شي جينپيڭ ەۆروپا القالار كەڭەسىنىڭ ءتوراعاسى ميچەلمەن جانە ەۆروپا وداعى كوميتەتىنىڭ ءتوراعاسى ۆوندەرلەيەنمەن كەزدەستى
2023.12.08 16:24 كەلۋ قاينارى : حالىق تورابى
 |
12 - ايدىڭ 7 - كۇنى مەملەكەت ءتوراعاسى شي جينپيڭ بەيجيڭدەگى دياۋيۇيتاي مەملەكەتتىك قوناق ۇيىندە جۇڭگوعا 24 - رەتكى جۇڭگو - ەۆروپا وداعى باسشىلارىنىڭ ديدارلاسۋىن وتكىزۋگە كەلگەن ەۆروپا القالار كەڭەسىنىڭ ءتوراعاسى ميچەلمەن جانە ەۆروپا وداعى كوميتەتىنىڭ ءتوراعاسى ۆوندەرلەيەنمەن كەزدەستى.
سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن
|
شينحۋا اگەنتتىگى، 12 - ايدىڭ 7 - كۇنى، بەيجيڭ (ءتىلشى جىڭ ميڭدا). 12 - ايدىڭ 7 - كۇنى مەملەكەت ءتوراعاسى شي جينپيڭ دياۋيۇيتاي مەملەكەتتىك قوناق ۇيىندە جۇڭگوعا 24 - رەتكى جۇڭگو - ەۆروپا وداعى باسشىلارىنىڭ ديدارلاسۋىن وتكىزۋگە كەلگەن ەۆروپا القالار كەڭەسىنىڭ ءتوراعاسى ميچەلمەن جانە ەۆروپا وداعى كوميتەتىنىڭ ءتوراعاسى ۆوندەرلەيەنمەن كەزدەستى.
شي جينپيڭ بىلاي دەپ اتاپ كورسەتتى: بىلتىر جىل سوڭىنان بەرى جۇڭگو - ەۆروپا قارىم - قاتىناسىندا بەكەمدەلگەن، دامىعان تاماشا جاعداي جارىققا شىعىپ، ستراتەگيالىق، ەكونوميكا - ساۋدا، جاسىل، سيفرلى سالالارداعى جوعارى جىكتەگىلەردىڭ تىلدەسۋى مول تابىستارعا قول جەتكىزدى، بۇل ەكى جاقتىڭ مۇددەسى مەن حالىقتىڭ تىلەگىنە ۇيلەسەدى. جۇڭگو مەن ەۆروپا − كوپ ۇيەكتەنۋدى ىلگەرىلەتەتىن ەكى ۇلكەن كۇش، جاھاندانۋدى قولدايتىن ەكى ۇلكەن بازار، الۋان تۇرلىلىكتى دارىپتەيتىن ەكى ۇلكەن وركەنيەت، قازىرگى اۋمالى - توكپەلى حالىقارالىق جاعدايدا، جۇڭگو - ەۆروپا قارىم - قاتىناسى ستراتەگيالىق مانگە جانە دۇنيە ءجۇزىنىڭ ىقپالىنا يە، دۇنيە ءجۇزىنىڭ بەيبىتشىلىگىنە، ورنىقتىلىعىنا، گۇلدەنۋىنە سايادى. ەكى جاق دۇنيە جۇزىنە اناعۇرلىم كوپ ورنىقتىلىق، دامۋعا اناعۇرلىم كوپ قوزعاۋشى كۇش ازىرلەۋگە مىندەتتى.
شي جينپيڭ بىلاي دەپ دارىپتەدى: بيىل − جۇڭگونىڭ ەۆروپا وداعىمەن جالپى بەتتىك ستراتەگيالىق سەرىكتەستىك قارىم - قاتىناس ورناتقانىنىڭ 20 جىلدىعى. ەكى جاق تاريحي تاجىريبەلەردى قورىتىندىلاپ، دۇنيە ءجۇزىنىڭ جالپى اۋقىمىن يگەرىپ، جالپى بەتتىك ستراتەگيالىق سەرىكتەستىك قارىم - قاتىناستىڭ دۇرىس ورنىندا تاباندى بولۋى كەرەك. ەكى جاق ساياسي نەگىزدى بەكەمدەپ، ءبىر - بىرىنە ستراتەگيالىق كوز ايامەن قاراۋدا تاباندى بولىپ، باسشىلار كەزدەسۋى مەن 5 ۇلكەن جوعارى جىكتەگىلەردىڭ تىلدەسۋىنىڭ جەتەكشىلىك رولىن ويداعىداي ساۋلەلەندىرىپ، ستراتەگيالىق تىلدەسۋدى كۇشەيتىپ، سىندارلى پىكىرلەسۋ ارقىلى ءتۇسىنىسۋدى كۇشەيتىپ، الاۋىزدىقتاردى ۇيلەسىمدى ءبىر جاقتى ەتۋى كەرەك. ەكى جاق دۇرىس تانىم ورناتىپ، تۇسىنىستىكتى، ءوزارا سەنىمدىلىكتى كۇشەيتىپ، سەنىمدىلىككە ءمان بەرىپ، ءبىر نيەت، ءبىر تىلەكپەن قارىم - قاتىناستى دامىتۋى كەرەك، ءتۇزىمنىڭ ۇقساماۋىنا بولا ءبىرىن - ءبىرى