لي چياڭ ەۆروپا القالار كەڭەسىنىڭ ءتوراعاسى ميچەلمەن، ەۆروپا وداعى كوميتەتىنىڭ ءتوراعاسى ۆوندەرلەيەنمەن بىرگە 24 - رەتكى جۇڭگو - ەۆروپا وداعى باسشىلارىنىڭ ديدارلاسۋىن باسقاردى
2023.12.08 16:39 كەلۋ قاينارى : حالىق تورابى
 |
12 – ايدىڭ 7 – كۇنى تۇستەن كەيىن مەملەكەتتىك كەڭەستىڭ زۇڭليى لي چياڭ بەيجيڭدەگى حالىق سارايىندا ەۆروپا القالار كەڭەسىنىڭ ءتوراعاسى ميچەلمەن، ەۆروپا وداعى كوميتەتىنىڭ ءتوراعاسى ۆوندەرلەيەنمەن بىرگە 24 - رەتكى جۇڭگو - ەۆروپا وداعى باسشىلارىنىڭ ديدارلاسۋىن باسقاردى.
سۋرەتتى شينحۋا اگەنتتىگىنىڭ ءتىلشىسى ليۋ ۋەيبيڭ تۇسىرگەن
|
شينحۋا اگەنتتىگى، 12 - ايدىڭ 7 - كۇنى، بەيجيڭ. مەملەكەتتىك كەڭەستىڭ زۇڭليى لي چياڭ 12 - ايدىڭ 7 - كۇنى تۇستەن كەيىن حالىق سارايىندا ەۆروپا القالار كەڭەسىنىڭ ءتوراعاسى ميچەلمەن، ەۆروپا وداعى كوميتەتىنىڭ ءتوراعاسى ۆوندەرلەيەنمەن بىرگە 24 - رەتكى جۇڭگو - ەۆروپا وداعى باسشىلارىنىڭ ديدارلاسۋىن باسقاردى.
لي چياڭ مىنالاردى ءبىلدىردى: ءتوراعا شي جينپيڭ ەكى توراعامەن كەزدەسىپ، جۇڭگو - ەۆروپا قارىم - قاتىناسىن ونان ارى تەرەڭدەتۋ جونىندە ستراتەگيالىق جاقتان جەتەكشىلىك ەتتى. بۇگىنگى دۇنيەدە وراسان زور وزگەرىستەر تۋىلۋدا، ءبىز وزگەرىستەن باستان - اياق تاباندى بولۋعا ءتيىستى ”وزگەرمەستى“ تابۋىمىز، ياعني تىلدەسۋدەن جازباي، قارسىلاسۋعا قارسى تۇرۋىمىز، سەلبەسۋدەن جازباي، ”قول ۇزۋگە“ قارسى تۇرۋىمىز، بەيبىتشىلىكتەن جازباي، قاقتىعىسقا قارسى تۇرۋىمىز، جۇڭگو - ەۆروپا قارىم - قاتىناسىنىڭ العا باسۋ بەتالىسىن اناعۇرلىم ويداعىداي يگەرۋىمىز كەرەك. جۇڭگو جاق ەۆروپا جاقپەن بىرگە جالپى بەتتىك ستراتەگيالىق سەرىكتەستىك قارىم - قاتىناستىڭ دۇرىس ورنىندا تاباندى بولىپ، پارىقتاردى ساقتاپ، ورتاقتىققا ۇمتىلىپ، پارىقتاردى ازايتىپ، ورتاقتىققا ۇمتىلىپ، ءوزارا ءتيىمدى سەلبەستىكتى جانە كوپ جاقتى سايكەستىكتى كۇشەيتىپ، جۇڭگو - ەۆروپا قارىم - قاتىناسىنىڭ ورنىقتىلىعىن، سىندارلى سيپاتىن، ءوزارا تيىمدىلىگىن، دۇنيە جۇزىلىك سيپاتىن ونان ارى جوعارىلاتىپ، ازيا - ەۆروپا ۇلى قۇرلىعىنىڭ، سونداي - اق دۇنيە ءجۇزىنىڭ گۇلدەنۋىنە، ورنىقتىلىعىنا، دامۋىنا اناعۇرلىم زور ۇلەس قوسۋدى قالايدى.
