جىبەك جولى كاسىپكەرلەرى ەل اتتاعان «ەلەكتروندى بازار» قۇردى

2018.08.07 14:05   كەلۋ قاينارى : حالىق تورابى

　　حالىق تورابى، 7 – تامىز، بەيجيڭ. جۇڭگو – قازاقستان قورعاس حالىقارالىق شەكارا سەلبەستىك ورتالىعىنىڭ ىشىندەگى سۋشين عيماراتىندا قازاقستاننان كەلگەن باقىت بوتابەك ۇلى قىزمەت ىستەۋدە. ول ءوز توبىندا ونىمدەردىڭ كەسكىندە تانىستىرىلۋىنا جاۋاپتى. جۇڭگو – قازاقستان قورعاس حالىقارالىق شەكارا سەلبەستىك ورتالىعىنداعى ساۋداگەرلەردىڭ ىشىندە جۇڭگو مەن قازاقستاننان كەلگەن كاسىپكەرلەردەن قۇرالعان ەلەكتروندى ساۋدا توبى بار. ولار جۇڭگو – قازاقستان سەلبەستىك حالىقارالىق تەلەۆيزور ساۋداسى، ەلەكتروندى ساۋدا ينفورماتسيا قىزمەتىمەن شۇعىلدانىپ، ونىمدەردى كەسكىندە تانىستىرىپ، تەلەۆيزيا نەمەسە توراپ ارقىلى جۇڭگودان كەلگەن تۇرمىستىق بۇيىمداردى قازاقستاندىق تۇتىنۋشىلارعا تانىستىرادى؛ سونىمەن قاتار، اتالعان توپ تاعى ورتا ازيانىڭ ساپالى ازىقتىقتارىن جۇڭگولىق تۇتىنۋشىلارعا تانىستىرادى. 2018 – جىلى ناۋرىز ايىنان باستاپ جۇمىس جاساعاننان بەرى، جۇڭگو – قازاقستان قورعاس حالىقارالىق شەكارا سەلبەستىك ورتالىعىنىڭ قاتىناس قولايلىلىعى مەن ساياسات جاقتان قولداۋىنا سۇيەنگەن اتالعان كاسىپكەرلەر توبى بازارىن تاۋىپ، ايىنا 600 دەن ارتىق زاكاز قابىلدايتىن بولعان.

　　كەلۋ قاينارى: حالىق تورابى