قۇرلىق ارميانىڭ اسكەري شيپاگەرلىك ۋنيۆەرسيتەتى شينجياڭعا ەمدەۋ – دەنساۋلىق ساقتاۋ جاعىنان كومەكتەستى

115 جاستاعى ۇيعۇر قارت كوپ – كوپ راحىمەت ايتتى

2017.09.19 14:02   كەلۋ قاينارى : حالىق تورابى

　　حالىق تورابى، 18 – قىركۇيەك، چۇڭچيڭ. شينجياڭ قاشقار قالاسى جاڭا ءشار اۋداندىق حالىق ەمحاناسىنىڭ ارناۋلى ءبولىم امبالاتورياسىندا، 20 جاستاعى ۇيعۇر بويجەتكەن ايگۇل قۇرلىق ارميا اسكەري شيپاگەرلىك ۋنيۆەرسيتەتى باتىس وڭتۇستىك ەمحاناسى ايەلدەر اۋرۋى ءبولىمىنىڭ شيپاگەرى، دوتسەنت دىڭ ليدىڭ قولىن قىسىپ تۇرىپ: راحىمەت، دىڭ لي شيپاگەر، مەن جانە وتباسىمنىڭ قيىنشىلىعىن شەشتىڭىز، سىزدەردىڭ بۇدان بىلاي دا شينجياڭعا كەلىپ تۇرۋلارىڭىزدى قارسى الامىز، ــ دەدى. 115 جاستاعى ۇيعۇر قارت سارحان ارقاسى اۋىراتىندىقتان، ۇزاق جىلدان بەرى توسەك تارتىپ جاتقان، كەيىن شيپاگەردىڭ كەڭەسى بويىنشا دالاعا كوپ شىعىپ، كۇنگە قاقتالدى...

　　مەملەكەتتىك دەنساۋلىق ساقتاۋ – جوسپارلى تۋىت كوميتەتى سارالاپ جىبەرگەن قۇرلىق ارميا اسكەري شيپاگەرلىك ۋنيۆەرسيتەتى باتىس وڭتۇستىك ەمحاناسىنىڭ «مەملەكەت دارەجەلى ەمدەۋ اترەتىندەگى» 11 شيپاگەر 9 – قىركۇيەكتەن 15 – قىركۇيەككە دەيىن چۇڭچيڭ قالاسىنان شينجياڭ ۇيعۇر اۆتونوميالى رايونى قاشقار قالاسىنا بارىپ، ەمدەۋ – دەنساۋلىق ساقتاۋ جاعىندا كومەكتەسۋ قىزمەتىن ورىستەتتى. ەمدەۋ اترەتى ءبىر اپتانىڭ ىشىندە مالىلەر مەن اۋىل – قالاشىقتارعا بارىپ، جەرگىلىكتى ورىندا 8 رەت ءىرى كولەمدە ەمدەۋ – دياگنوز قويۋ قيمىلىن ورىستەتىپ، 1500دەن استام ۇيعۇر باۋىرلاستىڭ دەنساۋلىعىن تەكسەرىپ، ەمدەدى. ەمدەۋ مەزگىلىندە، ەمدەۋ اترەتىندەگى ماماندار جەرگىلىكتى ورىنداعى ەمحانالارعا كومەكتەستى. بيىلعى حالىقارالىق نايتيڭگەل سيلىعىنىڭ يەگەرى، باتىس وڭتۇستىك ەمحاناسى جۇقپالى اۋرۋلار ءبولىمىنىڭ سەسترالار باستىعى يوۋ جيانپيڭ ەمحانادا جۇعىمدالۋدان ساقتانۋ جونىندە سەسترالار ءۇشىن ماڭىزدى تاقىرىپتاردا لەكسيا سويلەدى.

　　ەمدەۋ اترەتىنىڭ باستىعى، باتىس وڭتۇستىك ەمحاناسى باستىعىنىڭ ورىنباسارى ۋاڭ ۋەيجۇڭ بىلاي دەدى: ەمحانامىز 10 جىلدان بەرى شينجياڭعا كومەكتەسىپ كەلەدى، بۇرىن مالانموۋ بازالىق ەمحاناسى، تۇرپان قالاسى ەدىقۇت رايوندىق حالىق ەمحاناسى، جەمسارى حالىق ەمحاناسى قاتارلى ەمحانالارعا كومەكتەسكەن بولاتىن، قازىر قاشقار قالاسىندا ارالاپ ەمدەۋدى ورىستەتۋ ورايى تۋدى، تەحنيكالىق جاقتا كومەكتەسۋ قيمىلى ارقىلى وسى ارانىڭ وزىندە ەمدەۋ اترەتىن تاربيەلەپ شىقساق دەگەن تىلەگىمىز بار، ــ دەيدى.

　　كەلۋ قاينارى: حالىق تورابى