انگليا پارلامەنت سارايىنىڭ جانىندا لاڭكەستىك شابۋىل تۋىلدى

2017.03.23 13:00   كەلۋ قاينارى : حالىق تورابى

　　حالىق تورابى، 23 – ناۋرىز، بەيجيڭ. انگليانىڭ لوندون قالاسى ورتالىعىنداعى پارلامەنت سارايىنىڭ ماڭىندا 22 – ناۋرىز كۇنى لاڭكەستىك شابۋىل تۋىلدى.

　　لوندون قالالىق ساقشى مەكەمەسى باستىعىنىڭ ورىنباسارى، لاڭكەستىككە قارسى ورگانىنىڭ جاۋاپتىسى مارك راللەي اقپار جاريالاۋ جينالىسىندا، بۇل رەتكى ۋاقيعانىڭ لاڭكەستىك شابۋىل ەكەنىن جاريالادى.

　　جەرگىلىكتى مەديالاردىڭ حابارلاۋىنشا، لاڭكەستىك شابۋىل جەرگىلىكتى ۋاقىت تۇستەن كەيىن ساعات 2دەن 40 مينۋت وتكەندە تۋىلىپ، لوندون قالا ورتالىعىنداعى پارلامەنت سارايىنىڭ ماڭىندا شابۋىلداۋشى اۆتوكولىكپەن قالىڭ ادامدى سوققان، اۆتوكولىك پارلامەنت سارايىنىڭ ماڭىنداعى جول شەتىندەگى بوگەتكە سوعىلىپ توقتاعان، جەندەت كولىكتەن تۇسە سالىپ قولىنا پىشاق الىپ جۇرگىنشىلەردى قۋعان ءارى پارلامەنت سارايىنا باسىپ كىرۋگە سۇقتانعان، ول حاۋىپسىزدىككە جاۋاپتى ساقشىنى جارالاعاننان كەيىن، ساقشى جاق ونى اتىپ ولتىرگەن. بۇل رەتكى شابۋىلدا ساقشىنى قامتىعان 5 ادام قازا بولىپ، 40 نەشە ادام جارالانعان.

　　جۇڭگونىڭ انگليادا تۇراتىن ەلشىلىگى قازىرگە ەشقانداي جۇڭگولىق ازاماتتاردىڭ ءولىم – ءجىتىم حابارى جوق ەكەنىن مالىمدەگەن.

　　كەلۋ قاينارى: حالىق تورابى