14 - كەزەكتى مەملەكەتتىك حالىق قۇرىلتايىنىڭ 1 - ءماجىلىسى ەكىنشى جالپى جيىنىن وتكىزدى
شي جينپيڭ، لي چياڭ، جاۋ لىجي، ۋاڭ حۋنيڭ، حان جىڭ، ساي چي، ديڭ شۋەشياڭ، لي شي قاتارلىلار ءتوراعالار مىنبەسىنەن ورىن الدى،لي جانشۋ مەملەكەتتىك حالىق قۇرىلتايى تۇراقتى كوميتەتىنىڭ قىزمەتىنەن بايانداما جاسادى، ەڭ جوعارى حالىق سوتى مەكەمەسىنىڭ قىزمەتىنەن باياندامانى جانە ەڭ جوعارى حالىق پروكۋراتۋراسىنىڭ قىزمەتىنەن باياندامانى تىڭدادى جانە قارادى، مەملەكەتتىك كەڭەس قۇرىلىمدارىنا رەفورما جاساۋ جوباسى جونىندەگى تۇسىنىكتى تىڭدادى
2023.03.08 20:32 كەلۋ قاينارى : حالىق تورابى
3 - ايدىڭ 7 - كۇنى 14 - كەزەكتى مەملەكەتتىك حالىق قۇرىلتايىنىڭ 1 - ءماجىلىسى بەيجيڭدەگى حالىق سارايىندا ەكىنشى جالپى جيىنىن وتكىزدى. مەملەكەتتىك حالىق قۇرىلتايى تۇراقتى كوميتەتىنىڭ تاپسىرۋىمەن كوميتەت باستىعى لي جانشۋ جالپى جيىنعا مەملەكەتتىك حالىق قۇرىلتايى تۇراقتى كوميتەتىنىڭ قىزمەتىنەن بايانداما جاسادى. سۋرەتتى شينحۋا اگەنتتىگىنىڭ ءتىلشىسى لي تاۋ تۇسىرگەن
شينحۋا اگەنتتىگى، 3 - ايدىڭ 7 – كۇنى، بەيجيڭ. 14 - كەزەكتى مەملەكەتتىك حالىق قۇرىلتايىنىڭ 1 - ءماجىلىسى 3 - ايدىڭ 7 - كۇنى تۇستەن كەيىن بەيجيڭدەگى حالىق سارايىندا ەكىنشى جالپى جيىنىن وتكىزىپ، مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىن جانە ەڭ جوعارى حالىق سوتى مەكەمەسىنىڭ قىزمەت بايانداماسىن، ەڭ جوعارى حالىق پروكۋراتۋراسىنىڭ قىزمەت بايانداماسىن تىڭدادى جانە قارادى، مەملەكەتتىك كەڭەس قۇرىلىمدارىنا رەفورما جاساۋ جوباسى جونىندەگى تۇسىنىكتى تىڭدادى.
شي جينپيڭ، لي چياڭ، جاۋ لىجي، ۋاڭ حۋنيڭ، حان جىڭ، ساي چي، ديڭ شۋەشياڭ، لي شي قاتارلىلار جيىنعا قاتىناستى.
جيىنعا قاتىناسۋعا ءتيىستى ۋاكىل 2977 ادام، قاتىناسقان ۋاكىل 2943 ادام، 34 ۋاكىل قاتىناسا المادى، قاتىناسقان ۋاكىل سانى زاڭدا بەلگىلەنگەن ادام سانىنا ۇيلەسەدى.
ءماجىلىس ءتوراعالار القاسىنىڭ تۇراقتى ءتوراعاسى، اتقارۋشى ءتوراعاسى لي حۇڭجۇڭ جيىندى باسقاردى.
