التاي قايتالاپ بارۋعا تاتيتىن جەر ەكەن
− شەتەل مەديالارى ۇيىرمەسى جۇڭگو قار قالاسىنىڭ تارتىمدىلىعىن سەزىندى
□ انار بۇلت \ شينجياڭ گازەتىنىڭ تىلشىلەرى سۇڭ حايبو، ارمان رازاق
2023.12.08 15:11 كەلۋ قاينارى : شينجياڭ گازەتى
12 - ايدىڭ 5 - كۇنى ”ورتا ازيا + رەسەي مەديالارى تىلشىلىك ۇيىرمەسى“ ىلگەرىندى - كەيىندى جۇڭگو شينجياڭ التاي قالاسىنىڭ گەنەرال تاۋى حالىقارالىق شاڭعى تەبۋ دەمالىس اۋماعىن، ۋبايلي سالت - سانا كوشەسىندەگى جاقۇت سۋرەت شەبەرحاناسىن ارالاپ، شۋەدۋ الەۋمەتتىك اۋماعىندا دومبىرا كونسەرتىن تاماشالاپ، التايدىڭ تابيعات كورىنىسى مەن مادەنيەت ەرەكشەلىگىن ىشكەرىلەي تانىپ، قار قالاسىنىڭ تارتىمدىلىعىن سەزىندى.
مەديالار تىلشىلىك ۇيىرمەسىندەگىلەر الدىمەن بۇكىل ەل بويىنشا قالامەن تۇتاسىپ جاتقان بىردەن - ءبىر تاۋ شاڭعى الاڭى − گەنەرال تاۋى شاڭعى الاڭىنا باردى، بۇل ارادا ونداعان شاڭعى جولى قۇرىلعان، كەمەلدى نەگىزدىك قۇرىلعىلارى جانە وزىق شاڭعى جابدىقتارى بار. مەديالار تىلشىلىك ۇيىرمەسىندەگىلەر شاڭعى قىزىعىنا باتۋمەن بىرگە، بايىرعى تەرى شاڭعى ويىندارىن كورسەتۋ اترەتىنىڭ كونسەرتىن دە تاماشالادى. قازاقستان «بۇگىنگى جىبەك جولى گازەتىنىڭ» ورىس ءتىلى رەداكتورى رىۋالي بۋدۋكوۆ: ”تەرى شاڭعى − سپورت قانا ەمەس ءارى مادەنيەتتىڭ جالعاسۋى. سپورتشىلاردىڭ تەرى كيىمى مەن شاڭعى ونەرى ولاردىڭ وسى سپورتقا دەگەن ماحابباتى مەن قۇرمەتىن كورسەتەدى“، - دەدى.
”جۇڭگونىڭ شينجياڭىنا العاش رەت كەلۋىم، بۇل ارانىڭ قار - مۇز ساياحاتىنىڭ مۇنداي دۋماندى بولارىن ويلاماعان ەكەنمىن، شاڭعى الاڭىنىڭ قۇرىلىسى وتە وزىق، باعاسى ءتيىمدى، قىزمەت كورسەتۋى كەمەلدى ەكەن“. وزبەكستان مەملەكەتتىك تەلەۆيزياسىنىڭ ءتىلشىسى راحمەتلا قۇدىرەتوۆ التايدىڭ قار - مۇز بايلىعى مەن ساياحات بايلىعىنىڭ وزىنە تەرەڭ اسەر قالدىرعاندىعىن، ەلىنە قايتىپ بارعاننان كەيىن قىزمەتتەستەرى مەن دوستارىنا شينجياڭنىڭ قار - مۇز ساياحات جەلىسىن تانىستىراتىندىعىن ايتتى.
وسىدان سوڭ مەديالار تىلشىلىك ۇيىرمەسىندەگىلەر التاي قالاسىنىڭ ۋبايلي سالت - سانا كوشەسىندە جاقۇت سۋرەت شەبەرحاناسىن ەكسكۋرسيالاپ، ءتۇرلى تاقىرىپتاعى جاقۇت سۋرەت تۋىندىلارىن تاماشالادى. جاقۇت سۋرەتتەرى تابيعي جاقۇتتان جانە مينەرالدان جاسالعان، ءتۇسى ايقىن، مايدا، جارقىراعان ادەمى بولۋداي ەرەكشەلىككە يە. قازاقستان حالىقارالىق اقپارات اگەنتتىگىنىڭ ءتىلشىسى ءاليما مۇقانوۆا ”وتە ادەمى، كەلەر جولى شينجياڭعا كەلگەندە ۇستازدان جاقۇت سۋرەتىن سالۋدى ۇيرەنۋگە ۋادەلەسىپ قويدىق“، - دەدى.
مەديالار ۋاكىلدەر ۇيىرمەسى التاي قالاسى شاشۋ جولى ءمالىسى شۋەدۋ الەۋمەتتىك اۋماعىنا دا بارىپ، دومبىرا كونسەرتىن تاماشالادى، كوپشىلىك كۇي ىرعاعىمەن تەربەلدى. دومبىرا − ءداستۇرلى ىشەكتى مۋزيكا اسپابى، مويىن، ەكى ىشەك، ءبىر شاناقتان قۇرالعان، اۋەنى قۇلاقتان كىرىپ بويدى الادى.
”دومبىرامەن ورىندالعان ءاندى ەستىپ تەبىرەندىم، ول ادامداردىڭ باقىتتى تۇرمىستاعى ىشكى سەزىمىن جەتكىزدى“. قىرعىزستان مەملەكەتتىك حابار اگەنتتىگى حالىقارالىق ءبولىمىنىڭ مەڭگەرۋشىسى نۇرجان قاسىماليەۆا ءوزىنىڭ دومبىرامەن ءان ايتۋ ونەرىنە توتەنشە قىزىعاتىندىعىن، حابارلاۋ ارقىلى جۇڭگونىڭ ەرەكشە تارتىمدى وسى حالىقتىق مۋزيكا ونەرىن اناعۇرلىم كوپ ادامنىڭ بىلۋىنە مۇمكىندىك جاسايتىندىعىن ايتتى.
مەديالار ۋاكىلدەر ۇيىرمەسىندەگىلەر مىنانى ءبىلدىردى: التاي ايماعى كورىكتى قار - مۇزى، تاماشا مادەنيەتى بار، قايتالاپ بارۋعا تاتيتىن ساياحات كوزەۋلى جەرى ەكەن.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
