شينجياڭ كۇنيۇي قالاسى دۇنيە جۇزىلىك قونىستانۋ ورتاسىن باعالاۋداعى ”نوبەل سيلىعىنا“ يە بولدى
2023.12.06 16:31 كەلۋ قاينارى : حالىق تورابى
تيانشان تورابىنىڭ، شينجياڭ گازەتىنىڭ ءتىلشىسى يان شياۋتيان حابارلايدى. 12 - ايدىڭ 3 - كۇنى، دۇنيە جۇزىلىك 18 - كەزەكتى قونىستانۋ ورتاسى تالقى مىنبەرىنىڭ جىلدىق جينالىسىندا (GFHS 2023)، شينجياڭ كۇنيۇي قالاسى يۇيچۋان قالاشىعى لايسۋ ۇزاق عۇمىر سۇرۋشىلەر قىستاعى ”دۇنيە ءجۇزى بويىنشا قونىستانۋ ورتاسى جاعىنداعى ۇلگى قىستاق“ سيلىعىنا داڭقپەن يە بولدى، شينجياڭ كۇنيۇي قالاسى كۇنمۋ قالاشىعى كۇنلۇن تاۋى اڭعارى ساياحات رايونى ”دۇنيە ءجۇزى بويىنشا تومەن كومىرتەكتى ەكولوگيالىق كورىنىس رايونى“ سيلىعىنا يە بولدى. مۇندا، شينجياڭ كۇنيۇي قالاسى يۇيچۋان قالاشىعى لايسۋ ۇزاق عۇمىر سۇرۋشىلەر قىستاعى 2023 - جىلى دۇنيە ءجۇزى بويىنشا وسى سيلىققا يە بولعان بىردەن - ءبىر قىستاق.
2023 - جىلعى باياندى دامىعان قالالار جانە قونىستانۋ ورتاسى سيلىعىن باعالاۋعا دۇنيە ءجۇزى بويىنشا 500 دەن استام ورىن مەن جەكە تىزىمدەلگەن، 17 ورىن مەن جەكە سيلىققا يە بولعان.
ۇعىسۋعا قاراعاندا، دۇنيە جۇزىلىك قونىستانۋ ورتاسى تالقى مىنبەرى (GFHS) — بەي ۇكىمەتتىك، تابىس تابۋدى كوزدەمەيتىن حالىقارالىق ۇيىم. دۇنيە جۇزىلىك قونىستانۋ ورتاسى تالقى مىنبەرى ”باياندى دامىعان قالالار جانە قونىستانۋ ورتاسى سيلىعى“ بويىنشا توعىز ءتۇرلى سيلىقتى بەلگىلەگەن، ”دۇنيە ءجۇزى بويىنشا قونىستانۋ ورتاسى جاعىنداعى ۇلگى قىستاق“، ”دۇنيە ءجۇزى بويىنشا تومەن كومىرتەكتى ەكولوگيالىق كورىنىس رايونى“ سيلىقتارى وسى توعىز سيلىقتىڭ قۇرامىنداعى سيلىقتار سانالادى. دۇنيە ءجۇزى بويىنشا قونىستانۋ ورتاسى جاعىنداعى ءىرى سيلىقتاردىڭ ءبىرى، دەربەستىگى، بەدەلدىلىگى جانە ولشەمىنىڭ قاتاڭدىعى جۇرتقا ايگىلى، ”دۇنيە جۇزىلىك قونىستانۋ ورتاسى جاعىنداعى نوبەل سيلىعى“ دەگەن داڭقتى اتقا يە.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
