شينجياڭ ۇيعۇر اۆتونوميالى رايوندىق ۇكىمەت ۇنەمىلىك ىستەر ءماجىلىسىن اشتى
كومىر، كومىر ەلەكتر، كومىر حيميا ونەركاسىبى كاسىپ سالاسى شوعىرىنىڭ دامۋى سياقتى قىزمەتتەردى اقىلداستى
2023.12.25 16:23 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى جاڭ يۇنمەي 12 - ايدىڭ 23 - كۇنى ۇرىمجىدەن حابارلايدى. 12 - ايدىڭ 22 - كۇنى تۇستەن كەيىن اۆتونوميالى رايوننىڭ ءتوراعاسى ەركىن تۇنياز اۆتونوميالى رايوندىق ۇكىمەتتىڭ ۇنەمىلىك ىستەر ءماجىلىسىن باسقارىپ اشتى، اۆتونوميالى رايوندىق پارتكومنىڭ قىزمەت تالابى بويىنشا، كومىر، كومىر ەلەكتر، كومىر حيميا ونەركاسىبى كاسىپ سالاسى شوعىرىنىڭ دامۋى، ستراتەگيالىق جاڭادان گۇلدەنگەن كاسىپ سالاسى شوعىرى قۇرىلىسى، ليتي كاسىپ سالاسىنىڭ جوعارى ساپالى دامۋى، عىلىم - تەحنيكادا جاڭالىق اشۋدى كۇشەيتۋ سياقتىلاردى اقىلداستى.
ءماجىلىس مىنالاردى اتاپ كورسەتتى: بۇكىل ەلدىڭ ەنەرگيا بايلىعىن ستراتەگيالىق قامتاماسىز ەتۋ بازاسى قۇرىلىسىن جەدەلدەتىپ، شينجياڭنىڭ كومىر، مۇناي - تابيعي گاز سياقتى بايلىعىنىڭ جانە كاسىپ سالاسىنىڭ بۇكىل ەلدىڭ ەكونوميكالىق كەلەلى جاعدايىنداعى ماڭىزدى رولىن اناعۇرلىم ويداعىداي ساۋلەلەندىرۋ كەرەك. ”8 ءىرى كاسىپ سالاسى شوعىرى“ قۇرىلىسىن ارقاۋ، رايونىمىزدىڭ كومىر بايلىعى باسىمدىعىن تياناق ەتىپ، ءبىر توپ كولەمدى كومىر ءوندىرىس بازاسىن قۇرىپ، كومىر، كومىر ەلەكتر، كومىر حيميا ونەركاسىبى مەن جاڭا ەنەرگيانىڭ تەرەڭدەي توعىسۋىن ىلگەرىلەتىپ، كاسىپ سالاسى تىزبەگىن ۇزدىكسىز زورايتىپ، كۇشەيتىپ، ساپالىلاندىرىپ، ”ەكى نەگىز، ەكى قانات، ءبىر اينالما“ كاسىپ سالاسى شوعىرىنىڭ دامۋ ورنالاسىمىن جەدەل قالىپتاستىرىپ، مەملەكەتتىڭ ەنەرگيا حاۋىپسىزدىگىن قامتاماسىز ەتۋگە جانە رايونىمىزدىڭ جوعارى ساپالى دامۋىنا اناعۇرلىم كوپ ۇلەس قوسۋ كەرەك.
ءماجىلىس مىنالاردى اتاپ كورسەتتى: نازاردى ەنەرگيا جابدىعى، كرەمني فوتوۆولت، كرەمني حيميا ونەركاسىبى، سۋتەگى ەنەرگياسى، كومىر نەگىزدى جاڭا ماتەريال سياقتى 11 ءتۇيىندى سالاعا شوعىرلاندىرىپ، جاڭالىق اشۋ ارقىلى جەتەكشىلىك ەتۋ، تىزبەكتى تولىقتاۋ، تىزبەكتى كۇشەيتۋ، ساۋداگەر شاقىرىپ قارجى ەنگىزۋ، نىسان قۇرىلىسى سياقتىلاردى كورنەكتىلەندىرە ويداعىداي مىقتى يگەرىپ، جاڭا ەنەرگيا، جاڭا ماتەريال سياقتى ستراتەگيالىق جاڭادان گۇلدەنگەن كاسىپ سالاسىن شوعىرلى دامىتۋدان كاسىپ سالاسى شوعىرى بويىنشا دامىتۋعا قاراي بۇرىلىس جاساۋعا جەتەكتەپ، شينجياڭ ەرەكشەلىگىنە يە ستراتەگيالىق جاڭادان گۇلدەنگەن كاسىپ سالاسى شوعىرىن جەدەل قۇرىپ، ەكونوميكانىڭ جوعارى ساپالى دامۋىنىڭ جاڭا قوزعاۋشى قۋاتىن زور كۇشپەن جەتىلدىرۋ كەرەك. ەنەرگيا بايلىعىنىڭ كومەسكى كۇشىن جەدەل جارىققا شىعارىپ، ليتي بايلىعى كەن كاسىبىن بارلاۋ، اشۋ تەبىنىن كۇشەيتىپ، كاسىپ سالاسى تىزبەگىن تۇتاستىرىپ، رايونىمىزدىڭ ليتي كاسىپ سالاسىنىڭ جوعارى ساپالى دامۋىن ىلگەرىلەتۋ كەرەك.
