بەلل گەيتستىڭ بۇل ءسوزى جونىندە سىرتقى ىستەر مينيسترلىگى جاۋاپ قايتاردى
2023.03.07 17:15 كەلۋ قاينارى : حالىق تورابى
سىرتقى ىستەر مينيسترلىگىنىڭ مالىمدەمەشىسى ماۋ نيڭ 3 - ايدىڭ 6 - كۇنى مىنانى ءبىلدىردى: جۇڭگونىڭ دامۋى باستان - اياق ءوز كۇش - قۋاتىنىڭ نەگىزىنە قۇرىلعان، شەكتەۋ، قىسىم جاساۋ ارقىلى جۇڭگونىڭ دامۋىنا توسالعى بولۋ مۇمكىن ەمەس، بۇلاي ىستەۋ تەك قانا جۇڭگونىڭ ءوز كۇشىنە سۇيەنىپ قۇلشىنۋ، عىلىم - تەحنيكادا جاڭالىق جاساۋداعى بەكىمى مەن قۋاتىن كۇشەيتە تۇسەدى.
سول كۇنى وتكىزىلگەن تىلشىلەردى قابىلداۋ ماجىلىسىندە، ءبىر ءتىلشى بىلاي دەپ سۇرادى: نازار اۋدارۋىمىزشا، ا ق ش كاسىپكەرى بەلل گەيتس جۋىردا سۇحبات قابىلداعان كەزدە: ا ق ش - نىڭ جۇڭگونىڭ چيپ زەرتتەپ جاساۋىنا توسالعى جاساماق بولعان قۇلشىنىسى ارامتەر بولعاندىق، بۇلاي ىستەۋ تەك ا ق ش - نداعى جۇمىس ورنىن ازايتىپ، ونىمدەرىنىڭ ساتۋ جولدارىن ۇزەدى.، — دەگەن. ا ق ش ەكونوميسى داۆيد گولدمان دا: ا ق ش - نىڭ جۇڭگومەن ەكونوميكالىق بايلانىستى مۇلدە «ۇزۋىنە» بولادى دەگەن وي قۇر قيال عانا، جازالاۋ شارالارى جۇڭگونىڭ جارتىلاي وتكىزگىش كاسىپ سالاسىن تۇرالاتا المايدى، — دەگەن. جۇڭگو جاق بۇل جونىندە قانداي پىكىر بىلدىرەدى؟
ماۋ نيڭ بىلاي دەدى: ا ق ش «چيپ جانە عىلىم زاڭىن» ورتاعا قويعاننان بەرى، ا ق ش - نىڭ ساۋدا سالاسىنداعى ءبىرتالاي قۇرىلىمدارى مەن قايراتكەرلەرى بۇعان نازار اۋداراتىنىن ءارى كۇماندى كوزبەن قارايتىنىن ورتاعا قويىپ، ا ق ش - نىڭ جارتىلاي وتكىزگىش كاسىپ سالاسىنىڭ دۇنيە جۇزىلىك قامداۋ تىزبەگىنە بارىنشا ارقا سۇيەيتىنىن، «الشاقتاۋدىڭ» تەك كاسىپ سالاسىنىڭ دامۋ زاڭدىلىعىنا قايشى كەلىپ قالماستان، ا ق ش - نىڭ وسىعان بايلانىستى ەكونوميكالىق جانە تەحنيكالىق جاقتارىندا زور بوداۋ بەرۋىنە تۋرا كەلەتىنىن اتاپ كورسەتكەن بولاتىن. بوستون كەڭەس بەرۋ توبىنىڭ مەجەلەۋىنشە، ەگەر جۇڭگودان مۇلدە «الشاقتايتىن» بولسا، ا ق ش - نىڭ جارتىلاي وتكىزگىش كاسىپ سالاسى دۇنيە جۇزىلىك بازار ۇلەسىنىڭ %18 نەن جانە %37 كىرىسىنەن ايرىلادى، جوعارى شەبەرلىكتى قاجەت ەتەتىن قىزمەت ورىندارىنان 15 مىڭنان 40 مىڭعا دەيىنگى قىزمەت ورنى ازايادى.
ماۋ نيڭ بىلاي دەدى: ا ق ش جوعارى عىلىم - تەحنيكا سالاسىندا دۇنيە جۇزىندە ماڭداي الدى ورنىن ساقتاۋدى ءۇمىت ەتەدى، بۇلاي ىستەۋىن تۇسىنۋگە بولادى، ماڭىزدىسى — ءادىل باسەكەلەسۋدە، عىلىم - تەحنيكا جاعىنداعى ۇستەمدىگىن ساقتاۋ ءۇشىن ءتاسىل تالعاماستان، باسقا مەملەكەتتەردى دامۋ ۇقىعىنان ماحرۇم ەتۋىنە بولمايدى، تەك ءوزىنىڭ عانا مۇددەسى ءۇشىن دۇنيە جۇزىلىك قامداۋ تىزبەگىن بۇلدىرۋىنە بولمايدى، ونسىز دا ءالسىز دۇنيە ءجۇزى ەكونوميكاسىنا «جىعىلعان ۇستىنە جۇدىرىق سىلتەۋىنە» تىپتەن بولمايدى.
ماۋ نيڭ مىنانى باسا دارىپتەدى: جۇڭگونىڭ دامۋى باستان - اياق ءوزىنىڭ كۇش - قۋاتىنىڭ نەگىزىندە قۇرىلعان. «ەكى بومبى، ءبىر جاساندى سەرىكتەن» عارىشكەرلى عارىش ىستەرىنە، كۆانتتىق حابارلاسۋعا، بەيدوۋ جولجەتەگىنە دەيىنگى فاكتتەردىڭ بارلىعى دا، شەكتەۋ، قىسىم جاساۋ ارقىلى جۇڭگونىڭ دامۋىنا توسالعى بولۋ مۇمكىن ەمەس ەكەنىن، بۇلاي ىستەۋدىڭ تەك قانا جۇڭگونىڭ ءوز كۇشىنە سۇيەنىپ قۇلشىنۋ، عىلىم - تەحنيكادا جاڭالىق جاساۋداعى بەكىمى مەن قۋاتىن كۇشەيتە تۇسەتىنىن دالەلدەپ وتىر.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
