- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شينجياڭ ۇيعۇر اۆتونوميالى رايوندىق حالىق قۇرىلتايىنىڭ «شينجياڭ ۇيعۇر اۆتونوميالى رايوندىق حالىق قۇرىلتايىنىڭ جانە ونىڭ تۇراقتى كوميتەتىنىڭ زاڭ شىعارۋ ەرەجەسىنە» وزگەرىس ەنگىزۋ جونىندەگى قارارى
(شينجياڭ ۇيعۇر اۆتونوميالى رايوندىق 12 - كەزەكتى حالىق قۇرىلتايىنىڭ 4 - ماجىلىسىندە 2016 - جىلى 16 - قاڭتاردا ماقۇلداندى)
2016.01.26 13:40 كەلۋ قاينارى : ءتاڭىرتاۋ تورابى
شينجياڭ ۇيعۇر اۆتونوميالى رايوندىق 12 - كەزەكتى حالىق قۇرىلتايىنىڭ 4 - ءماجىلىسى «شينجياڭ ۇيعۇر اۆتونوميالى رايوندىق حالىق قۇرىلتايىنىڭ جانە ونىڭ تۇراقتى كوميتەتىنىڭ زاڭ شىعارۋ ەرەجەسىنە» تومەندەگىدەي وزگەرىس ەنگىزۋدى ۇيعاردى:
ءبىرىنشى، 1 - تارماعىنا بىلاي وزگەرىس ەنگىزىلدى: «جەرگىلىكتى ورىننىڭ زاڭ شىعارۋ قيمىلىن ارناعا ءتۇسىرىپ، جەرگىلىكتى ورىننىڭ زاڭ شىعارۋ ساپاسىن جوعارىلاتىپ، مەملەكەت زاڭىنىڭ بىركەلكىلىگىن ساقتاپ، زاڭ شىعارۋدىڭ جەتەكشىلىك جانە جەبەۋشىلىك رولىن ساۋلەلەندىرىپ، اۆتونوميالى رايوننىڭ ەكونوميكالىق، قوعامدىق دامۋىن قامتاماسىزداندىرىپ، شينجياڭدى زاڭمەن جونگە سالۋدى جاپپاي ىلگەرىلەتىپ، زاڭمەن باسقارىلاتىن شينجياڭ قۇرۋ ءۇشىن، <جۇڭحۋا حالىق رەسپۋبليكاسىنىڭ ۇلتتىق تەرريتوريالىق اۆتونوميا زاڭىنا>، <جۇڭحۋا حالىق رەسپۋبليكاسىنىڭ زاڭ شىعارۋ زاڭىنا>، <جۇڭحۋا حالىق رەسپۋبليكاسىنىڭ جەرگىلىكتى ءار دارەجەلى حالىق قۇرىلتايىنىڭ جانە جەرگىلىكتى ءار دارەجەلى حالىق ۇكىمەتتەرىنىڭ ۇيىمدىق زاڭىنا> ساي، اۆتونوميالى رايوننىڭ ءىس جۇزىندىك جاعدايىمەن ۇشتاستىرىپ وسى ەرەجە جاسالدى».
ەكىنشى، 3 - تارماققا ءبىر تارماقشا قوسىلىپ، 2 - تارماقشا ەتىلدى: «جەرگىلىكتى زاڭ شىعارۋدا زاڭدا بەلگىلەنگەن ۇقىق شەگىنە جانە تارتىپكە بويسۇنىپ، سوتسياليستىك زاڭ - ءتۇزىمنىڭ بىركەلكىلىگىن ساقتاپ، حالىقتىڭ ەركىن بەينەلەپ، زاڭ شىعارۋدى جاريا ۇستاۋدان جازباي، حالىقتىڭ زاڭ شىعارۋ قيمىلىنا كوپ ءتۇرلى جولمەن قاتىناسۋىنا كەپىلدىك ەتۋ كەرەك».
ءۇشىنشى، 5 - تارماققا ءبىر تارماقشا قوسىلىپ، 3 - تارماقشا ەتىلدى: «جەرگىلىكتى زاڭ - ەرەجە شىعارۋدا جوعارى زاڭدا انىق بەلگىلەنگەن مازمۇن جونىندە جايشىلىقتا قايتالانعان بەلگىلەمە شىعارىلمايدى».