مەملەكەتتىك 13 - كەزەكتى حالىق قۇرىلتايى تۇراقتى كوميتەتىنىڭ تاپسىرۋىمەن كوميتەت باستىعى لي جانشۋ جالپى جيىنعا مەملەكەتتىك حالىق قۇرىلتايى تۇراقتى كوميتەتىنىڭ قىزمەتىنەن بايانداما جاسادى. لي جانشۋ باياندامادا بىلاي دەپ اتاپ كورسەتتى: وتكەن ءبىر جىلدا شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، مەملەكەتتىك حالىق قۇرىلتايى تۇراقتى كوميتەتى پارتيا 19 - قۇرىلتايىنىڭ، 20 - قۇرىلتايىنىڭ رۋحىن مۇقيات دايەكتىلەندىرىپ، زاڭ شىعارۋ قىزمەتىن جوعارى ساپامەن ويداعىداي ىستەۋدە تاباندى بولىپ، 5 زاڭ جاساپ، 9 زاڭعا وزگەرىس ەنگىزىپ، زاڭ ماسەلەلەرى مەن كەلەلى ماسەلەلەرگە قاتىستى 4 قاراردى ماقۇلداپ، ءبىر زاڭدىق تۇسىندىرمە جاسادى؛ باقىلاۋ قىزمەتىن جوعارى ساپامەن ويداعىداي ىستەۋدە تاباندى بولىپ، 5 زاڭنىڭ اتقارىلۋ جاعدايىن تەكسەرىپ، باقىلاۋ قىزمەتى جونىندەگى 23 باياندامانى تىڭداپ، قاراپ، ارناۋلى تاقىرىپتا پىكىر الىپ، 8 ءتۇرلى ارناۋلى تاقىرىپتا تەكسەرۋ - زەرتتەۋ جۇرگىزدى؛ ۋاكىلدەر قىزمەتىن جوعارى ساپامەن ويداعىداي ىستەۋدە تاباندى بولىپ، ۋاكىلدەردىڭ 487 كەڭەس جوباسىن، 9349 ۇسىنىسىن ءبىر جاقتى ەتتى، ۋاكىلدەردەن 100 نەشە ادام - رەت تۇراقتى كوميتەتتىڭ، ارناۋلى كوميتەتتىڭ، قىزمەت كوميتەتىنىڭ قىزمەتىنە قاتىناستى؛ سىرتقى ىستەر قىزمەتىن جوعارى ساپامەن ويداعىداي ىستەۋدە تاباندى بولدى؛ مەملەكەت ورگاندارىنداعى قىزمەتكەرلەردەن 393 ادامدى (رەت) زاڭ بويىنشا مىندەتكە تاعايىندادى، مىندەتىنەن قالدىردى، مەملەكەتتىك 13 - كەزەكتى حالىق قۇرىلتايىنىڭ 5 - ماجىلىسىندە بەلگىلەنگەن مىندەتتەردى تابىسپەن ورىندادى.
لي جانشۋ باياندامادا بىلاي دەدى: مەملەكەتتىك 13 - كەزەكتى حالىق قۇرىلتايى تۇراقتى كوميتەتىنىڭ 5 جىلدىق مىندەت وتەۋ مەرزىمى پارتيا مەن مەملەكەت ىستەرى قارىشتاپ دامىعان ۇلى تاريحي وزگەرىس كەزەڭىنە تۋرا كەلدى. تۇراقتى كوميتەت ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، باستان - اياق پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، پارتيانىڭ نازارياسى مەن لۋشيان، باعىت - ساياساتىن باتىل دايەكتىلەندىرىپ، حالىق قۇرىلتايى قىزمەتىنىڭ دۇرىس بەتالىسىن مىقتاپ يگەرىپ، پارتيا ورتالىق كوميتەتىنىڭ كەلەلى شەشىم، ورنالاستىرۋلارىنا تىعىز ىلەسىپ، حالىق بۇقاراسىنىڭ تاماشا تۇرمىسقا دەگەن تىلەگىمەن، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ قاجەتىمەن تىعىز ۇشتاستىرىپ، جالپى بارىستىق حالىق دەموكراتياسىنىڭ كەلەلى ۇستانىمىن دايەكتىلەندىرىپ، بارلىق ۋاكىلگە تىعىز سۇيەنىپ، زاڭ شىعارۋ ۇقىعىن، باقىلاۋ ۇقىعىن، شەشىم جاساۋ ۇقىعىن، مىندەتكە تاعايىنداۋ، مىندەتىنەن قالدىرۋ ۇقىعىن زاڭ بويىنشا جۇرگىزىپ، پارتيا مەن حالىق جۇكتەگەن داڭقتى مىندەتىن شىنايى اتقارىپ، پارتيا ورتالىق كوميتەتىنىڭ ماڭىزدى تاپسىرماسىن، حالىقتىڭ ءۇمىتىن اقتاۋ ايبىندى ۋادەسىن قۇلشىنا ورىندادى.