لي چياڭ بىلاي دەپ اتاپ كورسەتتى: جۇڭگو جاق ەۆروپا جاقپەن اناعۇرلىم كوپ ءوزارا ءتيىمدى سەلبەستىك ۇلگىسىن بەلسەنە قاراستىرىپ، ەكى جاقتى قارىم - قاتىناسقا ۇزدىكسىز تىڭ قوزعاۋشى كۇش جانە ومىرشەڭدىك كۇش قوسۋدى قالايدى. قوس باعىتتى ساۋدا مەن قارجى قوسۋ كولەمىن ونان ارى كەڭەيتىپ، ساۋداعا قارجى قوسۋدىڭ ەركىن، قولايلى بولۋ دەڭگەيىن ۇزدىكسىز جوعارىلاتىپ، جاسىل سەرىكتەستىك قارىم - قاتىناستى تەرەڭدەتىپ، سيفرلانعان سەرىكتەستىك قارىم - قاتىناستى بەلسەنە ورناتىپ، گۋمانيتارلىق اۋىس - كۇيىستى جيىلەتۋ كەرەك. جۇڭگو جاق بازار شارۋاشىلىعىنىڭ نەگىزگى ولشەمىنە قايشىلىق جاساپ، ەكونوميكا - ساۋدا ماسەلەسىن جاپپاي ساياسيلاندىرۋعا، جاپپاي حاۋىپسىزدىككە تىرەۋگە قارسى تۇرادى، ەۆروپا جاقتىڭ شەكتەۋ سيپاتتى ەكونوميكا - ساۋدا ساياساتىن بايىپتىلىقپەن شىعارۋىن جانە ساۋدانى قۇتقارۋ شارالارىن قولدانۋىن، ساۋدا مەن قارجى قوسۋ بازارىنىڭ اشىق ۇستالۋىن ساقتاۋىن ءۇمىت ەتەدى.
ميچەل مەن ۆوندەرلەيەن مىنانى ءبىلدىرى: ەۆروپا - جۇڭگو قارىم - قاتىناسى − ەۆروپا وداعىنىڭ ەڭ ماڭىزدى سىرتقى قارىم - قاتىناسىنىڭ ءبىرى، ەۆروپا وداعى جۇڭگونىڭ سەنىمدى، ارقا سۇيەرلىك سەرىگى بولۋدى قالايدى. ەۆروپا وداعى ستراتەگيالىق دەربەستىكتە تاباندى بولادى، جۇڭگومەن جوعارى جىكتەگىلەردىڭ تىلدەسۋىن ىلگەرىلەتىپ، ءوزارا ءتۇسىنىسۋدى كۇشەيتىپ، قاتە تۇسىنىكتەردى ازايتىپ، ەكونوميكا - ساۋدا، اۋىل شارۋاشىلىعى، ازىق - تۇلىك، كليمات وزگەرىسى، جاساندى زەردە سياقتى سالالارداعى سەلبەستىكتى تەرەڭدەتىپ، دۇنيە جۇزىلىك سايىستارعا قول ۇستاسا توتەپ بەرىپ، دۇنيە ءجۇزىنىڭ بەيبىتشىلىگىن، ورنىقتىلىعىن جانە گۇلدەنۋىن جەبەۋدى قالايدى.
