حالىق تورابى، 26 – تامىز، بەيجيڭ. ءتاڭىرتاۋ تورابىنىڭ حابارلاۋىنشا، ءتىلشىنىڭ 24 - تامىزدا 5 – كەزەكتى جۇڭگو – ەۆرازيا كورمەسىنىڭ ەرىكتىلەرىن تاربيەلەۋ جانە ولاردى جۇمىسقا شىعارۋ سالتىنان ۇعىسۋىنا قاراعاندا، وسى رەتكى ەۆرازيا كورمەسىندە ەرىكتىلەردەن 1200 ادام قىزمەت وتەيدى.
وسىنىڭ الدىندا الدىن – الا تاربيەلەنىپ جۇمىسقا شىعارىلعان 200 ەرىكتى قىزمەتكەردەن سىرت، قالعان 1000 ەرىكتى قىزمەتكەر سول كۇننەن باستاپ 5 كۇندىك كاسىپتىك تاربيەلەۋگە قاتىناستى. ولار كاسىپتىك تاربيەلەۋدەن كەيىن، 1 – قىركۇيەكتەن باستاپ جۇمىسقا شىعادى.
5 – كەزەكتى جۇڭگو – ەۆرازيا كورمەسىنە شينجياڭ ۋنيۆەرسيتەتى، شينجياڭ پەداگوگيكا ۋنيۆەرسيتەتى، شينجياڭ قازىنا ۋنيۆەرسيتەتى جانە ءۇرىمجى كاسىپتىك ۋنيۆەرسيتەتىنەن 1200 ەرىكتى قىزمەتكەر قابىلدانعان، ولار 8 قىزمەت بولىمشەسىندەگى 65 قىزمەت ورنىندا ەرىكتى قىزمەت وتەيدى.
كەلۋ قاينارى: حالىق تورابى