتىلىپ، ساياحاتقا قىزمەت وتەۋ ساپاسى جوعارىلادى؟
2015 - جىلدان بەرى تۇتاس اۆتونوميالى رايونىمىزداعى 900گە جۋىق ساياحات كاسىپورنىنا جانە قاتىستى 1 - شەپتەگى ساياحات جەتەكشىسىنە قىزمەت وتەۋ ساپاسىن جوعارىلاتۋ جونىندە ارناۋلى وڭاۋ، تەكسەرۋ جۇرگىزىلدى. مۇندا اۆتونوميالى رايون بويىنشا 340 ساياحات كووپەراتيۆى تەكسەرىلدى، 37 ساياحات كووپەراتيۆىنە اكىمشىلىك جازا بەرىلدى، 18 ساياحات بولىمشە كووپەراتيۆىنىڭ، ساياحات تارماق قۇرىلىمىنىڭ شارۋاشىلىق جۇرگىزۋ كۋالىگى كۇشىنەن قالدىرىلدى؛ جۇلدىز دارەجەلى 414 قوناق ءۇي تەكسەرىلدى، جۇلدىز دارەجەلى 18 قوناق ءۇي كۇشىنەن قالدىرىلدى، جۇلدىز دارەجەلى 11 قوناق ءۇي شەكتى مەرزىمدە تۇزەتۋگە بۇيىرىلدى؛ 123 ساياحات كورىنىس رايونى تەكسەرىلدى، A دارەجەلى 2 كورىنىس رايونى كۇشىنەن قالدىرىلدى، 59 كورىنىس رايونى شەكتى مەرزىمدە تۇزەتۋگە بۇيىرىلدى.
«ونعا جول بەرمەۋ» كاسىپ باسقارۋ قىزىل سىزىعى جاريالانىپ، ساياحاتقا قىزمەت وتەۋ ساپاسى اناعۇرلىم جوعارىلادى، بازار ءتارتىبى جۇيەگە ءتۇسىرىلدى، قىزىل سىزىقتان ءوتىپ كەتۋ، تۇتىنۋشىلاردىڭ زاڭدى ۇقىق - مۇددەسىنە زيان جەتكىزۋ جايتتەرىنە قاتاڭ شارا قولدانىلدى.
اۆتونوميالى رايوندىق ساياحات مەكەمەسى ءۇرتىس 3 جىل بويى اۆتونوميالى رايونىمىزداعى A دارەجەلى ساياحات كورىنىس رايوندارىنا، جۇلدىز دارەجەلى قوناق ۇيلەرگە، ساياحات كووپەراتيۆتەرىنە جانە ساياحات جەتەكشىلەرىنە ساياحاتقا قىزمەت وتەۋ ساپاسىن جوعارىلاتۋ جونىندە ارناۋلى وڭاۋ قىزمەتىن ىستەدى، بۇل 800دەن استام ساياحات كاسىپورنىن شارپىدى، 300 نەشە ساياحات كاسىپورنىنىڭ ماڭدايشالىعى الىنىپ تاستالدى، دارەجەسى تومەندەتىلدى، ەسكەرتۋ بەرىلدى، تۇزەتۋگە بۇيىرىلدى، ساياحاتتاعى ارىز - شاعىم بەرۋ مولشەرى بۇرىنعى جىلدارداعىدان بارىنشا ازايدى، ساياحاتقا قىزمەت وتەۋ ساپاسى كوپ جوعارىلادى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
