مالايزيا سولتۇستىك كورەيا ازاماتتارىنىڭ شەكارادان شىعۋىنا تيىم سالۋ بۇيرىعىن كۇشىنەن قالدىردى

2017.03.31 15:23   كەلۋ قاينارى : حالىق تورابى

　　شينحۋا اگەنتتىگى، 30 – ناۋرىز، كۋالا – لۋمپۋر (لين حاۋ، ليۋ تۇڭ). مالايزيا پرەمەر – مينيسترى ناجيپتىڭ 30 – ناۋرىزدا ايتۋىنشا، وسىنىڭ الدىندا سولتۇستىك كورەيا شەكارادان شىعۋعا تيىم سالعان مالايزيانىڭ 9 ازاماتى سولتۇستىك كورەيادان كەتۋگە رۋحسات العان؛ وسىنىڭ قارىمجىسى رەتىندە، مالايزيا وسى ەلدەگى سولتۇستىك كورەيا ازاماتتارىنىڭ شەكارادان شىعۋىنا رۋحسات بەرگەن ءارى مالايزيادا قازا بولعان سولتۇستىك كورەيا ازاماتىنىڭ ءمايىتىن سولتۇستىك كورەياعا وتكىزىپ بەرەتىن بولعان.

　　ناجيپتىڭ بايانداماسىنا قاراعاندا، مالايزيانىڭ 9 ازاماتى 30 – ناۋرىزدا پحەنياننان اتتانىپ، 31 – ناۋرىز تاڭەرتەڭ مالايزياعا جەتكەن. مالايزيا سولتۇستىك كورەيا ازاماتتارىنىڭ مالايزيادان كەتۋىنە رۋحسات بەرگەن. مۇنان سىرت، قازا بولعان سولتۇستىك كورەيا ازاماتىنىڭ ءمايىتىنە تەكسەرۋ جۇرگىزۋ اياقتاپ، قازا بولعان ادامنىڭ وتباسىنداعىلاردىڭ ءمايىتتى سولتۇستىك كورەياعا وتكىزىپ بەرۋدى تالاپ ەتۋىنە بايلانىستى، زاڭ شيپاگەرى ءمايىتتى وتكىزىپ بەرۋگە ماقۇل بولعان.

　　كەلۋ قاينارى: حالىق تورابى