اۆتونوميالى رايوننىڭ ءوندىرىس حاۋىپسىزدىگى جونىندەگى تەلەۆيزور - تەلەفون ءماجىلىسى اشىلدى
ەلەۋلى حاۋىپسىزدىك حاۋىپ - قاتەرىنەن تاباندىلىقپەن باتىل ساقتانۋ كەرەك
2023.12.01 14:34 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى لي ياڭ 11 - ايدىڭ 29 - كۇنى ۇرىمجىدەن حابارلايدى. 11 - ايدىڭ 29 - كۇنى تۇستەن بۇرىن مەملەكەتتىك ءوندىرىس حاۋىپسىزدىگى جونىندەگى تەلەۆيزور - تەلەفون ماجىلىسىنەن كەيىن، اۆتونوميالى رايوننىڭ ءوندىرىس حاۋىپسىزدىگى جونىندەگى تەلەۆيزور - تەلەفون ءماجىلىسى اشىلدى، ءماجىلىس مەملەكەتتىك ءماجىلىستىڭ رۋحىن دايەكتىلەندىردى، تياناقتاندىردى، اۆتونوميالى رايوندىق پارتكومنىڭ تالابىن تياناقتاندىرىپ، تاياۋ مەزگىلدەن بەرگى مەملەكەتتەگى ءوندىرىس حاۋىپسىزدىگى شىرعالاڭدارىنان تەرەڭ ساباق الىپ، رايونىمىز ءوندىرىس حاۋىپسىزدىگىنىڭ كەزەكتە ءدوپ كەلىپ وتىرعان جاعدايىنا جانە ماسەلەلەرىنە ىشكەرىلەي تالداۋ جاسادى، جىل سوڭى مەن جاڭا جىلدىڭ باسىنداعى ءتۇيىندى قىزمەتتەردى ورنالاستىردى، ەلەۋلى حاۋىپسىزدىك حاۋىپ - قاتەرىنەن تاباندىلىقپەن باتىل ساقتانىپ، ەلەۋلى حاۋىپسىزدىك كومەسكى قاتەرلەرىن وڭاپ، اۋىر، ەرەكشە اۋىر شىرعالاڭداردى تىزگىندەپ، بۇكىل رايوننىڭ حاۋىپسىزدىك جاعدايىنىڭ ورنىقتىلىعىنا شىنايى كەپىلدىك ەتۋدى العا قويدى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ماجىلىسكە قاتىناستى ءارى ءسوز سويلەدى.
ءماجىلىس مىنالاردى اتاپ كورسەتتى: قازىر بيىلعى جىلدىڭ سوڭعى كەزەڭىنە وتتىك، كاسىپورىنداردىڭ قۇرىلىس ۋاقىتىن ۇتىپ، قارقىندى تەزدەتىپ، ونىمدىلىكتى ارتتىرۋ تىلەگى كۇشتى، ءوندىرىس حاۋىپسىزدىگىنە ىقپال جەتكىزەتىن ءتيىمسىز فاكتورلار كوبەيدى. جەر - جەر، تاراۋلار ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ەكىنى قورعاۋدى“ باتىل ورىنداپ، باس شۋجي شي جينپيڭنىڭ ماڭىزدى نۇسقاۋىنىڭ رۋحىن مۇقيات ۇيرەنىپ، دايەكتىلەندىرىپ، ”حاۋىپ - قاتەر جانىمىزدا، ساباق كوز الدا“ تانىمىن قاشاندا بەرىك ورناتىپ، ايرىقشا جاۋاپتى بولۋ رۋحىمەن ءوندىرىس حاۋىپسىزدىگى قىزمەتىن ويداعىداي يگەرىپ، جوعارى دەڭگەيدەگى حاۋىپسىزدىك ارقىلى جوعارى ساپالى دامۋعا قىزمەت وتەۋ كەرەك.
