«جاپپاي دوڭگەلەك داۋلەتتى قوعام قۇرىپ شىعۋ جانە جۇڭگونىڭ ادامدىق ۇقىق ىستەرىن دامىتۋ» كورمەسى بىرلەسكەن مەملەكەتتەر ۇيىمىنىڭ باس شتابى تۇراتىن جەنەۆا قالاسىندا اشىلدى

2017.09.12 14:31   كەلۋ قاينارى : حالىق تورابى

　　حالىق تورابى، 12 – قىركۇيەك، بەيجيڭ. 11 – قىركۇيەك، شۆەتساريانىڭ جەنەۆا قالاسىنداعى بىرلەسكەن مەملەكەتتەر ۇيىمىنىڭ حالىقارالىق سارايى، جۇڭگونىڭ بىرلەسكەن مەملەكەتتەر ۇيىمىندا تۇراتىن جەنەۆا باسقارماسى مەن شۆەتسارياداعى باسقا حالىقارالىق ۇيىمدار ۋاكىلى ما چاۋشۇي كورمەنىڭ اشىلۋ سالتىندا ءسوز سويلەۋدە. مەملەكەتتىك كەڭەستىڭ اقپارات كەڭسەسى، جۇڭگونىڭ بىرلەسكەن مەملەكەتتەر ۇيىمىندا تۇراتىن جەنەۆا باسقارماسى مەن شۆەتسارياداعى باسقا حالىقارالىق ۇيىمدار ۋاكىل توبى بىرلىكتە ۇيىمداستىرعان «جاپپاي دوڭگەلەك داۋلەتتى قوعام قۇرىپ شىعۋ جانە جۇڭگونىڭ ادامدىق ۇقىق ىستەرىن دامىتۋ» كورمەسى 11 – قىركۇيەك كۇنى بىرلەسكەن مەملەكەتتەر ۇيىمىنىڭ باس شتابى تۇراتىن جەنەۆا قالاسىندا اشىلدى. رەسەي، ا ق ش، ەۆروپا وداعى، فرانسيا، وڭتۇستىك افريكا، برازيليا، پاكيستان، يران، كۋبا، گرەتسيا، فيليپپين، تايلاند، بيرما، پاناما، كامبودجا، لاوس قاتارلى 70 نەشە مەملەكەت پەن حالىقارالىق ۇيىمنىڭ ەلشىلىگى مەن سىرتقى ىستەر ءمانساپتىلارى بولىپ، 800 نەشە ادام اتالعان ءىسشارانىڭ اشىلۋ سالتىنا قاتىناستى.

　　كەلۋ قاينارى: حالىق تورابى