ءتورتىنشى، 9 - تارماققا ءبىر تارماقشا قوسىلىپ، 2 - تارماقشا ەتىلدى: «تۇراقتى كوميتەت الدىڭعى تارماقشاداعى بەلگىلەمەگە ساي زاڭ - ەرەجە جوباسىن قاراپ، ءتۇرلى فورمالار ارقىلى اۆتونوميالى رايوندىق حالىق قۇرىلتايى ۋاكىلدەرىنىڭ پىكىرىن تىڭداۋى ءارى قاتىستى جاعدايلاردى اڭىس ەتۋلەرى كەرەك؛ ارناۋلى كوميتەتتەر مەن تۇراقتى كوميتەت قىزمەت قۇرىلىمدارى زاڭ شىعارۋعا تەكسەرۋ - زەرتتەۋ جۇرگىزەدى، اۆتونوميالى رايوندىق حالىق قۇرىلتايىنىڭ قاتىستى ۋاكىلدەرىن قاتىناسۋعا ۇسىنىس ەتۋىنە بولادى».
بەسىنشى، ءبىر تارماق قوسىلىپ، 22 - تارماق ەتىلدى: «تۇراقتى كوميتەت قىزمەت قۇرىلىمى تۇراقتى كوميتەت ماجىلىسىندە قاراپ ماقۇلداۋعا ۇسىنىلعان زاڭ - ەرەجە جوباسىنا زاڭ - ءتۇزىم كوميتەتى قاراۋ ناتيجەسى جونىندەگى مالىمەتىن بەرۋدەن بۇرىن، زاڭ - ەرەجە جوباسىنداعى باستى تۇزىمدەردى، ەرەجەلەردى ارناعا ءتۇسىرۋ مۇمكىندىگى، زاڭ - ەرەجەنى جاريالاۋدىڭ ۇيلەسىمدى كەزەڭى، زاڭ - ەرەجەنى اتقارۋدىڭ قوعامدىق ءونىمى جانە ورىن تەبۋى مۇمكىن بولعان ماسەلەلەر جونىندە باعالاۋ جۇرگىزەدى. زاڭ - ءتۇزىم كوميتەتى تەكسەرۋ ناتيجەسى جونىندەگى مالىمەتىندە باعالاۋ جاعدايىنا تۇسىنىك جاسايدى».
التىنشى، 30 - تارماق 31 - تارماققا وزگەرتىلىپ، 2 - ، 3 - تارماقشا رەتىندە 2 تارماقشا قوسىلدى: «زاڭ - ەرەجەنىڭ جوباسىن داۋىسقا سالۋ نۇسقاسىن تۇراقتى كوميتەت ءماجىلىسىنىڭ داۋىسقا سالۋىنا تاپسىرۋدان بۇرىن مەڭگەرۋشىلەر ءماجىلىسى تۇراقتى كوميتەت ءماجىلىسىنىڭ قاراۋ جاعدايىنا نەگىزدەلىپ پىكىر، الاۋىزدىق نەداۋىر زور بولعان ءىشىنارا ماڭىزدى تارماقتاردى تۇراقتى كوميتەت ءماجىلىسىنىڭ جەكە دارا داۋىسقا سالۋىن ۇسىنىس ەتۋىنە بولادى».
«جەكە دارا داۋىسقا سالىناتىن تارماقتار تۇراقتى كوميتەت ماجىلىسىندە داۋىسقا سالىنعاننان كەيىن مەڭگەرۋشىلەر ءماجىلىسى جەكە دارا داۋىسقا سالۋ جاعدايىنا نەگىزدەلىپ، زاڭ - ەرەجەنىڭ جوباسىن داۋىسقا سالۋ نۇسقاسىن داۋىسقا سالۋعا تاپسىرۋىنا، سونداي - اق ۋاقىتشا داۋىسقا سالماي، زاڭ - ءتۇزىم كوميتەتى مەن قاتىستى ارناۋلى كوميتەتتەردىڭ ىشكەرىلەي قاراۋىنا تاپسىرۋىنا بولادى».
جەتىنشى، ءبىر تارماق قوسىلىپ، 32 - تارماق ەتىلدى: «كوپتەگەن زاڭ - ەرەجەلەردىڭ ءىشىنارا تارماقتارىنا وزگەرىس ەنگىزگەندە ءبىر جولدا العا قويىلعان زاڭ - ەرەجە جوباسىن مەڭگەرۋشىلەر ءماجىلىسىنىڭ قارارى ارقىلى قوسىپ داۋىسقا سالۋعا دا، جەكە - جەكە داۋىسقا سالۋعا دا بولادى».
سەگىزىنشى، 42 - تارماق 44 - تارماققا وزگەرتىلىپ، 2 - تارماقشا رەتىندە ءبىر تارماقشا قوسىلدى: «اۆتونوميالى رايوندىق حالىق قۇرىلتايىنىڭ تۇراقتى كوميتەتى بەكىتكەن جەرگىلىكتى زاڭ - ەرەجەلەر، اۆتونوميا ەرەجەسى مەن بولەك ەرەجەلەردى رايونعا ايرىلعان قالالىق، اۆتونوميالى وبلىستىق، اۆتونوميالى اۋداندىق حالىق قۇرىلتايىنىڭ تۇراقتى كوميتەتى جەكە - جەكە حابارلاندىرۋ شىعارىپ، جاريالايدى».