لي جانشۋ باياندامادا بىلاي دەدى: 5 جىلدان بەرى نەگىزگى زاڭعا وزگەرىس ەنگىزۋ جوباسى ماقۇلدانىپ، 47 زاڭ جاسالدى، 111 زاڭعا وزگەرىس ەنگىزىلدى، زاڭ تۇسىندىرمەسى، زاڭ ماسەلەلەرى جانە كەلەلى ماسەلەلەر جونىندە 53 قارار، قاۋلى شىعارىلدى، ماقۇلدانىپ بولماعان 19 زاڭ جوباسى، قاۋلى جوباسى قارالدى؛ 182 باقىلاۋ قىزمەتى بايانداماسى مەن باسقا دا باياندامالار تىڭدالدى جانە قارالدى، 30 زاڭ مەن قاراردىڭ اتقارىلۋ احۋالى تەكسەرىلدى، 11 رەت ارناۋلى تاقىرىپتا پىكىر الىندى، 33 رەت ارناۋلى تاقىرىپتا تەكسەرۋ - زەرتتەۋ جۇرگىزىلدى؛ ۋاكىلدەردىڭ 2282 كەڭەس جوباسى، ۋاكىلدەردىڭ 43 مىڭ 750 ۇسىنىسى تۇگەلدەي ءبىر جاقتى ەتىلدى، ۋاكىلدەردىڭ كەڭەس جوبالارىن، ۇسىنىستاردى ءبىر جاقتى ەتۋ قىزمەتىنە رازى بولۋ شاماسى %98 كە جەتتى؛ 36 ءتۇرلى شارت پەن ماڭىزدى كەلىسىمدى بەكىتۋدى نەمەسە وعان قاتىناسۋدى بەلگىلەدى؛ مەملەكەت ورگاندارىنداعى قىزمەتكەرلەردەن زاڭ بويىنشا 1515 ادامدى (رەت) مىندەتكە تاعايىندادى جانە مىندەتىنەن قالدىردى. باستىسى، مىناداي قىزمەتتەردى ورىستەتتى: ءبىرىنشى، نەگىزگى زاڭدى جاپپاي دايەكتى اتقارىپ، نەگىزگى زاڭنىڭ بەدەلى مەن ابىرويىن قورعادى؛ ەكىنشى، جۇڭگوشا سوتسياليستىك زاڭ جۇيەسىن كەمەلدەندىرىپ، دامۋدى ابزال زاڭمەن جەبەپ، شەبەرلىكپەن باسقارۋعا كەپىلدىك ەتتى؛ ءۇشىنشى، نەگىزگى زاڭنىڭ حالىق قۇرىلتايىنا بەرگەن باقىلاۋ ۇقىعىنان ويداعىداي پايدالانىپ، باقىلاۋدى دۇرىس، ءونىمدى، زاڭ بويىنشا جۇرگىزدى؛ ءتورتىنشى، حالىق قۇرىلتايى ۋاكىلدەرىنىڭ رولىن ساۋلەلەندىرىپ، حالىقتىڭ ۇنىنە جاۋاپ قايتاردى؛ بەسىنشى، حالىق قۇرىلتايىنىڭ سىرتپەن قارىم - قاتىناس جاساۋ ابزالدىعىن ساۋلەلەندىرىپ، پارتيا مەن مەملەكەتتىڭ ديپلوماتيالىق جالپى جاعدايىنا قىزمەت ەتتى؛ التىنشى، ساياسي قۇرىلىستى باسشىلىققا الىپ، تۇراقتى كوميتەتتىڭ وزىندىك قۇرىلىسىن شىنايى كۇشەيتتى.
