شينجياڭ ۇيعۇر اۆتونوميالى رايونى باسشى كادرلار ءماجىلىسىن اشىپ، ورتالىق كوميتەتتىڭ قاۋلىسىن جاريالادى

2016.08.30 14:41   كەلۋ قاينارى : حالىق تورابى

　　حالىق تورابى، 30 – تامىز، بەيجيڭ. ءتاڭىرتاۋ تورابىنىڭ حابارلاۋىنشا، شينجياڭ ۇيعۇر اۆتونوميالى رايونى 29 – تامىزدا باسشى كادرلار ءماجىلىسىن اشتى. ورتالىق كوميتەت ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ شۋجيى، ورتالىق ۇيىمداستىرۋ ءبولىمىنىڭ باستىعى جاۋ لىجي جولداس ماجىلىسكە قاتىناستى ءارى ورتالىق كوميتەتتىڭ قاۋلىسىن جاريالادى: جاڭ چۇنشيان جولداس بۇدان بىلاي شينجياڭ ۇيعۇر اۆتونوميالى رايوندىق پارتكومنىڭ شۋجيى، تۇراقتى مۇشەسى، مۇشەسى مىندەتتەرىن وتەمەيدى، باسقا مىندەتكە قويىلادى؛ چىن چۋانگو جولداس شينجياڭ ۇيعۇر اۆتونوميالى رايوندىق پارتكومنىڭ مۇشەسى، تۇراقتى مۇشەسى، شۋجيى مىندەتتەرىن اتقارادى.

　　ورتالىق كوميتەت ساياسي بيۋروسىنىڭ مۇشەسى جاڭ چۇنشيان ءماجىلىستى باسقاردى ءارى ءسوز سويلەدى. اۆتونوميالى رايوندىق پارتكومنىڭ شۋجيى چىن چۋانگو ءسوز سويلەدى.

　　اۆتونوميالى رايوندىق پارتيا، ۇكىمەت، ارميا جانە بيڭتۋان باسشىلارىنان شوكىرات زاكىر، نايىم ياسىن، نۇرلان ءابىلماجىن ۇلى، سۇن جينلۇڭ، جۋ حايلۇن، پىڭ يۇڭ، لي ۋەي، حۋاڭ ۋەي، شاۋكەت يمين، ەركىنجان تۇراحۇن، شيۇڭ شۋانگو، شۇي حايرۇڭ، عانيبات سابىكەي ۇلى، لي شۋەجۇن، ەركىن تۇردىنياز، ما شۋەجۇن، پىڭ جيارۇي قاتارلىلار ماجىلىسكە قاتىناستى؛ ورتالىق كوميتەتتىڭ ۇيىمداستىرۋ ءبولىمىنىڭ ءبولىم ىستەرى القاسى جانە كادرلار 2 – مەكەمەسىنىڭ باستىعى جوۋ زۋ – ي ماجىلىسكە قاتىناستى.

　　جاڭ چۇنشيان بىلاي دەدى: مەن شي جينپيڭ جولداس باس شۋجي بولعان پارتيا ورتالىق كوميتەتىنىڭ قاۋلىسىن بۇكىلدەي قولدايمىن ءارى ءسوزسىز بويسۇنامىن. چىن چۋانگو جولداس ساياسي جاقتا پارمەندى، تاجىريبەسى مول، مەڭگەرۋ قابىلەتى جوعارى، پارتيا قىزمەتى مەن ەكونوميكالىق قىزمەتكە قانىق، ۇلتتىق رايوننىڭ قىزمەت قاعيداسى مەن ەرەكشەلىگىنە قانىق. كوپشىلىك يدەيالىق جاقتا شي جينپيڭ جولداس باس شۋجي بولعان پارتيا ورتالىق كوميتەتىنىڭ قاۋلىسىنىڭ رۋحىنا ساي بىرلىككە كەلتىرىپ، چىن چۋانگو جولداستىڭ قىزمەتىن كۇش سالا قولداۋىمىز كەرەك.

　　كەلۋ قاينارى: حالىق تورابى