ەكى جاق بيىل جۇڭگو مەن ەۆروپانىڭ ستراتەگيالىق، ەكونوميكا - ساۋدا، قورشاعان ورتا جانە كليمات، سيفرلى سالالارداعى جوعارى جىكتەگىلەردىڭ تىلدەسۋىنىڭ ءساتتى وتكىزىلگەنىن تولىق تۇراقتاندىرىپ، مىنالاردى ءبىلدىردى: ءار سالاداعى، ءار جىكتەگى مەحانيزمدىك تىلدەسۋدى ۇزدىكسىز ويداعىداي وتكىزەمىز. ەكى جاق قوس باعىتتا ەسىك اشۋدا، ءوزارا پايدا جەتكىزىپ، تەڭ يگىلىككە كەنەلۋدە تاباندى بولىپ، ”قول ۇزۋگە، تىزبەكتى ۇزۋگە“ قارسى تۇرىپ، قارسى جاقتاعى كاسىپورىندارعا ءادىل، كەمسىتپەيتىن تيجارات - ساۋدا ورتاسىن ازىرلەپ، الاۋىزدىقتاردى تىلدەسۋ، كەڭەسۋ ارقىلى ۇيلەسىمدى شەشۋدە تاباندى بولادى. ەكى جاق ەكونوميكا - ساۋدا، جاسىل، جاعراپيالىق بەلگى، ءبىلىم مەنشىك ۇقىعى سياقتى سالالارداعى سەلبەستىكتى تەرەڭدەتىپ، ەكسپورتتى باسقارۋ، پىكىرلەسۋ مەحانيزمىنەن ويداعىداي پايدالانىپ، جۇڭگو مەن ەۆروپانىڭ شەشۋشى شيكىزات ماتەريالدارىنا بايلانىستى ساقتاندىرۋ مەحانيزمىن ورناتۋ جونىندە ىزدەنىس جاساپ، ورنىقتى، ءوزارا سەنىمدى قامداۋ تىزبەگىنىڭ سەرىكتەستىك قارىم - قاتىناسىن ورناتادى. ەكى جاق كومىر قىشقىل گازىن شىعارۋ ساۋداسى جاعىنداعى سەلبەستىكتى كۇشەيتىپ، ەكى جاقتىڭ كومىر قىشقىل گازىن شىعارۋ ساۋدا جۇيەسى تۇسىنىستىك ەسكەرتپەسىنىڭ ۋاقىتىن ۇزارتۋدى قولدايدى. ەكى جاق جۇڭگو مەن ەۆروپانىڭ جوعارى دارەجەلى گۋمانيتارلىق اۋىس - كۇيىس، پىكىرلەسۋ مەحانيزمى ءماجىلىسىن اشىپ، كەزەكشى ۇشاقتار مەن ادامداردىڭ بارىس - كەلىسىن جەدەل قالپىنا كەلتىرۋگە ماقۇل بولدى. ەكى جاق كوپ جاقتىلىقتا تاباندى بولىپ جانە ونى امالياتتا ايگىلەپ، بىرلەسكەن مەملەكەتتەر ۇيىمى سياقتى كوپ جاقتى جۇلگەدەگى سايكەسۋدى كۇشەيتىپ، دۇنيە جۇزىلىك ساۋدا ۇيىمىنىڭ قاجەتتى رەفورما جۇرگىزۋىن ىلگەرىلەتىپ، استىق حاۋىپسىزدىگى، كليمات وزگەرىسى، الەۋمەتتىك دەنساۋلىق ساقتاۋ سياقتى دۇنيە جۇزىلىك سايىستارعا قول ۇستاسا توتەپ بەرىپ، «بىرلەسكەن مەملەكەتتەر ۇيىمىنىڭ كليمات وزگەرىسى جۇلگەلىك شارتىنىڭ» 28 - رەتكى شارتتاسۋشى تاراپتار جينالىسىنىڭ بەلسەندى تابىستارعا قول جەتكىزۋىن ىلگەرىلەتەدى. ەكى جاق كەلەلى حالىقارالىق جانە وڭىرلىك ماسەلەلەر جونىندە پىكىرلەسۋدى كۇشەيتىپ، قولامتالى ماسەلەلەردى ساياسي جولمەن شەشۋدى ىلگەرىلەتۋگە ماقۇل بولدى.
ۋ جىڭلۇڭ كەزدەسۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
