جۇڭگو ـ كامبودجا بىرلەسىپ اتكەزشىلىك ەتىلگەن 1.1 توننا كوكايندى ءمۇسادىرالادى

2017.06.23 14:31   كەلۋ قاينارى : حالىق تورابى

　　حالىق تورابى، 23 – ماۋسىم، بەيجيڭ. 22 – ماۋسىم، شاڭحاي كەدەن مەكەمەسى حابارلاندىرۋ شىعارىپ، جۇڭگو مەن كامبودجا زاڭ اتقارۋ تاراۋلارى بىرلەسىپ، جۇك قورابىنداعى مۇزداتىلعان بالىققا جاسىرىلىپ اتكەزشىلىك ەتكەن 1.1 توننا كوكايندى بىرلىكتە تەكسەرىپ انىقتاعان.

　　تانىستىرۋعا قاراعاندا، 2016 – جىلى4 – قاراشا كۇنى، شاڭحاي ياڭشان كەدەن مەكەمەسى ءبىر كۇماندى تاسىمال كۋالىگى ينفورماتسياسىنا نەگىزدەلىپ، «تىنىق مۇحيت ماكرەل مۇزداتىلعان ءونىمى» اتىندا كەدەننەن وتكىزۋگە تاپسىرىلعان جۇك قورابىنىڭ ىشىندەگى زاتقا تەكسەرۋ جۇرگىزگەن. بۇل مۇزداتىلعان بالىقتىڭ سالماعى 20 توننا بولىپ، حالىقارالىق تاسىمالداۋ زاتى رەتىندە، ەكۆاتوردان قوراپتالىپ پورتتان شىعارىلعان، ورتا جولدا شاڭحاي ياڭشان پورتىنان جوتكەلىنىپ، سوڭعى بەكەت كامبودجانىڭ سيحانوۋكۆيللە پورتىنا جەتكىزىلمەك بولعان.

　　تەكسەرۋ ارقىلى، ماكرەلمەن جاسىرىلعان 267 «ماسەلە بار قاعاز جاشىكتىڭ» ىشىنە 1102 تال كۇماندى قاتتى زات جاسىرىلعانى بايقالعان، ءارقايسى قاتتى زاتتىڭ سالماعى ءبىر كيلوگرامعا جەتكەن، تەكسەرۋ بارىسىندا بۇل زاتتاردىڭ كوكاين ەكەنى انىقتالعان.

　　كەلۋ قاينارى: حالىق تورابى