حالىق تورابى، 3 – ناۋرىز، بەيجيڭ (ۋاڭ پىڭ، يۇي كاي) ساياسي كەڭەس مەملەكەتتىك 13 – كەزەكتى كوميتەتى 1 – ءماجىلىسى 3 – ناۋرىز تۇستەن كەيىن حالىق قۇرىلتايى سارايىندا اشىلدى. ءماجىلىس الدىندا، اقپارات قۇرالدارى باسا نازار اۋدارعان «مۇشەلەر ءدالىزى» حالىق قۇرىلتايى سارايىنىڭ شىعىس ەسىگىنىڭ ىشكى جاعىنداعى ورتالىق زالدىڭ سولتۇستىگىندە رەسمي ىسكە قوسىلدى.
بيىلعى ماجىلىستە «مۇشەلەر ءدالىزىنىڭ» باستى تاقىرىبى «جاڭا داۋىردەگى حالىق ساياسي كەڭەسى» بولىپ، مۇشەلەر عىلىم – تەحنيكا، ەكولوگيا، وقۋ – اعارتۋ، قوعام جانە زاڭمەن باسقارۋ قۇرىلىسى، جاڭالىق جاراتا دامۋ، ناقتى تۇلعالىق ەكونوميكا سىندى تاقىرىپتاردى توڭىرەكتەي وتىرىپ تىلشىلەردىڭ سۇراۋىنا جاۋاپ بەردى.
تۇستەن كەيىن ساعات 2 اينالاسىندا، مەملەكەتتىك ساياسي كەڭەستىڭ ءتۇرلى سالادان كەلگەن ياڭ ليۋەي، پان جيانۋەي، جاڭ تاۋلين، لۇي جۇڭمەي، ياڭ ياڭ قاتارلى ون نەشە مۇشەسى ءتورت گرۋپپا بويىنشا، جەكە – جەكە «مۇشەلەر دالىزىنەن» ءوتىپ، جۇڭگولىق – شەتەلدىك تىلشىلەردىڭ سۇحباتىن قابىلدادى.
كەلۋ قاينارى: حالىق تورابى