بالانىڭ قىزۋى ورلەپ، وعان قوسا جوتەلسە، ءسوزسىز، دەرەۋ ەمحاناعا اپارۋ كەرەك پە؟
2023.11.24 15:42 كەلۋ قاينارى : حالىق تورابى
بالانىڭ قىزۋى ورلەپ، جوتەلسە، دەرەۋ ەمحاناعا اپارىپ ەمدەتۋ كەرەك پە؟
بالانىڭ قىزۋى ورلەسە نەمەسە قىزۋى ورلەۋمەن بىرگە جوتەلسە، ونىڭ جاسىنا قاراي شارا قولدانۋ كەرەك:
جاسى ءبىرشاما كىشى بوبەكتەردە، وتە - موتە، 3 ايدان اسپاعان بوبەكتەردە قىزۋى ورلەۋ جاعدايى بايقالسا، اتا - انالار بالانى دەر كەزىندە ەمحاناعا اپارعانى ءجون.
جاسى ءبىرشاما ۇلكەن، سونىمەن بىرگە مەكتەپكە ءتۇسۋ جاسىنان اسقان بالالاردا قىزۋى ورلەۋمەن بىرگە تىنىس جولى اۋرۋىنىڭ جەڭىل دارەجەدەگى اۋرۋ بەلگىسى بايقالسا، بۇكىل دەنەسىندە باسقاداي اۋرۋ بەلگىسى بايقالماسا، اتا - انالاردىڭ بالانى وتباسىندا باقىلاۋىنا، اۋرۋ بەلگىسىنە قاراي ءدارى ىشكىزۋىنە بولادى. ەگەر بالانىڭ قىزۋى 3 كۇننەن 5 كۇنگە دەيىن تۇسپەسە نەمەسە تىنىس جولى اۋرۋىنىڭ بەلگىسى كورنەكتى تۇردە اۋىرلاسسا، اتا - انالاردىڭ دەر كەزىندە بالانى ەمحاناعا جەتكىزگەنى ءجون.
تىنىس جولى جۇعىمدالعان بالالاردىڭ باسىم كوپ ساندىسى ءبىرشاما جاقسى ساۋىعىپ كەتەدى. ۆيرۋسپەن جۇعىمدالعاندار ادەتتە 3 - 5 كۇندىك اۋرۋ بارىسىن باستان كەشىرەدى، ەمدەۋ بارىسىندا اتا - انالاردىڭ اسا ابىرجىپ كەتۋىنىڭ قاجەتى جوق، ايقاسپالى جۇعىمدالۋدان ساقتانىپ، بالانىڭ دەنساۋلىعىنىڭ قالپىنا كەلۋىنە ءتيىمسىز جاعداي تۋدىرىپ الماۋ ءۇشىن قىسقا مەرزىم ىشىندە بالانى قايتا - قايتا ەمحاناعا اپارماعان ءجون.
بالانىڭ قىزۋى ورلەسە ۆەنا قان تامىرىنان ۋكىل سالدىرۋ قاجەت پە؟
ۆيرۋسپەن جۇعىمدالۋ سەبەبىنەن بولعان اۋرۋدىڭ اۋرۋ بارىسى ادەتتە 3 -5 كۇن بولادى، وسى تەكتەس ۆيرۋس سيپاتتى جۇعىمدالۋدان بولعان اۋرۋدىڭ باسىم كوپ ساندىسىن ۆەنا قان تامىرىنا ۋكىل سالۋ ارقىلى ەمدەۋدىڭ قاجەتى جوق.
بەيجيڭ بالالار ەمحاناسىنىڭ ورىنباسار باستىعى جاۋ چىڭسۇڭ بىلاي دەپ تانىستىردى: تىنىس جولى جۇعىمدالعان بالالاردىڭ بارلىعىنا ۋكىل سالۋدىڭ قاجەتى جوق، بۇعان اتا - انالار، ءسوزسىز، نازار اۋدارۋى كەرەك، جۇقپالى تۇماۋدى دارىمەن ەمدەسە بولعانى، ونىڭ ۇستىنە، جۇقپالى تۇماۋدى ەمدەيتىن دارىلەردى وتە وڭاي تابۋعا بولادى. اتا - انالار بالانى ماڭايداعى بالالار ءبولىمى بار الەۋمەتتىك اۋماق ەمحانالارىنا، ەكىنشى دارەجەلى ەمحانالارعا، ءۇشىنشى دارەجەلى ەمحانالارعا اپارىپ ەمدەتسە بولادى، وتە ابىرجىپ كەتۋدىڭ قاجەتى جوق.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
