5 – ايدىڭ 27 – كۇنى 2022 – جىلعى بەيجيڭ قىسقى وليمپياداسىنىڭ جاتتىعۋ الاڭدارىنىڭ ءبىرى، مەملەكەتتىك دەنە تاربيە باس مەكەمەسىنىڭ قىسقى سپورت تۇرلەرىن باسقارۋ ورتالىعىنىڭ امبەباپ جاتتىعۋ سارايى بولعان «مۇزتەكشە» قۇرىلىسى سالىنىپ بولدى، بۇل بەيجيڭ قىسقى وليمپياداسىنا جاڭادان سالىناتىن سپورت سارايلارىنىڭ ىشىندە بيىل بەيجيڭ قالاسىندا ەڭ الدىمەن سالىنىپ بولعان قۇرىلىس. تانىستىرۋعا قاراعاندا، «مۇزتەكشە» ىسكە قوسىلعان سوڭ، مەملەكەتتىك دەنە تاربيە باس مەكەمەسىنىڭ قىس مەزگىلىندەگى مۇز ءۇستى سپورتىنا جاتتىقتىرۋعا جانە جارىس وتكىزۋگە پايدالاناتىن بىردەن – ءبىر بازاسى بولىپ، مەملەكەتتىڭ قىسقا ارالىققا تەز سىرعاناۋ جانە مانەرلى سىرعاناۋ سپورتتارىنا جاتتىقتىرۋ جاساۋ جانە عىلىمي زەرتتەۋ جۇرگىزۋ مىندەتتەرىن ۇستىنە الادى. سۋرەتتە: مەملەكەتتىك دەنە تاربيە باس مەكەمەسىنىڭ قىسقى سپورت تۇرلەرىن باسقارۋ ورتالىعىنىڭ امبەباپ جاتتىعۋ سارايى — «مۇزتەكشە» سارايىنىڭ سىرتقى كورىنىسى (5 – ايدىڭ 27 – كۇنى تۇسىرىلگەن) شينحۋا اگەنتتىگىنىڭ ءتىلشىسى جاڭ چىنلين فوتوسى
كەلۋ قاينارى: حالىق تورابى