ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى، قوعام حاۋىپسىزدىگى مينيسترلىگى، ءادىليا مينيسترلىگى اراق ءىشىپ اۆتوموبيل جۇرگىزۋگە، ماس بولىپ اۆتوموبيل جۇرگىزۋگە قاتىستى قۇجات شىعاردى
2023.12.19 13:43 كەلۋ قاينارى : حالىق تورابى
12 - ايدىڭ 18 - كۇنى، ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى، قوعام حاۋىپسىزدىگى مينيسترلىگى، ءادىليا مينيسترلىگى «ماس بولىپ اۆتوموبيل جۇرگىزۋ سىندى اۆتوموبيلدى حاۋىپتى جۇرگىزۋگە قاتىستى قىلمىستىق دەلولار جونىندەگى پىكىردى» (تومەندە قىسقارتىلىپ «پىكىر» دەپ اتالادى) جاريالادى. «پىكىر» 2023 - جىلى 12 - ايدىڭ 28 - كۇنىنەن باستاپ اتقارىلادى.
«پىكىردە» اراق ءىشىپ اۆتوموبيل جۇرگىزۋ، ماس بولىپ اۆتوموبيل جۇرگىزۋ سەبەبىنەن بۇرىن دا جازالانعان بولۋ قاتارلى قاتاڭ جازالاۋعا بولاتىن 15 ءتۇرلى جاعداي، ادەتتە جازانى كەشەۋىلدەتىپ اتقارۋ قولدانىلمايتىن 10 ءتۇرلى جاعداي بەلگىلەنگەن، قاتىناس شىرعالاڭى تۋىلعان، ارەكەتتىڭ حاۋىپسىزدىك سيپاتى اۋىر بولعان، سونداي - اق، سۋبيەكتيۆ ورەسكەلدىگى اۋىر بولعان جاعدايدا قاتاڭ جازالاۋ كەرەك ەكەندىگى بەلگىلەنگەن؛ ماس بولىپ اۆتوموبيل جۇرگىزۋمەن بىرگە، قاتىناسقا قاتىستى سويقان شىعارۋ قىلمىسى قاتارلى باسقا قىلمىستاردى قالىپتاستىرعاندارعا، جازا ءبىرشاما قاتاڭ بەرىلەتىن قىلمىس ءتۇرى بويىنشا قىلمىسىن تۇراقتاندىرۋ ءارى قىلمىستىق ىستەر جاۋاپكەرشىلىگىن قاتاڭ قۋزاستىرۋ كەرەك ەكەندىگى بەلگىلەنگەن.
«پىكىردە» مىنالار ايقىن بەلگىلەنگەن: اراق ءىشىپ اۆتوموبيل جۇرگىزۋ جاعدايى جەڭىل بولعان بولسا، ارىز كوتەرمەۋگە نەمەسە قىلمىسىن تۇراقتاندىرىپ، جازاسىن كەشىرىم ەتۋگە بولادى؛ جاعدايى كورنەكتى جەڭىل بولسا، زالالى زور بولماسا، قىلمىس رەتىندە ءبىرجاقتى ەتپەۋگە بولادى، قاتىناس حاۋىپسىزدىگى زاڭىنداعى بەلگىلەمەلەر بويىنشا اكىمشىلىك جاقتان جازالاۋعا بولادى.
«پىكىردە» مىنالار باسا دارىپتەلگەن: ماس بولىپ اۆتوموبيل جۇرگىزۋگە قاتىستى دەلولاردى جەدەل ءبىرجاقتى ەتۋ مەحانيزمىن ورناتىپ جانە كەمەلدەندىرىپ، اراق ءىشىپ اۆتوموبيل جۇرگىزۋ، ماس بولىپ اۆتوموبيل جۇرگىزۋ جاعىنداعى قىلمىستىق ىستەرگە قاتىستى زاڭ اتقارۋ مەن اكىمشىلىك زاڭ اتقارۋدى ءوزارا ۇشتاستىراتىن، ساتىلى تۇردە ىلگەرىلەتەتىن جونگە سالۋ جۇيەسىن كەمەلدەندىرۋ، ساياسي جاقتاعى ونىمدىلىكتى، زاڭدىق ونىمدىلىكتى جانە قوعامدىق ونىمدىلىكتى ورگانيكالى تۇردە ءبىرتۇلعالاندىرۋدى اناعۇرلىم ويداعىداي ىسكە اسىرۋعا ءتيىمدى.
«پىكىردە» مىنالار تالاپ ەتىلگەن: ءار دارەجەلى ساياسي - زاڭ ورگاندارى جازالاۋ مەن ساقتانۋدى ءوزارا ۇشتاستىرۋعا تاباندى بولىپ، ءتۇرلى تاسىلدەردى قولدانۋ ارقىلى جان - جاقتى جونگە سالۋدى، ارىز قاينارىنان باستاپ جونگە سالۋدى كۇشەيتۋى، قاينارىنان باستاپ ساقتانۋ جانە اراق ءىشىپ اۆتوموبيل جۇرگىزۋ، ماس بولىپ اۆتوموبيل جۇرگىزۋ سىندى زاڭعا قايشى قىلمىستىق ارەكەتتىڭ تۋىلۋىن ازايتۋى قاجەت.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
