قازاقستان «حوشىنشان» شيپاحاناسى سالىنىپ بولدى

2020.04.22 16:49   كەلۋ قاينارى : حالىق تورابى

　　حالىق تورابى، 4 – ايدىڭ 22 – كۇنى، بەيجيڭ. شينحۋا اگەنتتىگىنىڭ نۇر – سۇلتان قالاسىنان بەرگەن حابارى. شيپاحانا قۇرىلىسىنىڭ سالۋشى جاعى قازاقستاننىڭ BI توبىنىڭ 4 – ايدىڭ 21 - كۇنى شينحۋا اگەنتتىگىنە جولداعان حابارىنا قاراعاندا، قازاقستانداعى «حوشىنشان» شۇعىل جاعدايعا توتەپ بەرەتىن جۇقپالى اۋرۋلار شيپاحاناسى 4 – ايدىڭ 20 – كۇنى سالىنىپ بولعان. تاياۋدا شيپاحانا ىشكى ەمدەۋ جابدىقتارىن ورناتىپ، سىناقتان وتكىزگەننەن كەيىن ناۋقاس قابىلداپ ەمدەيدى.

　　حاباردا بىلاي دەلىنگەن: ەكى اپتا قاربالاس جۇمىس جۇرگىزۋ ارقىلى جاڭا تيپتى ايدارشا ۆيرۋس وكپە قابىنۋ ىندەتىنە شالدىققانداردى ەمدەيتىن نۇر - سۇلتان قالاسىنداعى شۇعىل جاعدايعا توتەپ بەرەتىن جۇقپالى اۋرۋلار شيپاحاناسى سالىنىپ بولدى. شيپاحانانى سالۋعا جالپى 5 ميلليارد 500 ميلليون تەڭگە (شامامەن 12 ميلليون 800 مىڭ امەريكا دوللارىنا بارابار) جۇمسالعان، قۇرىلىمدىق جوبادان قاراعاندا پايدالانۋ عۇمىرى 10 جىلدان اسادى.

　　BIتوبىنىڭ باس جوراسى راشيمبايەۆ بىلاي دەپ تانىستىردى: جۇقپالى اۋرۋلار شيپاحاناسىندا جيىنى 200 توسەك بار، مۇنىڭ ىشىندە 100 دانا ەمدەۋ تىنىس الۋ ماشيناسى، 40 دانا تولىق كۇندىك تىرشىلىكتى ساقتاۋ جۇيەسى ورناتىلعان. شيپاحانا حالىقارالىق ولشەم بويىنشا سالىنىپ، لاستانعان ٴوڭىر جانە تازا ٴوڭىر دەپ بولىنەدى، تەرىس قىسىمدى جاڭا جەل جۇيەسى، مەديتسينالىق زەرتحانا جانە راديواكتيۆتى تەكسەرۋ بولمەسى سياقتىلار ازىرلەنگەن، جاڭا تيپتى ايدارشا ۆيرۋس وكپە قابىنۋ ىندەتىنە شالدىققان ناۋقاستاردى اۋاشالاپ ەمدەۋ قاجەتىن قاناعاتتاندىرا الادى.

　　قازاقستاننىڭ پرەمەر مينيسترى اسقار ٴمامين ۇستەگى ايدىڭ 3 - كۇنى مەملەكەتتىك شۇعىل جاعدايعا توتەپ بەرۋ ٴماجىلىسىن باسقارىپ اشقان كەزدە، نۇر - سۇلتان، الماتى جانە شىمكەت قالالارىندا الدىن الا شۇعىل جاعدايعا توتەپ بەرەتىن جۇقپالى اۋرۋلار شيپاحاناسىن سالىپ، اۋرۋدىڭ اسقىنۋ جاعدايىنا توتەپ بەرۋدى ۇيعارعان. قازىر الماتى قالاسى مەن شىمكەنت قالاسىنداعى شۇعىل جاعدايعا توتەپ بەرەتىن جۇقپالى اۋرۋلار شيپاحاناسى سالىنۋ ۇستىندە .

　　قازاقستان دەنساۋلىق ساقتاۋ مينيسترى ەلجان ٴبىرتانوۆ ۇستەگى ايدىڭ 5 - كۇنى قازاقستان شەكاراسى ىشىندەگى جاڭا تيپتى ايدارشا ۆيرۋسىمەن جۇعىمدالعاندار سانى جوعارى بولعاندا شامامەن 3500 ادامعا جەتەدى دەپ مەجەلەگەن. 4 – ايدىڭ 21 – كۇننە دەيىن قازاقستاندا جيىنى 1977 ادام جاڭا تيپتى ايدارشا ۆيرۋس وكپە قابىنۋ ىندەتىمەن جۇعىمدالعان، 19 ادام قايتىس بولىپ، 489 ادام ساۋىققان.

　　كەلۋ قاينارى: حالىق تورابى