لي جانشۋ باياندامادا بىلاي دەدى: 5 جىلدىق اماليات ءبىزدىڭ حالىق قۇرىلتايى ءتۇزىمىنىڭ عىلمي ءمانى، نەگىزگى ەرەكشەلىگى جانە ماندىك تالابى جونىندەگى تانىمىمىزدى اناعۇرلىم تەرەڭدەتتى، اتاپ ايتقاندا، ءسوز جوق، جۇڭگو كوممۋنيستىك پارتياسىنىڭ باسشىلىعىندا تاباندى بولۋ، ءسوز جوق، شي جينپيڭ جاڭا ءداۋىر جۇڭگوشا سوتسياليزم يدەياسىندا تاباندى بولۋ، ءسوز جوق، جۇڭگوشا سوتسياليستىك ساياسي دامۋ جولىندا تاباندى بولۋ، ءسوز جوق، جالپى بارىستىق حالىق دەموكراتياسىنىڭ كەلەلى ۇستانىمىندا تاباندى بولۋ، ءسوز جوق، حالىق قۇرىلتايى تۇزىمىندە تاباندى بولۋ، ءسوز جوق، نەگىزگى زاڭدا بەلگىلەنگەن مەملەكەتتىڭ ءتۇبىرلى مىندەتىندە، دامۋ جولىندا، كۇرەس نىساناسىندا تاباندى بولۋ كەرەك.
بۇدان بىلايعى ءبىر جىلداعى قىزمەت جونىندەگى ۇسىنىستا لي جانشۋ مىنالاردى اتاپ كورسەتتى: 2023 - جىل − پارتيا 20 - قۇرىلتايىنىڭ رۋحىن جاپپاي دايەكتى تياناقتاندىرۋدىڭ باستاما جىلى، تۇراقتى كوميتەتتىڭ قىزمەتى: بىرىنشىدەن، نەگىزگى زاڭدى اتقارۋ جانە زاڭ شىعارۋ قىزمەتىن ويداعىداي ىستەۋ؛ ەكىنشىدەن، حالىق قۇرىلتايىنىڭ باقىلاۋ ونىمدىلىگىن ارتتىرۋ؛ ۇشىنشىدەن، ۋاكىلدەردىڭ قىزمەت ورەسىن جوعارىلاتۋ؛ تورتىنشىدەن، حالىق قۇرىلتايىنىڭ سىرتپەن بارىس - كەلىسىن ويداعىداي ىستەۋ؛ بەسىنشىدەن، تۇراقتى كوميتەتتىڭ وزىندىك قۇرىلىسىن كۇشەيتۋ.
