سىچۋان ولكەسىنىڭ پىڭجوۋ قالاسى لۇڭساۋگوۋ اڭعارىندا 8 – ايدىڭ 13 – كۇنى توساتتان تۋىلعان تاسقىن اپاتىندا 7 ادام قازا بولىپ، 8 ادام جەڭىل جارالانعان(1)

2022.08.15 15:32   كەلۋ قاينارى : حالىق تورابى

　　سۋرەتتە: 8 – ايدىڭ 14 – كۇنى، سىچۋان ولكەسى پىڭجوۋ قالاسى لۇڭمىنشان قالاشىعىنداعى لۇڭساۋگوۋ اڭعارىندا ءورت ءوشىرۋ جانە قۇتقارۋ قىزمەتكەرلەرى ىزدەۋ – قۇتقارۋ قىزمەتىن ورىستەتۋدە (ۇشقىشسىز ۇشاقپەن تۇسىرىلگەن سۋرەت). شينحۋا اگەنتتىگىنىڭ ءتىلشىسى ۋاڭ شي فوتوسى

　　شينحۋا اگەنتتىگىنىڭ ءتىلشىسى لي ليكى 8 – ايدىڭ 14 – كۇنى چىڭدۋدان حابارلايدى. ءتىلشىنىڭ 8 – ايدىڭ 14 – كۇنى چىڭدۋ قالاسى پىڭجوۋ قالالىق شۇعىل جاعدايلارعا توتەپ بەرۋدى باسقارۋ مەكەمەسىنەن ۇعىسۋىنشا، قازىرگە دەيىن، سىچۋان ولكەسى پىڭجوۋ قالاسى لۇڭمىنشان قالاشىعى لۇڭساۋگوۋ اڭعارىندا 8 – ايدىڭ 13 – كۇنى توساتتان تۋىلعان تاسقىن اپاتىندا 7 ادام قازا بولىپ، 8 ادام جەڭىل جارالانعان. 8 – ايدىڭ 14 – كۇنى ساعات 13 كە دەيىن، ءورت ءوشىرۋ، قوعام حاۋىپسىزدىگى قاتارلى تاراۋلاردىڭ ىزدەۋ – قۇتقارۋ كۇشتەرى كۇش سالا ىزدەۋ – قۇتقارۋ جۇرگىزگەن سوڭ، دەرەكسىز كەتكەندەردىڭ سانى، قازا بولعاندار مەن جارالانعانداردىڭ سانى تىڭنان ارتپاعان؛ جەڭىل جارالانعانداردىڭ بىرەۋى ەمحانادا ەمدەلۋدە، قازىر جاراقات جاعدايى ورنىقتى.

　　ۇعىسۋعا قاراعاندا، 8 – ايدىڭ 14 – كۇنى ساعات نولدەن باستاپ، لۇڭمىنشان قالاشىعى 260 نەشە ادامدى اتتانىسقا كەلتىرىپ، ءىس تۋىلعان جەردىڭ توڭىرەگىندەگى شارۋالار ساياجايىنا، وتباسىلارعا بارىپ، ادامدارعا ءبىر – بىرلەپ تەكسەرۋ جۇرگىزگەن. سول كۇنى تاڭعى ساعات 6 دان باستاپ، پىڭجوۋ قالاسى 308 ادامنان قۇرام تاپقان 15 قۇتقارۋ – كومەكتەسۋ قوسىنىن، سونداي – اق، حالىق جاساقتارىنان 80 ادامدى، ەرەكشە مىندەتتى ساقشىلاردان 50 ادامدى اتتانىسقا كەلتىرگەن، ولار شوفەرسىز قۇتقارۋ قايىعى، سۋعا سۇڭگۋ اسپابى، تىرشىلىك بەلگىسىن بايقاۋ اسپابى، جاساندى سەرىكپەن ورنىن بەلگىلەۋ جۇيەسى قاتارلى كاسىپتىك قۇتقارۋ – كومەكتەسۋ اسپاپتارىن الىپ، لۇڭساۋگوۋ اڭعارىنان جيانجياڭ وزەنى اڭعارىنىڭ دانجيڭشان بولىگىنە دەيىن ءۇش رەت ەش جەردى قاعىس قالدىرماي ىزدەۋ سالعان، ىزدەۋ – قۇتقارۋ اۋماعىن وقيعا تۋىلعان جەردەن وزەننىڭ تومەنگى اعارىنا قاراي بويلاي وتىرىپ 30 كيلومەتر جەرگە دەيىن كەڭەيتكەن.

　　قازىرگە دەيىن، ىزدەۋ – قۇتقارۋ، ءبىر – بىرلەپ تەكسەرۋ قىزمەتى سوڭعى كەزەڭگە قادام تاستاعان. قازا بولعانداردىڭ وتباسىلارىنىڭ سوڭعى ىستەرىن ىڭعايلاستىرۋ قىزمەتى دە تارتىپپەن ورىستەتىلۋدە.

　　كەلۋ قاينارى: حالىق تورابى