ورتالىق ينتەرنەت حاۋىپسىزدىگى جانە ينفورماتسيالاندىرۋ كوميتەتىنىڭ كەڭسەسى شارا قولدانادى! قىسقا كەسكىندەردەگى بۇرىس جولعا باستايتىن ناشار مازمۇنداردى جونگە سالادى
2023.12.13 16:26 كەلۋ قاينارى : حالىق تورابى
”جۇڭگو ينتەرنەت ينفورماتسياسى“ ۋيشين تەكشەسىنىڭ 12 - ايدىڭ 12 - كۇنى حابارلاۋىنشا، ورتالىق ينتەرنەت حاۋىپسىزدىگى جانە ينفورماتسيالاندىرۋ كوميتەتىنىڭ كەڭسەسى ”پاكتەندىرۋ . قىسقا كەسكىندەردەگى بۇرىس جولعا باستايتىن ناشار مازمۇنداردى جونگە سالۋ“ ارناۋلى ارەكەتىن ورىستەتۋ جونىندەگى ۇقتىرۋدى جاريالادى. 2023 - جىلعى ”پاكتەندىرۋ“ جەلىلەس ارناۋلى ارەكەتى جونىندەگى ورنالاستىرۋ بويىنشا، سول كۇننەن باستاپ، ءبىر ايلىق ۋاقىت بويىنشا ”پاكتەندىرۋ . قىسقا كەسكىندەردەگى بۇرىس جولعا باستايتىن ناشار مازمۇنداردى جونگە سالۋ“ ارناۋلى ارەكەتى ورىستەتىلەدى.
ارناۋلى ارەكەت قىسقا كەسكىن سالاسىندا ءجيى تۋىلاتىن بىلىققان جاعدايلاردى توڭىرەكتەي وتىرىپ، قىسقا كەسكىندەر ارقىلى بۇرىس جولعا باستايتىن مىناداي ءۇش ءتۇرلى ناشار مازمۇندى شوعىرلى تۇردە جونگە سالادى:
ءبىرىنشى، قىسقا كەسكىندەر ارقىلى جالعان ينفورماتسيا تاراتۋ ماسەلەسى
1. ەلىكتەپ ءتۇسىرۋ ارقىلى جالعان كەسكىن جاساپ شىعارۋ. حالىق تۇرمىسىنا ساياتىن وسەك - اياڭدى كەسكىنگە تارتىپ، جالعان مازمۇن شىعارۋ ءارى تاراتۋ. قوعامداعى السىزدەرگە كومەكتەسۋدى جەلەۋ ەتكەن مازمۇندا جالعان كەسكىندى قۇراستىرىپ، بۇقارانىڭ تىلەكتەستىگىنە يە بولۋ. توساتتان وقيعا تۋىلعان جەردە جالعان كەسكىن تارتىپ، جالعان ىستەردى ويدان قۇراستىرىپ، ۇرەي تۋدىراتىن مازمۇنداردى تاراتۋ.
2.تەحنيكا ارقىلى جالعان كەسكىن تۋىنداتۋ. جاساندى زەردە قاتارلى تەحنيكالاردان پايدالانىپ، جالعان مازمۇن قۇراستىرۋ جانە قيىستىرۋ، باسقالاردىڭ كەلبەتى مەن داۋىسىن زاڭسىز تۇردە پايدالانىپ، ادامنىڭ بەت الپەتىن اۋىستىرۋ نەمەسە داۋىسىن جاساندى جولمەن جاساۋ ارقىلى جالعان قىسقا كەسكىن تۋىنداتۋ.
3.شىندىقتى ەلەپ - ەسكەرمەستەن، بۇرمالاۋ ارقىلى جالعان مازمۇن جاساۋ. ۇكىمەت ورىندارى جاريالاعان سەنىمدى اقپاراتتاردى وزگەرتۋ نەمەسە بۇرمالاۋ.
