گانسۋ ولكەسىنىڭ اقساي اۋدانىندا ءۇرتىس جاۋعان قار سەبەبىنەن جول بوگەلىپ، قاتىناس توسىلدى

2017.04.11 15:49   كەلۋ قاينارى : حالىق تورابى

　　ەرىكتى ءتىلشى مارالبەك ابدىكارىم ۇلى حابارلايدى. 8 - ساۋىردەن بەرى جاۋعان قار سەبەبىنەن گانسۋ ولكەسىنىڭ اقساي قازاق اۆتونوميالى اۋدانىنداعى بوراندىق كەزەڭىندە تەمپەراتۋرا كۇرت تومەندەپ، جولعا مۇز قاتىپ، 250دەن استام اۋىر جۇك اۆتوموبيلى وسى كەزەڭدە بوگەلىپ قالدى، جەرگىلىكتى ورىن شۇعىل قۇتقاردى.

　　گانسۋ ولكەسىنىڭ اقساي اۋدانى 9 - ساۋىردە ۇكىمەتتىڭ قاتىستى تاراۋلارىن ۇيىمداستىرىپ، بوگەلىپ قالعان شوفەرلارعا قولايلى كەسپە، سيىر ءسۇتى، ءدارى قاتارلى اپاتتان قۇتقارۋ زاتتارىن جەتكىزىپ بەرىپ، ولاردىڭ تۇننەن امان - ساۋ شىعۋىنا كەپىلدىك ەتتى، سونىمەن بىرگە بوگەلىپ قالعان ءىشىنارا شوفەرلاردى اقساي اۋدان قالاشىعىنا جەتكىزدى.

　　ۇعىسۋعا قاراعاندا، 10 - ءساۋىر كۇنى قارا الى دە تولاستاماعان، اقساي اۋدانى ءبىر جاعىنان بوگەلگەندەرگە ازىق - تۇلىك جەتكىزسە، ەندى ءبىر جاعىنان جاقىن ارالىقتاعى دۇنحۋاڭ قالاسىنان قاركۇرەۋ اۆتوموبيلىن اكەلىپ، اپاتتان قۇتقارۋدى جەدەلدەتكەن. سۋرەتتە اقساي اۋدانىنىڭ بوراندىق كەزەڭىندەگى توسىلعان اۆتوكولىكتەرگە شۇعىل كومەك جەتكىزۋدە.

　　كەلۋ قاينارى: حالىق تورابى