شاڭحاي ساقشى جاعى شەكارا سىرتىنان «ليانبي فينانس» دەلوسىنداعى باس قىلمىسكەردى ەلگە ۇستاپ اكەلدى

2018.08.08 14:40   كەلۋ قاينارى : حالىق تورابى

　　حالىق تورابى، 8 – تامىز، بەيجيڭ. 7 – تامىز، ساقشىلار قىلمىس كۇماندىسىن شاڭحاي فۋدۇڭ حالىقارالىق اۋەجايىنا الىپ قايتتى. سول كۇنى، ساقشى جاقتىڭ ارناۋلى دەلو تەكسەرۋ گرۋپپاسى 4 – تامىز كۇنى شەكارا سىرتىنداعى زاڭ اتقارۋ ورگاندارىنىڭ سايكەسۋىندە، «ليانبي فينانس» دەلوسىنداعى باس قىلمىسكەر نۇڭ Xدى ەلگە ۇستاپ اكەلدى.

　　بيىل 21 – ماۋسىمدا، شاڭحاي قالالىق قوعام حاۋىپسىزدىك مەكەمەسى سۇڭجياڭ بولىمشە مەكەمەسى بۇقارالاردىڭ مالىمدەۋى بويىنشا، شاڭحاي ليانبي ەلەكتروندىق تەحنيكا شەكتى سەرىكتىگىنىڭ زاڭسىز تۇردە كوپشىلىكتەن اقشا جيناۋ دەلوسىنا دەلو تۇرعىزىپ تەكسەرۋ جۇرگىزگەن. تەكسەرۋ ارقىلى شاڭحاي ليانبي ەلەكتروندىق تەحنيكا شەكتى سەرىكتىگى قاتىستى تاراۋلاردىڭ رۇحساتىنسىز «ليانبي فينانس» اتىنداعى توردا قارجى قوسىپ، مال – مۇلىك باسقاراتىن تەكشە قۇرىپ، اشىق ۇگىتتەۋ ءادىسى ارقىلى باسقالارعا 6 پايزدا 12 پايز اراسىندا ۇقساماعان تۇردە جىلدىق كىرىس بولىسەتىن ۋادە ەتىپ، قوعامداعى ادامداردان زاڭسىز تۇردە قارجى جيناعانىن بايقاعان. اتالعان سەرىكتىكتىڭ زاڭدى جاۋاپكەرى نۇڭ X (ەر، 38 جاس، يۇننان ولكەسىنىڭ ادامى) 20 – ماۋسىم كۇنى شەتەلگە قاشىپ كەتكەن.

　　كەلۋ قاينارى: حالىق تورابى