شي جينپيڭ ”پالەستينا حالقىنا مەدەت بەرۋ حالىقارالىق كۇنىن“ اتاپ ءوتۋ جينالىسىنا قۇتتىقتاۋ تەلەگرامماسىن جولدادى
2023.12.01 15:23 كەلۋ قاينارى : حالىق تورابى
شينحۋا اگەنتتىگى، 11 - ايدىڭ 30 - كۇنى، بەيجيڭ. 11 - ايدىڭ 29 - كۇنى بىرلەسكەن مەملەكەتتەر ۇيىمى ”پالەستينا حالقىنا مەدەت بەرۋ حالىقارالىق كۇنىن“ اتاپ ءوتۋ جينالىسىن وتكىزدى، مەملەكەت ءتوراعاسى شي جينپيڭ جينالىسقا قۇتتىقتاۋ تەلەگرامماسىن جولدادى.
شي جينپيڭ بىلاي دەپ اتاپ كورسەتتى: پالەستينا ماسەلەسى − ورتا شىعىس ماسەلەسىنىڭ وزەگى، حالىقارالىق ادىلدىك پەن ادىلەتتىلىككە سايادى. پالەستينا مەن يزرايلدىڭ قاقتىعىسىنىڭ ءتۇيىنى پالەستين حالقىنىڭ دەربەس مەملەكەت قۇرۋ سىندى زاڭدى ۇلتتىق ۇقىعىن جۇزەگە اسىرا الماۋدا. پالەستينا مەن يزرايلدىڭ قاقتىعىسى قايتالانا بەرۋ سىندى اشتى ساباقتار ورتاق حاۋىپسىزدىك ۇستانىمىن ۇستانعاندا عانا باياندى حاۋىپسىزدىكتى جۇزەگە اسىرۋعا بولاتىنىن تولىق ءتۇسىندىردى. حالىقارالىق قوعام، ءسوز جوق، شۇعىل اتتانىسقا كەلۋى كەرەك، بىرلەسكەن مەملەكەتتەر ۇيىمى حاۋىپسىزدىك القالار كەڭەسى جاۋاپكەرلىكتى شىنايى ارقالاپ، سوعىستى توقتاتۋدى بار كۇشپەن ىلگەرىلەتىپ، جاي حالىقتىڭ حاۋىپسىزدىگىن قورعاپ، ادامگەرشىلىك سيپاتتى اپاتتى تەجەۋى كەرەك. وسى نەگىزدە پالەستينا مەن يزرايلدىڭ بەيبىتشىلىك كەلىسسوزىن تەز ارادا قايتا باستاپ، پالەستينا حالقىنىڭ مەملەكەت قۇرۋ ۇقىعىن، ءومىر ءسۇرۋ ۇقىعىن، قايتا ورالۋ ۇقىعىن ەرتەرەك جۇزەگە اسىرۋ كەرەك.
شي جينپيڭ بىلاي دەپ دارىپتەدى: جۇڭگو پالەستينا حالقىنىڭ ۇلتتىڭ زاڭدى ۇقىعىن قالپىنا كەلتىرۋ سىندى ادىلەتتى ءىسىن ەجەلدەن باتىل قولداپ كەلەدى. پالەستينا ماسەلەسىن شەشۋدىڭ ءتۇبىرلى شىعار جولى − 1967 - جىلعى شەكارانى نەگىز، شىعىس يەرۋساليمدى استانا ەتكەن، تولىق يەلىك ۇقىقتان يگىلىكتەنەتىن دەربەس پالەستينا مەملەكەتىن قۇرۋ. پالەستينانىڭ ەكونوميكالىق، حالىق تۇرمىسى سۇرانىسى قامتاماسىز ەتىلۋى، حالىقارالىق قوعام پالەستينانىڭ دامۋىنا كومەكتەسۋدى جانە ادامگەرشىلىك كومەكتى كۇشەيتۋى كەرەك. بەيبىتشىلىك كەلىسسوزىنىڭ دۇرىس بەتالىسىندا تاباندى بولىپ، اناعۇرلىم بەدەلدى حالىقارالىق بەيبىتشىلىك جينالىسىن تەز ارادا اشۋ كەرەك. جۇڭگو دۇنيە جۇزىلىك حاۋىپسىزدىك باستاماسىن العا قويىپ، مەملەكەتتەر اراسىنداعى الاۋىزدىقتار مەن تالاس - تارتىستى پىكىرلەسۋ، كەڭەسۋ ارقىلى شەشۋدى دارىپتەپ، داعدارىستى بەيبىت جولمەن شەشۋگە ءتيىمدى بارلىق قۇلشىنىستى قولدايدى. جۇڭگو پالەستينا ماسەلەسىندە ادىلدىك پەن ادىلەتتىلىكتى ۇزدىكسىز ۇستانىپ، تاتۋلىققا بەلسەنە ءناسيحاتتاپ، كەلىسسوزدى جەبەپ، پالەستيناعا بۇرىنعىداي ادامگەرشىلىك جانە دامۋ سياقتى كومەك كورسەتەدى. بىرلەسكەن مەملەكەتتەر ۇيىمى حاۋىپسىزدىك القالار كەڭەسىنىڭ تۇراقتى القا ەلى رەتىندە جۇڭگو ۇزدىكسىز حالىقارالىق قوعاممەن بىرگە قۇلشىنىپ، حالىقارالىق جەبەۋ مەن ورتاق تانىمدى ۇيىستىرىپ، پالەستينا ماسەلەسىنىڭ ”ەكى ەل جوباسىنىڭ“ دۇرىس ارناسىنا ءتۇسىپ، ەرتەرەك جان - جاقتى، ءادىل، باياندى شەشىلۋىن ىلگەرىلەتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