ەڭ جوعارى حالىق سوتى مەكەمەسىنىڭ باستىعى جوۋ چياڭ ەڭ جوعارى حالىق سوتى مەكەمەسىنىڭ قىزمەت بايانداماسىندا بىلاي دەپ اتاپ كورسەتتى: 2022 - جىلى بۇكىل ەلدەگى سوت مەكەمەلەرىنىڭ ءتۇرلى قىزمەتتەرى ورنىقتىلىق بارىسىندا ىلگەرىلەدى. ەڭ جوعارى حالىق سوتى مەكەمەسى 18547 دەلونى قاراۋعا قابىلداپ، 13785 دەلونى قاراپ اياقتاتتى؛ جەرگىلىكتى ءار دارەجەلى حالىق سوتى مەكەمەلەرى مەن ارناۋلى حالىق سوتى مەكەمەلەرىنىڭ قاراۋعا قابىلداعان دەلوسى 33 ميلليون 704 مىڭ، قاراپ اياقتاتقان، اتقارىپ اياقتاتقان دەلوسى 30 ميلليون 810 مىڭ، دەلو جابۋ نىسانا سوماسى 9 تريلليون 900 ميلليارد يۋان بولدى.
جوۋ چياڭ باياندامادا مىنالاردى ءبىلدىردى: 5 جىلدان بەرى ەڭ جوعارى حالىق سوتى مەكەمەسى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، شي جينپيڭ زاڭمەن جونگە سالۋ يدەياسىن ىشكەرىلەي دايەكتىلەندىرىپ، پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتىنىڭ ءار رەتكى جالپى ءماجىلىسىنىڭ رۋحىن جاپپاي دايەكتىلەندىرىپ، پارتيا 20 - قۇرىلتايىنىڭ رۋحىن مۇقيات ۇيرەنىپ، دايەكتىلەندىرىپ، نەگىزگى زاڭ مەن زاڭداردا جۇكتەلگەن قىزمەت جاۋاپكەرلىگىن ادالدىقپەن اتقارىپ، حالىق سوتى مەكەمەسى قىزمەتىندە جاڭا وزگەرىستىڭ، جاڭا دامۋدىڭ جۇزەگە اسۋىن ىلگەرىلەتتى. ءبىرىنشى، مەملەكەتتىڭ حاۋىپسىزدىگىن، قوعامنىڭ تىنىشتىعىن، حالىقتىڭ تىنىشتىعىن باتىل قورعادى؛ ەكىنشى، زاڭ بويىنشا قىزمەت وتەپ، جاڭا دامۋ ارناسىن قالىپتاستىرىپ، ساپالى دامۋدى ىلگەرىلەتتى؛ ءۇشىنشى، ءادىليانى حالىق ءۇشىن جۇرگىزۋدىڭ جۇڭگوشا جولىمەن جۇرۋدە تاباندى بولدى؛ ءتورتىنشى، قوعامنىڭ ادىلدىگىن، تۋراشىلدىعىن قورعاۋدىڭ ەڭ سوڭعى قورعانىس شەبىن باتىل قورعادى؛ بەسىنشى، ءادىليا ءتۇزىلىسى رەفورماسى مەن زەردەلى سوت مەكەمەسى قۇرىلىسىندا كەلەلى ىلگەرىلەۋشىلىككە قول جەتكىزدى؛ التىنشى، ادال، كىرشىكسىز، جاۋاپكەرلىك ارقالايتىن سوت مەكەمەسىنىڭ قۇرىش قوسىنىن سومدادى.
باياندامادا جوۋ چياڭ 2023 - جىلعى قىزمەت جونىندە 5 جاقتان ۇسىنىس قويدى: شي جينپيڭ زاڭمەن جونگە سالۋ يدەياسىن جەتەكشى ەتىپ، جۇڭگوشا سوتسياليستىك زاڭمەن جونگە سالۋ جولىمەن بۇلجىماي ءجۇرۋ؛ دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، جوعارى دەڭگەيدەگى حاۋىپسىزدىك پەن ساپالى دامۋعا زاڭ بويىنشا قىزمەت وتەۋ؛ حالىقتى وزەك ەتۋدە تاباندى بولىپ، ءادىليانى حالىق ءۇشىن جۇرگىزۋدى، ءادىليادا ءادىل بولۋدى تىڭعىلىقتى ىلگەرىلەتۋ؛ ءادىليا ءتۇزىلىسى رەفورماسىن تەرەڭدەتىپ، سوتتاۋ جۇيەسى مەن سوتتاۋ قابىلەتىنىڭ وسىزاماندانۋىن جەدەل ىلگەرىلەتۋ؛ پارتيانى جاپپاي قاتاڭ جونگە سالۋدا، سوت مەكەمەسىن قاتاڭ جونگە سالۋدا تاباندى بولىپ، سوت قوسىنى قۇرىلىسىن كۇشەيتۋ.
