يتالياداعى جەر سىلكىنىسىندە قازا بولعان ادام سانى 120 عا جەتتى

2016.08.25 14:11   كەلۋ قاينارى : حالىق تورابى

　　حالىق تورابى، 25-تامىز، بەيجيڭ. يتاليانىڭ پرەمەر مينيسترى رەنزي جەر سىلكىنىسى تۋىلعان ريەتي ولكەسىندە اشىلعان اقپار جاريالاۋ جينالىسىندا، يتاليانىڭ ورتا بولەگىندە تۋىلعان 6.0 بال جەر سىلكىنىسىندە قازا بولعانداردىڭ سانى 120 عا جەتكەنىن جاريالادى.

　　انسا اگەنتتىگىنىڭ حابارلاۋىنشا، جەر سىلكىنىس اپاتى ەڭ اۋىر بولعان ريەتي ولكەسىنىڭ اماتريسە قالاسىنىڭ وزىنەن 64 ادام قازا بولعاندىعى انىقتالعان.

　　يتاليا حالىقتىق قورعانىس مەكەمەسىنىڭ ايتۋىنشا، بۇل رەتكى جەر سىلكىنىسىنىڭ كۇشتىلىگى 2009 - جىلعى لاكۋيلا جەر سىلكىنىسىمەن قارايلاس بولىپ، اپات «اسا اۋىر بولعان». قازىر، حالىقتىق قورعانىس مەكەمەسى مەملەكەتتىڭ جەر - جەرىنەن كەلگەن نەشە جۇزدەگەن اترەتتەردى ۇيىستىرىپ، قۇتقارۋ قىزمەتىن ورىستەتۋدە. حالىقتىق قورعانىس مەكەمەسىنىڭ ايتۋىنشا، قازا بولعانداردىڭ سانى جالعاستى ارتۋى مۇمكىن.

　　جەرگىلىكتى ۋاقىت 24-تامىز كۇنى تاڭعى ساعات ۇشتەن 36 مينۋت وتكەندە، يتاليانىڭ ورتا بولەگىندە 6.0 بال جەر سىلكىنىپ، سىلكىنىس تەرەڭدىگى 4.2 كيلومەترگە جەتكەن. قازىر، سىلكىنىس بولعان رايوندا ءالى دە قالدىق سىلكىنىس بولۋدا.

　　2009 - جىلى، يتاليانىڭ ورتا بولەگىندەگى لاكۋيلادا 5.9 بال جەر سىلكىنىپ، 300 نەشە ادام قازا بولعان بولاتىن.

　　كەلۋ قاينارى: حالىق تورابى