ەكىنشى، قىسقا كەسكىندەر ارقىلى لايىقسىز ارەكەتتەردى كورسەتۋ ماسەلەسى
1.”بادىك مازمۇنعا جاقىن“ ارەكەتتەر. جىنىستىق يشارات نەمەسە جىنىستىق ەلىكتىرۋ ءمانى بار ارەكەتتەردى ادەيى كورسەتىپ، ”كومەسكى بادىك مازمۇن“، ”وراعىتقان مازمۇن“، ”بادىك مازمۇندار“ قاتارلىلاردى جاريالاپ، انايىلىقپەن ساۋداسىن وتىمدىلەندىرۋ.
2.ءوزىن تۇرپايى ادام ەتىپ كورسەتۋ. قىسقا كەسكىندەگى يقۋاتتار مەن قۇرالداردان پايدالانىپ، ءوزىن ادەيى سيىقسىز ەتىپ كورسەتۋ ارقىلى كورىلىمگە يە بولۋ، ”باسقا رولعا شىعۋ“ دەگەن جەلەۋمەن ءوزىن تۇرپايى ادام ەتىپ كورسەتىپ، بۇقارانىڭ ەستەتيكالىق الەمىنىڭ شەگىنە سايىس جاريالاۋ.
3.ينتەرنەت ارقىلى جات نيەتتى تاسىلدەرمەن ساۋداسىن وتىمدىلەندىرۋ. ينتەرنەتتەگى تانىمالى جۇرگىزۋشىلەردىڭ كەيبىرەۋى كورىلىمگە يە بولۋ ءۇشىن ءتاسىل تالعاماستان، باسقالارمەن مادەنيەتسىزدىكپەن تىلدەسىپ، ءسوز سويلەگەندە ۇستامسىزدىق ىستەيدى. ءوزىنىڭ ىقپالىن الباتى پايدالانىپ، جاقتاۋشىلارىن قايراپ، جاقتاۋشىلارىن قاساقانا ”ءسوزىن سويلەۋگە“ ۇيىمداستىرادى. جالعان، جارامسىز تاۋارلاردى جارنامالاپ، تۇتىنۋشىلاردى الجاستىرادى.
4.اسا حاۋىپتى ارەكەتتەردى كورسەتۋ. وزىنە - ءوزى قول جۇمساۋ، ءوزىن - ءوزى مۇگەدەك ەتۋ، حايۋاناتتاردى ازاپتاۋ قاتارلى ادامنىڭ جانىن جايسىزداندىراتىن ناشار مازمۇنداردى جاريالاۋ. بيىك قۇرىلىستاردىڭ ۇستىندە جۇگىرۋ، ەرەكشە قاتتى قارقىنمەن اۆتوموبيل جۇرگىزۋ قاتارلى ادام ءومىرىنىڭ حاۋىپسىزدىگىنە نەمقۇرايدى قارايتىن مازمۇنداعى اسا حاۋىپتى ارەكەتتەردى كورسەتۋ.
ءۇشىنشى، قىسقا كەسكىن ارقىلى قاتە كوزقاراستاردى تاراتۋ ماسەلەسى
1.جۇرتشىلىقتىڭ تانىم تياناعىنا سايىس جاريالاۋ. ۇلتتىق ادەت - عۇرىپقا قاساقانا زيان جەتكىزىپ، ۇلتتىق وشپەندىلىك پەن وڭىرلىك كەمسىتۋشىلىككە جەلىكتىرۋ. ۇيلەنۋ جانە ماحاببات جاعىندا قاتە كوزقاراستى تاراتىپ، ەر مەن ايەلدىڭ اراسىنا قاساقانا جىك تۇسىرمەك بولۋ.
2.قۇن كوزقاراسى جاعىندا قاتە ۇعىم تاراتۋ. كاسىپ تۋرالى قاتە كوزقاراستى تاراتىپ، ءتاسىل تالعاماۋدى جانە سالعىرتتىق ىستەپ، ومىردەن ءتۇڭىلۋدى دارىپتەۋ، بايلىعىن كورسەتۋ مەن اقشا قۇمارلىققا سالىنۋ، ىسىراپشىلدىق پەن راقاتقا بەرىلۋ سىندى قاتە قۇن كوزقاراستارىن تاراتۋ.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
