«شي جينپيڭ ”ءبىر بەلدەۋ، ءبىر جول“ جونىندە (2023 - جىلعى باسىلىمى)» باسپادان شىعىپ تاراتىلدى
2023.12.25 16:15 كەلۋ قاينارى : حالىق تورابى
شينحۋا اگەنتتىگى، 12 - ايدىڭ 24 - كۇنى، بەيجيڭ. ج ك پ ورتالىق كوميتەتىنىڭ پارتيا تاريحى جانە قۇجات زەرتتەۋ ورنى رەداكسيالاعان «شي جينپيڭ ”ءبىر بەلدەۋ، ءبىر جول“ جونىندە (2023 - جىلعى باسىلىمى)» اتتى كىتاپ تاياۋدا ورتالىق قۇجات باسپاسىنان باسىلىپ شىعىپ، بۇكىل ەل كولەمىندە تاراتىلدى.
وسى ارناۋلى ماقالالار جيناعىنا شي جينپيڭ جولداستىڭ 2013 - جىلى 9 - ايدان 2023 - جىلى 11 - ايعا دەيىنگى ”ءبىر بەلدەۋ، ءبىر جولدى“ بىرگە قۇرۋ جونىندەگى 78 ماڭىزدى ماقالاسى ەنگىزىلدى.
”ءبىر بەلدەۋ، ءبىر جولدى“ بىرگە قۇرۋ جۇڭگودان باستاۋ العان، جەتىستىك پەن وراي دۇنيە جۇزىنە ءتان. پارتيا 18 – قۇرىلتايىنان بەرى شي جينپيڭ جولداس ”ءبىر بەلدەۋ، ءبىر جولدى“ بىرگە قۇرۋ باستاماسىن جاسامپازدىقپەن ورتاعا قويىپ، ءار ەل حالقىنىڭ بەيبىتشىلىك پەن دامۋعا تالپىنۋ سىندى ورتاق ارمانىن كوزدە ۇستاپ، دۇنيە جۇزىنە شىعىستىڭ اقىل – پاراساتىنا تولى بىرگە گۇلدەنۋ، دامۋ جوباسىن ازىرلەپ، حالىقارالىق قوعامنىڭ، اسىرەسە، بىرگە قۇرۋشى ەلدەردىڭ بەلسەنە ءۇن قوسۋىنا يە بولدى. ”ءبىر بەلدەۋ، ءبىر جولدى“ بىرگە قۇرۋ بىرگە اقىلداسۋدا، بىرگە قۇرۋدا، بىرگە يگىلىكتەنۋدە تاباندى بولىپ، تۇرلىشە وركەنيەت، مادەنيەت، قوعامدىق ءتۇزىم، دامۋ ساتىسىنداعى پارىقتاردان اتتاپ ءوتىپ، ءار ەل بارىس - كەلىسىنىڭ جاڭا جولىن اشىپ، حالىقارالىق سەلبەستىكتىڭ جاڭا جۇلگەسىن ورناتىپ، ادامزاتتىڭ بىرگە دامۋىنىڭ ەڭ ۇلكەن ورتاق بولگىشىن توپتاپ، جاپپاي قارسى الۋعا بولەنگەن دۇنيە جۇزىلىك الەۋمەتتىك ونىمگە جانە حالىقارالىق سەلبەستىك تۇعىرىنا اينالىپ، بىرگە قۇرۋشى ەلدەردىڭ ءوزارا پايدا جەتكىزىپ، تەڭ يگىلىككە كەنەلۋىن جۇزەگە اسىردى، دۇنيە جۇزىندەگى ءار ەلدىڭ دامۋىنا جاڭا وراي جاراتىپ قانا قويماي، جۇڭگونىڭ اشىق دامۋىنا دا تىڭ ءورىس اشتى. اماليات ”ءبىر بەلدەۋ، ءبىر جولدى“ بىرگە قۇرۋدىڭ تاريحتىڭ دۇرىس جاعىندا تۇرعانىن، ءداۋىردىڭ العا باسۋ لوگيكاسىنا ۇيلەسەتىنىن، دۇرىس جولمەن جۇرگەنىن دالەلدەدى. شي جينپيڭ جولداس ”ءبىر بەلدەۋ، ءبىر جولدى“ بىرگە قۇرۋدىڭ جەتەكشى پرينسيبى، باي مازمۇنى، نىساناسى، جولى سياقتىلار جونىندە تەرەڭ پايىمداۋ جاسادى، بۇل ”ءبىر بەلدەۋ، ءبىر جول“ حالىقارالىق سەلبەستىگىن تەرەڭدەتىپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدى تىڭعىلىقتى ىلگەرىلەتىپ، دۇنيە جۇزىندەگى ءار ەلدىڭ وسىزاماندانۋىن جۇزەگە اسىرۋدى ىلگەرىلەتىپ، اشىق، سيىسىمدى، ۇلاسقان - تۇتاسقان، بىرگە داميتىن دۇنيە ءجۇزىن قۇرىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدە توتەنشە ماڭىزدى مانگە يە.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