ءماجىلىس مىنالاردى باسا دارىپتەدى: جاڭالىق اشۋ ارقىلى دامۋعا دەم بەرۋ ستراتەگياسىن ىشكەرىلەي اتقارىپ، رايونىمىزدىڭ كاسىپ سالاسى دامۋ قاجەتىن ءجىتى قاداعالاپ، جاڭالىق اشۋ تىزبەگىنىڭ، كاسىپ سالاسى تىزبەگىنىڭ تەرەڭدەي توعىسۋىن ىلگەرىلەتىپ، شەشۋشى، وزەكتى تەحنيكالاردان قامال الۋدى جەدەلدەتىپ، عىلىم - تەحنيكا جەتىستىكتەرىن كادەگە جاراتۋدى، پايدالانۋدى ۇزدىكسىز جوعارىلاتۋ كەرەك. جاڭالىق اشۋ مەحانيزمىن ونان ارى اقاۋسىزداندىرىپ، كەمەلدەندىرىپ، رايونىمىزدىڭ عىلىم - تەحنيكا بويىنشا سيلاۋ ادىسىنە وزگەرىس ەنگىزىپ، كەمەلدەندىرىپ، اۆتونوميالى رايوننىڭ دارىندىلاردى دامىتۋ قورىنان جاندى پايدالانىپ، ويداعىداي پايدالانىپ، جاڭالىق اشۋ دارىندىلارىن ەنگىزۋ جونىنەن اناعۇرلىم اشىق، ءونىمدى ساياسات اتقارىپ، عىلىم - تەحنيكا قىزمەتكەرلەرىنىڭ بەلسەندىلىگى مەن جاسامپازدىعىن تولىق جۇمىلدىرىپ، جاڭالىق اشۋ تيبىندەگى شينجياڭ قۇرىلىسىن بار كۇشپەن ىلگەرىلەتۋ كەرەك.
ءماجىلىس تاياۋ مەزگىلدەگى اۆتونوميالى رايوننىڭ سيفرلاندىرۋ رەفورماسى قىزمەتىنىڭ اياق الىسى جاعدايىن تىڭداپ، قاتىستى رەفورما ىستەرىن اقىلداستى. ءماجىلىس مىنالاردى اتاپ كورسەتتى: سيفرلاندىرا دامىتۋدى جەدەلدەتۋ − رايونىمىزدىڭ باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋدىڭ قاجەتتى تالعامى. نىسانانى باعدار ەتۋگە، ماسەلەنى باعدار ەتۋگە تاباندى بولىپ، رايونىمىز سيفرلى نەگىزدىك قۇرىلعى قۇرىلىسى، ساندى مالىمەتتەن ورتاق يگىلىكتەنۋ سياقتى جاقتارداعى ولقىلىقتارىن كۇش سالا تولىقتاپ، تۇتاس رايوندا ءبىر تۇتاس، جوعارى ءونىمدى بولعان سيفرلى جونگە سالۋ جۇيەسىن تۇلعالاپ، سيفرلاندىرۋدى كاسىپ سالالاندىرۋدى، كاسىپ سالاسىن سيفرلاندىرۋدى جەدەل دامىتۋدى ىلگەرىلەتۋ كەرەك. ءارقايسى تاراۋدىڭ فۋنكتسيالىق ورنىن ونان ارى ايقىن تۇراقتاندىرىپ، جاۋاپكەرشىلىكتى قاتايتىپ، ىرىقتىلىقپەن كۇش ۇستەپ، سيفرلاندىرۋدى دامىتۋدىڭ ءتۇرلى ءتۇيىندى مىندەتتەرىن تياناقتاندىرۋدى شىنايى ىلگەرىلەتىپ، رايونىمىزدىڭ وسىزاماندانعان كاسىپ سالاسى جۇيەسىن جەدەل قۇرۋىنا سيفرلاندىرۋ تىرەگىن ازىرلەۋ كەرەك.
ءماجىلىس باسقا دا ىستەردى اقىلداستى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