قارسىلاس دەپ قاراۋعا بولمايدى، باسەكە جارىققا شىققانىنا بولا سەلبەستىكتى ازايتۋعا بولمايدى، الاۋىزدىق ءومىر ءسۇرىپ وتىرعانىنا بولا قارسىلاسۋعا بولمايدى. جۇڭگو - ەۆروپا ەكونوميكاسى جوعارى دارەجەدە ءوزارا تولىقتاۋ سيپاتىنا يە، ەكى جاق كوبىرەك قوسۋ ءادىسىن قولدانىپ، اناعۇرلىم تەرەڭ، اناعۇرلىم كەڭ كولەمدى سەلبەستىك ارقىلى جۇڭگو - ەۆروپا مۇددە ورتاق تۇلعاسىنىڭ دانەكەرىن نىعايتۋى كەرەك. جۇڭگو ەكونوميكاسىنىڭ ارتۋى ورنىقتىلىق بارىسىندا جاقسارۋ جاعدايىن ساقتادى. جۇڭگو ساپالى دامۋ مەن جوعارى دەڭگەيدە ەسىك اشۋدى ىلگەرىلەتۋدە، ەۆروپا وداعىن ەكونوميكا - ساۋدا سەلبەستىگىنىڭ شەشۋشى سەرىگى، عىلىم - تەحنيكا سەلبەستىگىنىڭ الدىمەن ەسكەرىلەتىن سەرىگى، كاسىپ تىزبەگى مەن قامداۋ تىزبەگى سەلبەستىگىنىڭ سەنىمدى سەرىگى ەتىپ، ءوزارا پايدا جەتكىزىپ، تەڭ يگىلىككە كەنەلۋگە تالپىنىپ، بىرگە دامۋدى جۇزەگە اسىرۋدى قالايدى. ەكى جاق بازار، كاپيتال، تەحنيكا ابزالدىقتارىمەن ءبىرىن - ءبىرى تولىقتاۋدى كۇشەيتىپ، ءداستۇرلى كاسىپ سالالارىنىڭ دارەجەسىن جوعارىلاتۋدى جانە جاڭادان گۇلدەنگەن كاسىپ سالالارىنىڭ دامۋىن ىلگەرىلەتىپ، سەلبەستىكتىڭ جاڭا ۇلگىسى جونىندە ىزدەنىس جاساپ، جاڭا ارتۋ تۇيىندەرىن قالىپتاستىرىپ، كاسىپ تىزبەگىن، قامداۋ تىزبەگىن كۇش بىرىكتىرە كەمەلدەندىرۋى كەرەك. ەكى جاق گۋمانيتارلىق اۋىس - كۇيىستى كۇشەيتىپ، ادامداردىڭ بارىس - كەلىسىنە قولايلىلىق جاساۋى كەرەك.
شي جينپيڭ بىلاي دەپ دارىپتەدى: جۇڭگو ۇلگىسىندەگى وسىزامانداندىرۋ مەن ەۆروپانىڭ ءبىر تۇلعالانۋى − جۇڭگو مەن ەۆروپانىڭ بولاشاقتى كوزدە ۇستاي وتىرىپ جاساعان ستراتەگيالىق تالعامى، جۇڭگو مەن ەۆروپا ءوزارا قۇرمەت ەتىپ، ءبىرىن - ءبىرى قولداپ، دامۋ ستراتەگياسىن ۇشتاستىرۋدى كۇشەيتىپ، بىرگە دامۋدى جۇزەگە اسىرۋى كەرەك. ”ءبىر بەلدەۋ، ءبىر جولدى“ بىرگە قۇرۋ باستاماسى اشىق تۇعىر بولىپ، دۇنيە جۇزىندەگى 150 دەن استام مەملەكەت پەن حالىققا ناقتى پايدا جەتكىزدى. باسقالارعا روزا گۇلىن ۇسىنعاندا، قولىمىزدا حوش ءيىسى قالادى. جۇڭگو جاق ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدى ۇزدىكسىز ىلگەرىلەتىپ، ەۆروپا وداعىنىڭ ”دۇنيە جۇزىلىك قاقپا“ جوسپارىمەن ۇشتاسۋدى قامتي وتىرىپ، وركەندەپ كەلە جاتقان ەلدەردىڭ جەدەل دامۋىنا بىرگە كومەكتەسۋدى قالايدى. ەكى جاق بىرلەسكەن مەملەكەتتەر ۇيىمى، 20 ەل توبى سياقتى كوپ جاقتى جۇلگەدە قارىم - قاتىناس پەن سايكەسۋدى كۇشەيتىپ، كوپ جاقتىلىقتا تاباندى بولىپ، توپ قۇرىپ قارسىلاسۋعا قارسى تۇرىپ، حالىقارالىق جانە وڭىرلىك قولامتالى ماسەلەلەردى ساياسي جولمەن شەشۋدى ىلگەرىلەتىپ، جاساندى زەردە سياقتى ادامزاتتىڭ بولاشاعىنا ساياتىن كەلەلى ماسەلەلەر جونىندە پىكىرلەسىپ جانە سەلبەستىك جاساپ، بۇكىل ادامزاتتىڭ ىرىس – قۇتىن ارتتىرۋعا، دۇنيە جۇزىلىك سىن - سايىسقا توتەپ بەرۋگە ۇلەس قوسۋى كەرەك.
