شينحۋا اگەنتتىگىنىڭ 7 ـ ايدىڭ 6 ـ كۇنى ابۋجادان بەرگەن حابارى. نيگەريا ىشكى ىستەر مينيسترلىگى ءمانساپتىسىنىڭ 7 ـ ايدىڭ 6 ـ كۇنى ايتۋىنشا، نيگەريانىڭ استاناسى ابۋجاداعى ءبىر تۇرمە 7 ـ ايدىڭ 5 ـ كۇنى كەشتە زاڭسىز قارۋلى ۇيىمنىڭ شابۋىلىنا ۇشىراپ، 600 دەي قىلمىسكەر قاشىپ كەتكەن. نيگەريا حاۋىپسىزدىك تاراۋى شابۋىلداۋشىنى دەرەۋ شەگىندىرىپ ٵرى تۇتقىنداۋ ارەكەتىن ورىستەتتى، قازىرگە دەيىن كەمىندە 300 قىلمىسكەر قاشىپ ءجۇر.
نيگەريا ىشكى ىستەر مينيسترلىگىنىڭ ۇنەمىلىك ىستەرگە جاۋاپتى حاتشىسى شۋايب بەلگور 7 - ايدىڭ 6 - كۇنى اقپارت قۇرالدارىنا بىلاي دەدى: ۋاقيعا تۋىلعان كەزدە بۇل تۇرمەدە 994 قىلمىسكەر قاماۋدا بولاتىن، بۇل شابۋىلداۋدى ۇشقارى ۇيىم «بوككا حارام» تۋدىرعان بولۋى مۇمكىن، شابۋىل بارىسىندا شامامەن 600 دەي قىلمىسكەر قاشىپ كەتكەن، مۇنىڭ ىشىندە «بوككا حارام» ۇيىمىنىڭ ون نەشە قارۋلى ەلەمەنتى بار.
بەلگور بىلاي دەدى: نيگەريا حاۋىپسىزدىك تاراۋى سول كۇنى كەشتە قارۋلى ەلەمەنتتەردى دەرەۋ شەگىندىرىپ، قاشىپ كەتكەن قىلمىسكەرلەردى بار كۇشپەن قۋعىندادى، قازىر 300 دەي ادامدى ۇستاپ الدى. وقيعادا تاعى ءبىر قىلمىسكەر قازا بولىپ، 3 قىلمىسكەر جارالاندى.
نيگەريا تۇرمە باسقارۋ تاراۋىنىڭ 7 - ايدىڭ 6 - كۇنى جاريالاعان تاعى ءبىر مالىمدەمەسىنە قاراعاندا، قازىر ۋاقيعا تۋىلعان تۇرمە باسقارۋ ءتارتىبىن قالپىنا كەلتىرگەن.
كەلۋ قاينارى: حالىق تورابى