شي جينپيڭ بەيجيڭدە قىزمەت تەكسەرگەندە مىنانى دارىپتەدى: قالا جوباسى قۇرىلىسىن مىقتى يگەرىپ، بەيجيڭ قىسقى وليمپياداسىنا ويداعىداي دايىندالۋ كەرەك

2017.02.27 14:28   كەلۋ قاينارى : حالىق تورابى

　　شينحۋا اگەنتتىگى، 24 - اقپان، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىردا بەيجيڭدە قىزمەت تەكسەرگەندە بىلاي دەپ باسا دارىپتەدى: بەيجيڭنىڭ قالا جوباسى قۇرىلىسى مەن بەيجيڭ قىسقى وليمپياداسىنا دايىندالۋ قىزمەتى __ قازىر جانە بۇدان بىلايعى ءبىر مەزگىلدە بەيجيڭ قالاسىنىڭ 2 ءتۇرلى ماڭىزدى مىندەتى. پارتيا ورتالىق كوميتەتىنىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، ەڭ ۇزدىك ولشەمدە تاباندى بولىپ، يدەيانى ازات ەتىپ، وي ءورىستى اشىپ، شىندىققا جۇگىنىپ، ناقتى ىستەر ىستەپ، قيىن تۇيىندەردە قامال الىپ، ءوندىرىس، تۇرمىس، ەكولوگيا جاعىندا ءبىر تۇتاس ورنالاستىرۋ جاساپ، جونگە سالۋ قابىلەتىن جوعارىلاتۋدى تياناق ەتىپ، قالا جوباسى قۇرىلىسىن مىقتى يگەرىپ، تارتىمدى، كەرەمەت، ەلدەن ەرەك بولۋدى كوزدە ۇستاپ، بەيجيڭ قىسقى وليمپياداسىنا ويداعىداي دايىندالىپ، استانا دامۋىنىڭ اناعۇرلىم كوركەم بولاشاعىن اشۋعا قۇلشىنۋ كەرەك.

　　23 - اقپاننان 24 - اقپانعا دەيىن شي جينپيڭ ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى جاڭ گاۋليدىڭ، بەيجيڭ قالالىق پارتكومنىڭ شۋجيى گو جينلۇڭنىڭ، قالا باستىعى ساي چيدىڭ سەرىك بولۋىندا بەيجيڭ قالاسىنىڭ قالا جوباسى قۇرىلىسى مەن بەيجيڭ قىسقى وليمپياداسىنا دايىندالۋ قىزمەتىنە تەكسەرۋ جۇرگىزدى.

　　23 - اقپان تۇستەن كەيىن شي جينپيڭ بەيجيڭنىڭ جاڭا اۋەجايىنىڭ قۇرىلىسىنا تەكسەرۋ جۇرگىزدى. بەيجيڭ جاڭا اۋەجايى بەيجيڭ قالاسىنىڭ وڭتۇستىگىنە ورنالاسقان، جوبا بويىنشا ۇزاق مەزگىلدىك جىلدىق جولاۋشىلاردى قابىلداۋ - جونەلتۋ مولشەرى 100 ميلليون ادام - رەت، ۇشاقتىڭ ۇشۋ - قونۋ مولشەرى 880 مىڭ رەت بولادى، قۇرىلىس 2014 - جىلى باستالعان، 2019 - جىلى سالىنىپ بولىپ، ىسكە قوسىلادى.

　　كەلۋ قاينارى: حالىق تورابى