شي جينپيڭ سانشي لۇيلياڭ قالاسى يۇڭجۇي كومىر كەنىنىڭ ءبىر قىزمەت عيماراتىنداعى ءورت اپاتى شىرعالاڭى جونىندە ماڭىزدى نۇسقاۋ بەردى
جارالانعانداردى بار كۇشپەن قۇتقارىپ - ەمدەپ، ءتۇيىندى كاسىپ سالالارىنداعى حاۋىپ - قاتەردى، كومەسكى قاتەرلەردى ىشكەرىلەي ءبىر - بىرلەپ تەكسەرىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن جانە قوعامدىق جالپى جاعدايدىڭ ورنىقتىلىعىن شىنايى قورعاۋدى تالاپ ەتتى
لي چياڭ بەكىتۋ جازدى
2023.11.17 16:29 كەلۋ قاينارى : حالىق تورابى
شينحۋا اگەنتتىگى، 11 - ايدىڭ 16 – كۇنى، بەيجيڭ. 11 - ايدىڭ 16 - كۇنى ساعات 7 مولشەرىندە سانشي لۇيلياڭ قالاسى يۇڭجۇي كومىر كەنىنىڭ ءبىر قىزمەت عيماراتىندا ءورت اپاتى تۋىلدى. قازىرگە دەيىن شىرعالاڭدا 26 ادام ءولىپ، 38 ادام جارالاندى.
شىرعالاڭ تۋىلعاننان كەيىن پارتيا ورتالىق كوميتەتى، مەملەكەتتىك كەڭەس ايرىقشا ءمان بەردى. شەتەلدە ساپاردا جۇرگەن ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ دەرەۋ ماڭىزدى نۇسقاۋ بەرىپ مىنانى اتاپ كورسەتتى: سانشي لۇيلياڭ قالاسى يۇڭجۇي كومىر كەنىنىڭ ءبىر قىزمەت عيماراتىندا ءورت اپاتى تۋىلىپ، اۋىر ءولىم - ءجىتىم بولدى، بۇدان توتەنشە تەرەڭ ساباق الۋ كەرەك! جارالانعانداردى بار كۇشپەن ەمدەپ، جارالانعانداردىڭ، قازا بولعانداردىڭ سوڭعى جۇمىستارىن ىڭعايلاستىرۋ جانە ولاردىڭ ءۇي ىشىندەگىلەردى جۇباتۋ قىزمەتىن ويداعىداي ىستەپ، سەبەبىن تەز ارادا انىقتاپ، جاۋاپكەرلىكتى قاتاڭ قۋزاۋ كەرەك. شي جينپيڭ بىلاي دەپ دارىپتەدى: جەر - جەر جانە قاتىستى تاراۋلار وسى رەتكى ءورت اپاتى شىرعالاڭىنان تەرەڭ ساباق الىپ، حاۋىپسىز دامۋ ۇستانىمىن بەرىك ورناتىپ، تومەنگى شەكتە ويلاۋدى كۇشەيتىپ، قىستا ءورت اپاتى شىرعالاڭى وڭاي تۋىلۋ، كوپ تۋىلۋ سياقتى جاعدايلارعا قاراتا، بىرەۋى ارقىلى وزگەسىن تۇسپالداپ، ءتۇيىندى كاسىپ سالالارىنداعى حاۋىپ - قاتەردى، كومەسكى كىناراتتاردى ىشكەرىلەي ءبىر - بىرلەپ تەكسەرىپ، شۇعىل جاعدايعا توتەپ بەرۋ جوباسى مەن ساقتانۋ شارالارىن كەمەلدەندىرىپ، ءار جاقتىڭ جاۋاپكەرلىگىن ناقتىلاندىرىپ، اۋىر، ەرەكشە اۋىر شىرعالاڭداردىڭ تۋىلۋىن باتىل تەجەپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن جانە قوعامدىق جالپى جاعدايدىڭ ورنىقتىلىعىن شىنايى قورعاۋ كەرەك.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ بەكىتۋ جازىپ، مىنانى تالاپ ەتتى: دەرەكسىز كەتكەندەردى جەدەل ىزدەۋ، قۇتقارۋ، جارالىلاردى بار كۇشپەن قۇتقارۋ، ءولىم - ءجىتىمدى مۇمكىندىكتىڭ بارىنشا ازايتۋ، سوڭعى جۇمىستاردى ۇيلەسىمدى جاقسى ىستەۋ، سونىمەن بىرگە، شىرعالاڭنىڭ سەبەبىن تەز ارادا انىقتاپ، زاڭ - ەرەجە بويىنشا قاتاڭ ءبىر جاقتى ەتۋ كەرەك. بىرەۋى ارقىلى وزگەسىن تۇسپالداپ، ءورت ءسوندىرۋ، ورتتەن ساقتانۋ حاۋىپسىزدىگىن باسقارۋدى كۇشەيتىپ، ءتۇيىندى كاسىپ سالالارىنىڭ ءوندىرىس حاۋىپسىزدىگى حاۋىپ - قاتەرىن، كومەسكى قاتەرىن قاتاڭ تەكسەرىپ، مىقتاپ ساقتانىپ، اۋىر، ەرەكشە اۋىر شىرعالاڭداردىڭ تۋىلۋىنان باتىل ساقتانۋ كەرەك.
باس شۋجي شي جينپيڭنىڭ تاپسىرۋىمەن مەملەكەتتىك كەڭەستىڭ وسى سالاعا جاۋاپتى باسشىلارى قاتىستى تاراۋلاردىڭ جاۋاپتى جولداستارىن باستاپ ناق مايدانعا بارىپ، شىرعالاڭنان قۇتقارۋ جانە شۇعىل جاعدايعا توتەپ بەرۋ، ءبىر جاقتى ەتۋ قىزمەتىنە جەتەكشىلىك ەتتى. سانشي ولكەسى، لۇيلياڭ قالاسى كۇش ۇيىمداستىرىپ، قۇتقارۋ، ەمدەۋ جانە سوڭعى جۇمىستاردى ىڭعايلاستىرۋ قىزمەتىن بار كۇشپەن جاقسى ىستەدى. قازىر ەمدەۋ، قۇتقارۋ، شىرعالاڭنىڭ سەبەبىن تەكسەرۋ سياقتى قىزمەتتەر جۇرگىزىلۋدە.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