ەڭ جوعارى حالىق پروكۋراتۋراسىنىڭ باس پروكۋرورى جاڭ جۇن ەڭ جوعارى حالىق پروكۋراتۋراسىنىڭ قىزمەتىنەن باياندامادا بىلاي دەپ اتاپ كورسەتتى: 5 جىلدان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، مەملەكەتتىك حالىق قۇرىلتايى مەن ونىڭ تۇراقتى كوميتەتىنىڭ پارمەندى باقىلاۋىندا، ەڭ جوعارى حالىق پروكۋراتۋراسى جاڭالىق اشۋ نەگىزىندە قىلمىستىق ىستەر، ازاماتتىق ىستەر، اكىمشىلىك ىستەر، الەۋمەتتىك يگىلىك ارىز – شاعىمى سىندى ”پروكۋراتۋرانىڭ ءتورت نەگىزگى قىزمەتىنىڭ“ جاڭا جاعدايىن ورناتىپ، حالىقتى بارىنەن جوعارى قويۋدى امالياتتا ايگىلەدى، نەگىزگى زاڭ مەن زاڭداردا جۇكتەلگەن زاڭدىق باقىلاۋ مىندەتىن ىرىقتىلىقپەن اتقارىپ، حالىق پروكۋراتۋراسى ىستەرىنىڭ قارىشتاپ دامۋىن جۇزەگە اسىردى. 2018 – جىلدان 2022 – جىلعا دەيىن بۇكىل ەلدەگى پروكۋراتۋرا ورگاندارى ءبىر جاقتى ەتكەن ءتۇرلى دەلولار جالپى 17 ميلليون 336 مىڭ بولىپ، الدىڭعى 5 جىلداعىدان %40 جوعارىلادى. 2018 – جىلمەن سالىستىرعاندا، 2022 – جىلى تەكسەرىپ ايىپتاۋ تۇسىرىلگەن دەلولار %2.8 ارتتى، ازاماتتىق ىستەر، اكىمشىلىك ىستەر، الەۋمەتتىك يگىلىك ارىز – شاعىم دەلولارىن ءبىتىرۋ سالىستىرماسى جەكە – جەكە 1.5 ەسە، 3.3 ەسە جانە %72.6 ارتتى.
باياندامادا جاڭ جۇن وتكەن 5 جىلداعى قىزمەتتى 6 جاقتان ەسكە الدى: ءبىرىنشى، حاۋىپسىزدىك پەن ورنىقتىلىقتى قورعاپ، ىرىقتىلىقپەن پروكۋراتۋرا جۇرگىزۋ ارقىلى جۇڭگونىڭ جونگە سالۋىنا دەم بەردىك؛ ەكىنشى، نازاردى جالپى جاعدايعا قىزمەت وتەۋگە شوعىرلاندىرىپ، ىرىقتىلىقپەن پروكۋراتۋرا جۇرگىزۋ ارقىلى ساپالى دامۋدى جەبەدىك؛ ءۇشىنشى، ءادىليانى حالىق ءۇشىن جۇرگىزۋدە تاباندى بولىپ، پروكۋراتۋرا ارقىلى حالىقتىڭ ىرىس - قۇتىن قامتاماسىزداندىردىق؛ ءتورتىنشى، ارىز - شاعىمدى باقىلاۋدى كۇشەيتىپ، ىرىقتىلىقپەن پروكۋراتۋرا جۇرگىزۋ ارقىلى ءادىليانىڭ ادىلدىگىن قورعادىق؛ بەسىنشى، الەۋمەتتىك يگىلىك ارىز - شاعىمىن كەڭەيتىپ، ىرىقتىلىقپەن پروكۋراتۋرا جۇرگىزۋ ارقىلى الەۋمەتتىك مۇددەنى قورعادىق؛ التىنشى، پروكۋراتۋرانى قاتاڭ جونگە سالۋدا تاباندى بولىپ، ىرىقتىلىقپەن پروكۋراتۋرا جۇرگىزۋ ارقىلى ىسىلعان قوسىندى شىڭدادىق.
