ازيا چەمپيوندار ليگاسى گرۋپپالىق جارىسىندا جۇڭگو سۋپەر ليگاسىنداعى كوماندالار ايتارلىقتاي باستاما جاراتتى

ءۇش جارىستا تۇگەل جەڭىپ، ارىپتەستەرىنە بىردە – ءبىر دوپ سوقتىرمادى

گازەتىمىز ءتىلشىسى چىن چىنشي

2017.02.23 13:46   كەلۋ قاينارى : حالىق تورابى

　　2017 – جىلعى ازيا چەمپيوندار ليگاسىنا قاتىناسىپ جاتقان جۇڭگو سۋپەر ليگاسىنداعى ەكى كوماندا دا 22 – اقپان كۇنى جەڭىسكە جەتتى، جياڭسۋ سۋنيڭ كومانداسى ارىپتەسىنىڭ الاڭىندا 1 : 0 ۇپايمەن وڭتۇستىك كورەيا K ليگاسىنداعى جەجۋ يۋنايتەد كومانداسىن قاپى قالدىرسا، گۋاڭجوۋ حىڭدا كومانداسى ءوز الاڭىندا 7 : 0 ۇپايمەن شياڭگاڭ شىعىس A.A كومانداسىن ويسىراتا جەڭدى، 21 – اقپان كۇنى شاڭحاي شاڭگاڭ كومانداسى ارىپتەسىنىڭ الاڭىندا 1 : 0 ۇپايمەن جەڭىسكە جەتكەن بولاتىن، سونىمەن ازيا چەمپيوندار ليگاسىنىڭ رەسمي كەزەڭىنە قاتىناسىپ جاتقان 3 كوماندا گرۋپپالىق جارىستىڭ العاشقى اينالىمىندا تۇگەلدەي جەڭدى.

　　جۇڭگو سۋپەر ليگاسىنداعى كوماندالاردىڭ ازيا چەمپيوندار ليگاسىنىڭ تۇڭعىش اينالىمىندا تۇگەل جەڭۋى سىندى ناتيجە 2015 – جىلى دا بولعان، سول كەزدە 4 كوماندا جاپونيا، وڭتۇستىك كورەيا جانە اۆستراليانىڭ كوماندالارىن جەڭگەن، بۇل رەتكى تولىق جەڭىس ناتيجەسى ەكى جىلدىڭ الدىنداعىداي بولماعانىمەن، وسىنداي باستاما فۋتبول جانكۇيەرلەرىن ازيا چەمپيوندار ليگاسىنىڭ جاڭا جارىس ماۋسىمىندا جۇڭگو فۋتبول كلۋبتارىنىڭ جاقسى ناتيجە كورسەتۋىنەن ۇمىتتەندىردى.

　　كەلۋ قاينارى: حالىق تورابى