ەلىمىزدىڭ استرونومدارى LAMOST تەلەسكوبى ارقىلى قازىرگە دەيىنگى ەڭ ۇلكەن تۇراقتى جۇلدىز دارەجەلى قارا ۇڭگىردى بايقادى

2019.11.29 14:41   كەلۋ قاينارى : حالىق تورابى

　　سۋرەتتە: LB-1 كوركەمونەرلىك بولجام سۋرەتى. شينحۋا اگەنتتىگى (يۇي جيڭچۋان جاساعان)

　　بەيجيڭ ۋاقىتى بويىنشا 2019 – جىلى 11 – ايدىڭ 28 – كۇنى تاڭ سارىدە، «تابيعات» حالىقارالىق عىلىمي جۋرنالى جۇڭگو عىلىم اكادەمياسى وبسەرۆاتورياسىنداعى ليۋ جيفىڭ، جاڭ حاۋتۇڭ زەرتتەۋ ۇجىمىنىڭ ماڭىزدى بايقاۋىنىڭ ناتيجەسىن جاريالادى.

　　ەلىمىز ءوزى زەرتتەپ جاساعان مەملەكەتتىك ءتۇيىندى عىلىم – تەحنيكالىق نەگىزدىك قۇرىلعى — گو شوۋجيڭ تەلەسكوبىنا (LAMOST) سۇيەنە وتىرىپ، زەرتتەۋ ۇجىمى قازىرگە دەيىنگى ماسساسى ەڭ ۇلكەن تۇراقتى جۇلدىز دارەجەسىندەگى قارا ۇڭگىردى بايقادى ءارى LAMOST تەلەسكوبىنىڭ الەمدى شارلاۋ ەرەكشەلىگىنەن پايدالانا وتىرىپ، قارا ۇڭگىردى ىزدەۋدىڭ جاڭا ءتاسىلىن تاپتى. كۇننىڭ ماسساسىنىڭ 70 ەسەسىندەي كەلەتىن بۇل قارا ۇڭگىر تەوريالىق بولجامداعى ەڭ جوعارى ماسسا شەگىنەن اسىپ، ادامداردىڭ تۇراقتى جۇلدىز دارەجەسىندەگى قارا ۇڭگىردىڭ قالىپتاسۋى جونىندەگى تانىمىن تەرىستەدى، تۇراقتى جۇلدىزداردىڭ جەتىلۋ بارىسى جانە قارا ۇڭگىردىڭ قالىپتاسۋى نازارياسىنا وزگەرىس ەنگىزۋدى ىلگەرىلەتۋى مۇمكىن.

　　كەلۋ قاينارى: حالىق تورابى