ميچەل مەن ۆوندەرلەيەن مىنالاردى ءبىلدىردى: ەۆروپا وداعى مەن جۇڭگو − دۇنيە جۇزىندەگى ەكى ۇلكەن كۇش، ءوزارا ماڭىزدى ەكونوميكا - ساۋدا سەرىگى، سەلبەستىك سالاسى كۇن سايىن كەڭەيۋدە. ەۆروپا مەن جۇڭگونىڭ سەلبەستىگى تەڭدىك نەگىزىندە جۇرگىزىلۋدە، ەۆروپا مەن جۇڭگونىڭ قارىم - قاتىناسىن ويداعىداي باسقارۋ، ويداعىداي دامىتۋ ەكى جاق حالىقتارىنىڭ مۇددەسىنە تىكەلەي سايادى، دۇنيە ءجۇزىنىڭ گۇلدەنۋى مەن حاۋىپسىزدىگىنە دە سايادى. ەۆروپا جاق جۇڭگومەن قارىم - قاتىناسىنا ايرىقشا ءمان بەرەدى، جۇڭگودان قول ءۇزۋدى قالامايدى، جۇڭگومەن ۇزاق ۋاقىت ورنىقتى، مەجەلەۋگە بولاتىن، باياندى داميتىن قارىم - قاتىناستى دامىتۋدى ءۇمىت ەتەدى، وسى رەتكى ەۆروپا - جۇڭگو باسشىلارىنىڭ ديدارلاسۋى ارقىلى بولاشاقتاعى ەۆروپا - جۇڭگو قارىم - قاتىناسىنىڭ دامۋىنا تىڭ قوزعاۋشى كۇش قوسۋدى ءۇمىت ەتەمىز. ەۆروپا جاق بيىل جىل باسىنان بەرگى ەۆروپا مەن جۇڭگونىڭ ءار سالاداعى جوعارى جىكتەگىلەرىنىڭ تىلدەسۋ جەتىستىكتەرىنە قۋانادى، جۇڭگو ەكونوميكاسىنىڭ ۇزاق ۋاقىت ورنىقتى دامۋى ەۆروپانىڭ مۇددەسىنە ۇيلەسەدى دەپ قارايدى، ەكى جاقتىڭ ەكونوميكا - ساۋدا، جاسىل، سيفرلى سياقتى سالالارداعى تىلدەسۋ مەن سەلبەستىكتى ۇزدىكسىز كۇشەيتىپ، قامداۋ تىزبەگىنىڭ، كاسىپ تىزبەگىنىڭ ورنىقتىلىعى مەن حاۋىپسىزدىگىن بىرگە قۇلشىنا قورعاۋىن، سونداي - اق كليمات وزگەرىسى، جاساندى زەردە سياقتى ادامزاتتىڭ بولاشاعىنا ساياتىن كەلەلى دۇنيە جۇزىلىك ماسەلەلەر جونىندە تىلدەسۋدى كۇشەيتىپ، سەلبەستىك قاراستىرۋىن ءۇمىت ەتەمىز. ەۆروپا وداعى ءبىر جۇڭگو ساياساتىن اتقارۋدا تاباندى بولادى. ەۆروپا جاق جۇڭگو جاقپەن ءوزارا قۇرمەت ەتۋ، اشىق، بۇكپەسىز بولۋ پوزيتسياسىمەن الاۋىزدىق ماسەلەلەرى جونىندە پىكىرلەسۋدى كۇشەيتىپ، تۇسىنىكتى تەرەڭدەتۋدى قالايدى. ەۆروپا مەن جۇڭگو دۇنيە ءجۇزىنىڭ بەيبىتشىلىگى مەن ورنىقتىلىعى جونىنەن ورتاق جاۋاپكەرلىك ارقالايدى، ورتاق مۇددەگە يە. ەۆروپا وداعى جۇڭگومەن تىعىز بايلانىس جاساپ، سەلبەسىپ، كوپ جاقتىلىقتى قورعاپ، بىرلەسكەن مەملەكەتتەر ۇيىمى ەرەجەسىنىڭ ماقساتى مەن پرينسيبىن قورعاپ، ۋكراينا، ورتا شىعىس سياقتى وڭىرلەردەگى قولامتالى ماسەلەلەردى شەشۋدى ىلگەرىلەتۋدى قالايدى.
ۋاڭ ي كەزدەسۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