جاڭ جۇن باياندامادا 2023 - جىلعى قىزمەت جونىندە مىناداي ۇسىنىس قويدى: ءبىرىنشى، شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋ، دايەكتىلەندىرۋ؛ ەكىنشى، مەملەكەتتىڭ حاۋىپسىزدىگى مەن قوعام ورنىقتىلىعىن باتىل قورعاۋ؛ ءۇشىنشى، زاڭمەن جونگە سالۋ كۇشىنەن تولىق پايدالانىپ، ساپالى دامۋعا قىزمەت وتەۋ؛ ءتورتىنشى، زاڭدىق باقىلاۋ قابىلەتىن جوعارىلاتۋ؛ بەسىنشى، ءادىليا ءتۇزىلىسىنىڭ جالپىلىق سايكەستى رەفورماسىن تەرەڭدەتۋ؛ التىنشى، اۋىر مىندەت ارقالاي الاتىن پروكۋراتۋرا قۇرىش قوسىنىن قۇرۋ.
مەملەكەتتىك كەڭەستىڭ زۇڭليى لي كىچياڭ قاراۋعا ۇسىنعان مەملەكەتتىك كەڭەستىڭ قۇرىلىم رەفورماسى جوباسى جونىندەگى كەڭەس جوباسىندا بىلاي دەپ اتاپ كورسەتىلدى: جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايى قۇرىلىم رەفورماسىن تەرەڭدەتۋ جونىندە ماڭىزدى ورنالاستىرۋ جاسادى. پارتيا 20 - كەزەكتى ورتالىق كوميتەتىنىڭ ەكىنشى جالپى ءماجىلىسى «پارتيا مەن مەملەكەت قۇرىلىمدارى رەفورماسى جوباسىن» قاراپ ماقۇلداپ، ونىڭ ىشىندەگى مەملەكەتتىك كەڭەس قۇرىلىمدارى رەفورماسىنا ساياتىن مازمۇنداردى 14 - كەزەكتى مەملەكەتتىك حالىق قۇرىلتايى 1 - ءماجىلىسىنىڭ قاراۋىنا ۇسىنۋعا قوسىلدى. ەندى «پارتيا مەن مەملەكەت قۇرىلىمدارىنا رەفورما جاساۋ جوباسىنا» ساي قالىپتاسقان «مەملەكەتتىك كەڭەس قۇرىلىمدارىنا رەفورما جاساۋ جوباسىن» 14 - كەزەكتى مەملەكەتتىك حالىق قۇرىلتايى 1 - ءماجىلىسىنىڭ قاراۋىنا ۇسىنىپ وتىرمىز.
