حالىق تورابى، 1 – ناۋرىز، بەيجيڭ. 27 – اقپان، سۋ ىعىستىرۋ تەڭشەۋ مىندەتىن ۇستىنە العان داشيحايزي سۋ قويماسى بوگەتتى اشىپ سۋ قويا بەرۋدە (ۇشقىشسىز ۇشاقپەن تۇسىرىلگەن فوتو). سول كۇنى، شينجياڭ تارىم وزەنى اعارىن باسقارۋ مەكەمەسى اتقارعان 19 – رەتكى ءبىرىنشى كەزەڭدەگى تارىم وزەنى تومەنگى اعارىنا ەكولوگيالىق سۋ ىعىستىرۋ شاراسى رەسمي ىسكە قوسىلدى. بۇل 2000 – جىلدان بەرى ەڭ ەرتە كوكتەمگى مەزگىلدە ىسكە قوسىلعان ەكولوگيالىق سۋ ىعىستىرۋ شاراسى بولىپ، تارىم وزەنى تومەنگى اعارىنىڭ ەكى جاعالاۋىنداعى ەكولوگيانىڭ كوكتەم مەزگىلى كەزىندەگى سۋ تولىقتاۋ ماسەلەسىن شەشىپ، وزەننىڭ ەكى جاعالاۋىنداعى وسىمدىكتەردىڭ ءوسۋى مەن تابيعي قالپىنا كەلۋىن ٴونىمدى تەزدەتەتىن بولادى.
كەلۋ قاينارى: حالىق تورابى