توعىزىنشى، ءبىر تارماق قوسىلىپ، 45 - تارماق ەتىلدى: «اۆتونوميالى رايوندىق حالىق قۇرىلتايى جانە ونىڭ تۇراقتى كوميتەتى زاڭ شىعارۋ قىزمەتىنە ۇيىمدىق جاقتان سايكەستىرۋدى كۇشەيتىپ، زاڭ شىعارۋ قىزمەتىندەگى جەتەكشىلىك رولىن ساۋلەلەندىرەدى».
ونىنشى، 43 - تارماق 46 - تارماققا وزگەرتىلدى، 1 - تارماقشاسى بىلاي وزگەرتىلدى: «تۇراقتى كوميتەت ءوز اكىمشىلىك رايونىنداعى ناقتى جاعداي مەن ءىس جۇزىندىك قاجەتكە قاراي، اۆتونوميالى رايوننىڭ جەرگىلىكتى زاڭ شىعارۋ جوباسى مەن جىلدىق زاڭ شىعارۋ جوسپارىن جاسايدى. جەرگىلىكتى زاڭ شىعارۋ جوباسى مەن جىلدىق زاڭ شىعارۋ جوسپارىن دايىنداعان كەزدە ۋاكىلدەردىڭ كەڭەستىك جوباسى مەن ۇسىنىستارىنا مۇقيات زەرتتەۋ جۇرگىزىپ، كەڭ كولەمدى پىكىر جيناپ، عىلمي دالەلدەپ، مولشەرلەپ، اۆتونوميالى رايوننىڭ ەكونوميكالىق دامۋ، قوعام ورنىقتىلىعى جانە باياندى تىنىشتىق قاجەتىنە سايكەس زاڭ شىعارۋ نىساندارىن بەلگىلەپ، زاڭنىڭ دەر كەزىندە شىعارىلۋ، باعىتتامالى، جۇيەلى بولۋ دەڭگەيىن جوعارىلاتۋ كەرەك. زاڭ شىعارۋ جوباسى مەن جىلدىق زاڭ شىعارۋ جوسپارىن مەڭگەرۋشىلەر ءماجىلىسى ماقۇلداپ، قوعامعا اشىق جاريالايدى».
2 - تارماقشا رەتىندە ءبىر تارماقشا قوسىلدى: «اۆتونوميالى رايوندىق حالىق قۇرىلتايى تۇراقتى كوميتەتىنىڭ قىزمەت قۇرىلىمى زاڭ شىعارۋ جوباسى مەن جىلدىق زاڭ شىعارۋ جوسپارىن دايىنداۋعا جاۋاپتى ءارى اۆتونوميالى رايوندىق حالىق قۇرىلتايى تۇراقتى كوميتەتىنىڭ تالابىنا ساي، زاڭ شىعارۋ جوباسى مەن جىلدىق زاڭ شىعارۋ جوسپارىن تياناقتاندىرۋدى قۋزايدى».
ون ءبىرىنشى، 47 - تارماق رەتىندە ءبىر تارماق قوسىلدى، 1 - تارماقشاسى: «اۆتونوميالى رايوندىق حالىق قۇرىلتايىنىڭ قاتىستى ارناۋلى كوميتەتتەرى، تۇراقتى كوميتەتتىڭ قىزمەت قۇرىلىمى قاتىستى جاقتاردىڭ زاڭ - ەرەجە جوباسىن جازۋ قىزمەتىنە الدىن الا ات سالىسۋى ءتيىس؛ جالپىلىق سيپاتقا، جالپى جاعداي سيپاتىنا، نەگىزدىك سيپاتقا يە ماڭىزدى زاڭ - ەرەجە جوبالارىن قاتىستى ارناۋلى كوميتەتتەردىڭ نەمەسە تۇراقتى كوميتەتتىڭ قىزمەت قۇرىلىمىنىڭ جازۋىن ۇيىمداستىرۋىنا بولادى».
2 - تارماقشاسى: «كاسىپتىك سيپاتى ءبىرشاما كۇشتى زاڭ - ەرەجە جوبالارىن جاساۋ قىزمەتىنە قاتىستى سالالارداعى مامانداردى ۇسىنىس ەتۋگە نەمەسە زاڭ - ەرەجە جوبالارىن جاساۋدى قاتىستى ماماندارعا، وقىتۋ، عىلمي زەرتتەۋ ورىندارىنا، قوعامدىق ۇيىمدارعا تاپسىرۋعا بولادى».