مەملەكەتتىك كەڭەستىڭ تاپسىرۋىمەن مەملەكەتتىك كەڭەستىڭ مۇشەسى، قوسىمشا مەملەكەتتىك كەڭەستىڭ باس حاتشىسى شياۋ جيە مەملەكەتتىك كەڭەس قۇرىلىمدارىنا رەفورما جاساۋ جوباسى جونىندە تۇسىنىك جاسادى. شياۋ جيە تۇسىنىك جاساۋ بارىسىندا مىنالاردى اتاپ كورسەتتى: پارتيا مەن مەملەكەت قۇرىلىمدارى رەفورماسىنىڭ ماڭىزدى ءبىر مىندەتى سانالاتىن مەملەكەتتىك كەڭەس قۇرىلىمدارى رەفورماسىنىڭ ماڭىزدى ءتۇيىنى: عىلىم - تەحنيكا، فينانستى باقىلاۋ - باسقارۋ، ساندى مالىمەتتەردى باسقارۋ، اۋىل - قىستاقتى گۇلدەندىرۋ، ءبىلىم مەنشىك ۇقىعى، قارتتار قىزمەتى سياقتى ءتۇيىندى سالالارداعى قۇرىلىمداردىڭ قىزمەت جاۋاپكەرلىگىن ساپالىلاندىرىپ جانە رەتتەپ، ۇكىمەت فۋنكتسياسىنا بۇرىلىس جاساپ، زاڭمەن جونگە سالىناتىن ۇكىمەت قۇرۋدى جەدەلدەتۋ.
وسى رەتكى مەملەكەتتىك كەڭەستىڭ قۇرىلىم رەفورماسىنىڭ ناقتى مازمۇنى تومەندەگىدەي: عىلىم - تەحنيكا مينيسترلىگىن قايتا قۇرۋ؛ مەملەكەتتىك فينانستى باقىلاۋ - باسقارۋ باس مەكەمەسىن قۇرۋ؛ جەرگىلىكتى فينانستى باقىلاۋ - باسقارۋ ءتۇزىلىسى رەفورماسىن تەرەڭدەتۋ؛ جۇڭگو باعالى قاعاز باقىلاۋ - باسقارۋ كوميتەتىن مەملەكەتتىك كەڭەسكە توتە قاراستى قۇرىلىم ەتىپ رەتتەۋ؛ جۇڭگو حالىق بانكەسىنىڭ بولىمشە قۇرىلىمدارى رەفورماسىن ءبىر تۇتاس ىلگەرىلەتۋ؛ مەملەكەت مەنشىگىندەگى فينانس كاپيتالىن باسقارۋ ءتۇزىلىسىن كەمەلدەندىرۋ؛ فينانس باسقارۋ تاراۋلارىنىڭ قىزمەتكەرلەرىن ءبىر تۇتاس ارنامەن باسقارۋدى كۇشەيتۋ؛ مەملەكەتتىك ساندى مالىمەت مەكەمەسىن قۇرۋ؛ اۋىل شارۋاشىلىعى، اۋىل - قىستاق مينيسترلىگىنىڭ قىزمەت جاۋاپكەرلىگىن كەمەلدەندىرۋ؛ قارتتار قىزمەتى قۇرىلىمىن كەمەلدەندىرۋ؛ ءبىلىم مەنشىك ۇقىعىن باسقارۋ ءتۇزىلىسىن كەمەلدەندىرۋ؛ مەملەكەتتىك ارىز - ارمان مەكەمەسىن مەملەكەتتىك كەڭەسكە توتە قاراستى قۇرىلىم ەتىپ رەتتەۋ؛ ورتالىقتاعى مەملەكەت ورگاندارى قىزمەتكەرلەرىنىڭ شتاتىن ىقشامداۋ. جوعارىداعى جوبا بويىنشا رەتتەلگەننەن كەيىن، مەملەكەتتىك كەڭەستىڭ كەڭسەسىنەن سىرت، مەملەكەتتىك كەڭەستىڭ قۇرامىندا ءالى دە 26 تاراۋ بولادى.
ءماجىلىستىڭ اتقارۋشى ءتوراعالارى ۋاڭ نيڭ، ليۋ ي - لياڭ، ليۋ نيڭ، لي شيۋليڭ، چىن گاڭ، جىڭ شانجيە، ني يۋەفىڭ، جيڭ جۇنحاي، لوۋ ياڭشىڭ ءتوراعالار مىنبەسىنىڭ اتقارۋشى ءتوراعالار ورنىنا جايعاستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
