قابا اۋدانى سۇمبىل شاش باسەكەسىن وزدىردى

2017.01.10 13:51   كەلۋ قاينارى : حالىق تورابى

　　حالىق تورابى، 10 – قاڭتار، بەيجيڭ. ءتاڭىرتاۋ تورابىنىڭ ەرىكتى ءتىلشىسى حۋ ۋەنتيڭ حابارلايدى. ۇلتىمىزدىڭ ءداستۇرلى مادەنيەتىن ساۋلەلەندىرىپ، قازاق جەلەكتىلەرىنىڭ جامالىن ايگىلەۋ ءۇشىن، 8-قاڭتار تۇستەن بۇرىن، قابا اۋدانى جايىلما اۋىلىنىڭ ۇكىمەتى «كەلبەتتى ارۋلار، باقىتتى ءومىر» اتىنداعى سۇمبىل شاش باسەكەسىن وتكىزدى.

　　قابا اۋدانى جايىلما اۋىلىنداعى ءارقايسى قىستاقتاردىڭ سۇرىپتاۋىنان كەيىن، 14 جەلەكتىنى تاڭداپ جارىسقا قاتىناستىردى. جارىس مايدانى اسا دۋماندى بولىپ، كورەرمەندەردىڭ ىستىق ىقىلاسى شاباندوزداردىڭ قىزعىندىلىعىن ءتىپتى دە ارتتىردى. قازاقتىڭ ۇلتتىق كيىمىن كيگەن سۇمبىل شاشتى ارۋلار ساحنادا سانگەرلىك ونەرىن كورسەتتى. قابا اۋدانىنىڭ باتىس مايساقۋ قىستاعىنان كەلگەن بۇبۇحان قۇسايىن قىزىنىڭ شاشى جىبەكتەي سۋسىلداعان ءمولدىر قارا بولىپ عانا قالماستان، ونىڭ ۇستىنە جارىسقا قاتىناسقانداردىڭ ىشىندەگى ەڭ ۇزىنى ەكەن، ۇزىندىعى 1.4 مەتر بولىپ، بىرىنشىلىكتى ەنشىلەدى.

　　بۇل رەتكى قيمىل بۇقارانىڭ ۇلتتىق كيىم - كەشەك مادەنيەتىنە بولعان تانىمدارىن تەرەڭدەتىپ عانا قالماستان، ءار ۇلت حالقى اراسىنداعى بارىس - كەلىستى قويۋلاتتى، سونىمەن بىرگە ايەلدەردىڭ جاراسىمدى دا مادەنيەتتى، بەلسەنە العا باسۋ رۋحىن ايگىلەدى.

　　كەلۋ قاينارى: حالىق تورابى