تيانشان تاۋى بوعدا كولى ساياحات رايونىندا قىس پەن كوكتەم مەزگىلىندە ساياحات جاعىندا حالىققا ءتيىمدى ساياسات اتقارىلادى
2023.11.20 15:24 كەلۋ قاينارى : حالىق تورابى
ءتىلشىنىڭ شينجياڭ بوعدا كولى كورىنىس رايونىن باسقارۋ كوميتەتىنەن ۇعىسۋىنشا، بيىل 11 - ايدىڭ 18 - كۇنىنەن 2024 - جىلى 3 - ايدىڭ 31 - كۇنىنە دەيىن شينجياڭنىڭ تيانشان تاۋىنداعى بوعدا كولى ايگىلى كورىنىس رايونىندا ساياحاتتىڭ سايابىر كەزىندە ەسىك بەلەتىن ارزانداتۋ ساياساتى اتقارىلادى، اتاپ ايتقاندا، ءار ادام ءار رەتتە 45 يۋانمەن كورىنىس رايونىنا كىرە الادى، سونىمەن بىرگە، ءۇش توپتاعى ادامداردان ەسىك بەلەتىن الماۋ جانە كاسىپورىندارمەن سايكەسە ارەكەتتەنۋ ساياساتى اتقارىلادى.
ەسىك بەلەتىن الماۋ ساياساتى دەگەنىمىز فۋكاڭ قالاسىنىڭ ازاماتتىق كۋالىگى مەن ۋاقىتتىق قونىستانۋ كۋالىگى بار فۋكاڭ قالاسىنىڭ تۇرعىندارىنان ەسىك بەلەتىن الماۋ (ارالىقتاعى اۆتوبۋستاردىڭ بەلەتىن قامتىمايدى)؛ ءارقايسى ولكە، قالالاردان شينجياڭعا كومەككە كەلگەن كادرلار مەن ولارمەن بىرگە كەلگەن تۋىس - تۋعان، دوس - جاراندارىنان ەكى ادام وزدەرىنىڭ ازاماتتىق كۋالىگى، مەكەمە بەرگەن ىسپات قاتارلى كۇشكە يە كۋالىكتەردى كورسەتۋ ارقىلى ەسىك بەلەتىن الماۋ سىندى حالىققا ءتيىمدى ساياساتتان يگىلىكتەنۋىنە بولادى؛ فۋكاڭ قالاسىنداعى مەيمانسارايلارعا، قوناق ۇيلەرگە، حالىقتىق قونالقىلارعا قونعان قوناقتار قونالقى ورىن بەرگەن كۇشكە يە تالوندى كورسەتۋ ارقىلى ەسىك بەلەتىن الماۋ سىندى حالىققا ءتيىمدى ساياساتتان يگىلىكتەنۋىنە بولادى (ارالىقتاعى اۆتوبۋستاردىڭ بەلەتىن قامتىمايدى). سونىمەن بىرگە، كورىنىس رايونىندا تۇراتىن كاسىپورىندارمەن سايكەسە ارەكەتتەنۋ ساياساتى اتقارىلادى، اتاپ ايتقاندا، ۇشىپ ءجۇرىپ الەمدى شارلاۋ شينجياڭ قوناق سارايى «كوك جۇزىندە ەمىن - ەركىن سەيىلدەۋ بەلەتى»، ۋجياڭ تيانشان اراساندى دەمالىس ورنىندا اراسانعا تۇسكەندە ەسەپ جاساۋ تالونى، تيانشان تاۋى بوعدا كولى حالىقارالىق شاڭعى الاڭىندا شاڭعى مايعا الۋ بەلەتى قاتارلىلاردى كورسەتۋ ارقىلى شينجياڭ تيانشان تاۋى بوعدا كولى كورىنىس رايونىندا ءبىر ادامعا ءبىر ەسىك بەلەتىن تەگىن بەرۋ سىندى حالىققا ءتيىمدى ساياساتتان يگىلىكتەنۋگە بولادى (ارالىقتاعى اۆتوبۋستاردىڭ بەلەتىن قامتىمايدى).
شينجياڭ تيانشان تاۋى بوعدا كولى كورىنىس رايونى بالالار، وقۋشىلار، قارتتار، مۇگەدەكتەر، اسكەريلەر جانە باسقا توپتارعا باعىتتالعان ءتيىمدى ساياساتتار مەن ايلىق كارتۋچكا، ماۋسىمدىق كارتۋچكا، جىلدىق كارتۋچكا قاتارلى ءتيىمدى ساياساتتاردى ۇزدىكسىز اتقارادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
