لياڭ چيانجۋان ءوزىنىڭ ەلەكتروندىق ساۋداعا قىزمەت وتەۋ دۇكەنىندە ينتەرنەتتە تىكە تاراتۋ تەكشەسى ارقىلى اۋىلداستارىنىڭ اۋىل شارۋاشىلىعى ونىمدەرىن كورسەتۋدە (3 – ايدىڭ 8 – كۇنى تۇسىرىلگەن).
مەملەكەتتىك حالىق قۇرىلتايى ۋاكىلى، 34 جاستاعى لياڭ چيانجۋان گانسۋ ولكەسى لۇڭنان قالاسى حۇيشيان اۋدانى شۇيياڭ قالاشىعى شىتان قىستاعىنىڭ تۇرعىنى. 2013 – جىلى لياڭ چيانجۋان گۋاڭدۇڭ ولكەسىنەن اۋىلىنا قايتىپ، كاسىپ كوزىن اشقان، قىستاق دارەجەلى ەلەكتروندىق ساۋداعا قىزمەت وتەۋ ءتۇيىنىن ۋاكىلدىك باسقارۋ، «لۇڭشاڭ قوجالىعى» تاۋباۋ دۇكەنىن اشۋ، ينتەرنەت تەكشەسىندە تىكەلەي تاراتۋ ارقىلى زات ساتۋ قاتارلى تاسىلدەردەن پايدالانا وتىرىپ، اۋىلداستارىنىڭ اۋىل شارۋاشىلىعى ونىمدەرىن ساتۋ جولدارىن بىرتىندەپ كەڭەيتىپ، اۋىلداستارىنىڭ ءزايتۇن مايى، جاڭعاق، سارى بۇرىش، جەرلىك بال، جەرلىك جۇمىرتقا قاتارلى اۋىل شارۋاشىلىعى ونىمدەرىنىڭ تاۋ قويناۋىنداعى اۋىلدان الىسقا ساتىلۋىنا جول اشىپ، ساتىلىم سوماسى باستابىنداعى ءبىر جىلدا نەشە ون مىڭ يۋاننان 2019 – جىلعا كەلگەندە 7 ميلليون يۋاننان استى. لياڭ چيانجۋان «ەلەكتروندىق ساۋدا + كەدەي وتباسىلار» فورماسىن قولدانىپ، جەرگىلىكتى ورىنداعى 300 نەشە وتباسىنىڭ كىرىسىن ارتتىرىپ، اۋقاتتانۋىنا كومەكتەستى، مۇندا 100 نەشە وتباسى كەدەي وتباسىلارى بولاتىن، كۇيەۋى سىرت جەرگە جۇمىسقا كەتىپ، ءوزى اۋىلدا قالعان اۋىل – قىستاق ايەلدەرى ونىڭ كومەگىندە ءوز ءۇيىنىڭ ماڭىندا كاسىپتەنۋدى ىسكە اسىردى.
ەلەكتروندىق ساۋدا ىستەۋ بارىسىندا تۋىلعان وزگەرىستەردى تىلگە تيەك ەتكەندە، لياڭ چيانجۋان بىلاي دەيدى: «اۋىل – قىستاقتارداعى ەلەكتروندىق ساۋدا فورماسى كوپشىلىكتىڭ تۇرمىسىن شىنايى وزگەرتتى، ەلەكتروندىق ساۋدا مەن كاسىپ سالاسىن ۇشتاستىرۋ ارقىلى تاۋ قويناۋىنداعى اۋىلداردىڭ جەرلىك ونىمدەرىن سىرت جەرلەرگە ساتۋعا بولادى»، — دەيدى. شينحۋا اگەنتتىگىنىڭ ءتىلشىسى چىن بين فوتوسى
كەلۋ قاينارى: حالىق تورابى