ون ەكىنشى، 44 - تارماق 47 - تارماققا وزگەرتىلدى، سونىمەن بىرگە وسى تارماقتىڭ سوڭىنا «زاڭ - ەرەجەگە وزگەرىس ەنگىزىلگەندە وزگەرىس ەنگىزىلۋدەن بۇرىنعى جانە وزگەرىس ەنگىزىلگەننەن كەيىنگى سالىستىرمالى نۇسقاسى دا تاپسىرىلۋ كەرەك» دەگەن مازمۇن قوسىلدى.
ون ءۇشىنشى، ءبىر تارماق قوسىلىپ، 53 - تارماق ەتىلدى: «جەرگىلىكتى زاڭ - ەرەجەلەردە قاتىستى مەملەكەت قۇرىلىمدارىنىڭ ارناۋلى ىستەرگە سايكەس ناقتى بەلگىلەمە جاساۋى ايقىن تالاپ ەتىلگەندە، قاتىستى مەملەكەت قۇرىلىمدارى زاڭ - ەرەجە اتقارىلعان كۇننەن ءبىر جىلعا دەيىنگى ۋاقىتتا بەلگىلەمە جاساۋى كەرەك. قاتىستى مەملەكەت قۇرىلىمدارى شەكتى مەرزىمدە سايكەس ناقتى بەلگىلەمە جاساي الماسا، اۆتونوميالى رايوندىق حالىق قۇرىلتايى تۇراقتى كوميتەتىنە جاعدايدى ءتۇسىندىرۋى كەرەك».
ون ءتورتىنشى، ءبىر تارماق قوسىلىپ، 54 - تارماق ەتىلدى: «اۆتونوميالى رايوندىق حالىق قۇرىلتايىنىڭ قاتىستى ارناۋلى كوميتەتتەرىنىڭ، تۇراقتى كوميتەتىنىڭ قىزمەت قۇرىلىمدارىنىڭ قاتىستى زاڭ - ەرەجەلەرگە نەمەسە زاڭ - ەرەجەلەردەگى قاتىستى بەلگىلەمەلەرگە زاڭ شىعارعاننان كەيىن باعا بەرۋگە ۇيىمداستىرۋىنا بولادى، باعالاۋ جاعدايى تۇراقتى كوميتەتكە مالىمدەلۋى كەرەك».
ون بەسىنشى، 49 - تارماق 55 - تارماققا وزگەرتىلىپ، 2 - تارماقشا رەتىندە ءبىر تارماقشا قوسىلدى: «اۆتونوميا ەرەجەسى، بولەك ەرەجە ەستەلىككە الۋعا ۇسىنىلعاندا، زاڭ، اكىمشىلىك زاڭ - ەرەجە، جەرگىلىكتى زاڭ - ەرەجەلەرگە يكەمدىلىك جاسالۋ جاعدايى ءتۇسىندىرىلۋ كەرەك».
ون التىنشى، 50 - تارماق 56 - تارماققا وزگەرتىلىپ، 4 - تارماقشا بىلاي دەپ وزگەرتىلدى: «جوعارىداعى تالاپتار مەن ۇسىنىستاردى اۆتونوميالى رايوندىق حالىق قۇرىلتايى تۇراقتى كوميتەتى زاڭ - ءتۇزىم قىزمەتى كوميتەتىنە تاپسىرىپ، قاتىستى قىزمەت كوميتەتتەرىمەن بىرگە اقىلداسادى، قاجەت بولعاندا، زاڭ - ءتۇزىم كوميتەتىنە تاپسىرىپ تەكسەرىلىپ، پىكىر بەرىلەدى».
ون جەتىنشى، بۇرىنعى ەرەجەدەگى «ءۇرىمجى قالاسىنا» قاتىستى مازمۇندار تۇگەلدەي «رايون قۇرىلعان قالا، اۆتونوميالى وبلىس» دەپ، «وبلىس (قالا)» تۇگەلدەي «رايون قۇرىلعان قالا، اۆتونوميالى وبلىس» دەپ وزگەرتىلەدى.
مۇنان سىرت، بۇرىنعى ەرەجەدەگى كەيبىر سوزدەرگە جانە تارماقتاردىڭ رەت تارتىبىنە سايكەس وزگەرىس ەنگىزىلدى جانە رەتتەلدى.
بۇل قارار جاريالانعان كۇننەن باستاپ اتقارىلادى.
«شينجياڭ ۇيعۇر اۆتونوميالى رايوندىق حالىق قۇرىلتايى جانە ونىڭ تۇراقتى كوميتەتىنىڭ زاڭ شىعارۋ ەرەجەسىنە» وسى قارار نەگىزىندە وزگەرىس ەنگىزىلىپ، قايتا جاريالانادى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