ءماجىلىس مىنالاردى باسا دارىپتەدى: ماسەلەنى باعدار ەتۋگە تاباندى بولىپ، ءتۇيىندى كاسىپتەردەگى، سالالارداعى حاۋىپسىزدىكتى باقىلاۋ - باسقارۋدى كۇشەيتىپ، بۇكىل رايونداعى ءوندىرىس حاۋىپسىزدىگى جاعدايىنىڭ ورنىقتى تۇردە جاقسارۋىن ىلگەرىلەتۋ كەرەك. مەملەكەتتىك كەڭەس ءوندىرىس حاۋىپسىزدىگى كوميتەتىنىڭ ورنالاستىرۋ تالابى بويىنشا، رەتتەۋ - تۇزەتۋ قىزمەتىنە ”ءبىرىنشى باسشى“ جاۋاپتى بولۋ ءتۇزىمىن قاتاڭ تياناقتاندىرىپ، كاسىپتىك قابىلەت پەن رەتتەۋ - تۇزەتۋ ساپاسىن جوعارىلاتىپ، ەلەۋلى كومەسكى قاتەرلەردى رەتتەپ - تۇزەتىپ نولگە ءتۇسىرۋدى بار كۇشپەن ىلگەرىلەتۋ كەرەك. بەلگىلەنگەن مەرزىمدە ورنالاستىرۋ، تۇجىرىمداۋ مەحانيزمىن، كەشەندى تەكسەرۋ مەحانيزمىن تياناقتاندىرىپ، ءتۇرلى قىزمەت شارالارىنىڭ ەڭ كىشكەنە بۋىنعا دەيىن تياناقتانۋىن ىلگەرىلەتۋ كەرەك. زاۆود - كەن كاسىپورىندارىنداعى ادام شوعىرلى ورىنداردى ءتۇيىندى باقىلاۋ - باسقارۋعا الىپ، قىس ماۋسىمىندا ءجيى تۋىلاتىن بەلگىلەمەگە قايشىلىق جاساپ قۋاتى ۇلكەن جىلىنۋ جابدىقتارىن قولدانۋ، ەلەكتر جولىنىڭ كوتەرىمدىلىگى ارتۋ، ءتۇستى بولات تاقتايدان سالۋ، وڭاي جاناتىن، جانعىش ماتەريالدارمەن اشەكەيلەۋ، اسەمدەۋ سياقتى كورنەكتى ماسەلەلەرگە مەڭزەس شوعىرلى رەتتەۋ - وڭاۋ جۇرگىزىپ، قوعامدانعان تاسىلدەن جانە مەديا تۇعىرىنان پايدالانىپ، ءورت اپاتى كومەسكى قاتەرىن جانە ءورت ءسوندىرۋ، ورتتەن ساقتانۋ حاۋىپسىزدىگىندەگى زاڭعا قايشى ارەكەتتەردى اشكەرەلەپ، بۇقارانىڭ ورتتەن ساقتانۋ حاۋىپسىزدىك تانىمىن جانە جان ساۋعالاپ ءوزىن قۇتقارۋ قابىلەتىن كۇشەيتۋ كەرەك. كەندەردىڭ حاۋىپسىزدىگىن باقىلاۋ - باسقارۋدى شىنايى كۇشەيتىپ، ءارقايسى كەن كاسىپورىندارىنىڭ ءوندىرىس حاۋىپسىزدىگىندەگى شىنايى جاعدايدى دالمە - ءدال يگەرىپ، ”ءبىر كاسىپورىنعا ءبىر شارا“ ارقىلى كۇشتەپ رەتتەپ - وڭاپ، زاڭسىز ارەكەتتەرگە سوققى بەرەتىن، زاڭعا قايشى ارەكەتتەردى جونگە سالاتىن تەگەۋرىندى كۇيدى ساقتاپ، كەندەردىڭ ماندىك حاۋىپسىزدىك دەڭگەيىنىڭ ءونىمدى جوعارىلاۋىنا شىنايى كەپىلدىك ەتۋ كەرەك. بىرەۋى ارقىلى وزگەسىن تۇسپالداۋعا تاباندى بولىپ، ”ەكى ءتۇرلى جولاۋشىلار اۆتوبۋزى، قاتەرلى زاتتاردى تاسيتىن اۆتوموبيل“ سىندى ءتۇيىندى اۆتوكولىكتەردى تەكسەرۋ شاراسىن قاتاڭ تياناقتاندىرىپ، قاتەرلى حيميالىق بۇيىمدار سالاسىنداعى ىركىندى قاتەرىن ىرىقتىلىقپەن جويىپ، قۇرىلىس، ەرەكشە جابدىق، ساياحات، تەمىر جول، حالىقتىق ىستەرگە پايدالانىلاتىن جارىلعىش زاتتار، حالىقتىق اۆياتسيا، ونەركاسىپ - ساۋدا سياقتى ءتۇيىندى كاسىپتەردەگى، سالالارداعى كومەسكى قاتەرلەردى تەكسەرۋدى، رەتتەۋدى، وڭاۋدى كۇشەيتىپ، حاۋىپسىزدىكتى باقىلاۋ - باسقارۋدا زاڭ اتقارۋ سەرپىنىن ارتتىرىپ، زاڭعا قايشى، ەرەجەگە قايشى جايتتەردى تەگەۋرىندى تۇردە قاتاڭ باسقارۋ كەرەك. شايقاسقا ساقاداي ساي تۇرۋ كۇيىن ساقتاپ، جەر سىلكىنىسى، تەمپەراتۋرانىڭ كۇرت سۋىتۋى، قالىڭ قار، داۋىل سياقتى اپاتتاردى جانە ەرەكشە ناشار اۋا رايىن باقىلاۋ - ولشەۋدى، ساقتاندىرۋدى كۇشەيتىپ، شۇعىل جاعدايعا توتەپ بەرۋدىڭ ءتۇرلى مەجە جوبالارىن، ساقتانۋ شارالارىن كەمەلدەندىرىپ، شۇعىل جاعدايعا توتەپ بەرۋ كەرەك - جاراقتارىن، قۇتقارۋ - كومەكتەسۋ جابدىقتارىن تولىق، جەتكىلىكتى دايىنداپ، اپاتتان ساقتانۋ، اپات زيانىن ازايتۋ، اپاتتان قۇتقارۋ جانە تۇتقيىل تۋىلعان الەۋمەتتىك حاۋىپسىزدىك ۋاقيعالارىن ءبىر جاقتى ەتۋ قابىلەتىن جوعارىلاتۋ كەرەك.
ۋاڭ ميڭشان، ءيۇسۇپجان مامەت، چىن ميڭگو، ليۋ سۋشى، ءماردان مۇحيت ماجىلىسكە قاتىناستى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
