بەيجيڭ قالاسىنىڭ قاشىپ جۇرگەنىنە 24 جىل بولعان قىزمەتتىك قىلمىس كۇماندىسى ساي شيۇڭحوۋ قولعا ءتۇستى
2023.11.15 14:53 كەلۋ قاينارى : حالىق تورابى
تاياۋدا بەيجيڭ قالالىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتىنىڭ ءبىرتۇتاس باسشىلىعىندا، بەيجيڭ قالالىق قاشقىنداردى قۋعىنداۋ كەڭسەسى مەن شۇن - ي رايوندىق باقىلاۋ - تەكسەرۋ كوميتەتىنىڭ دەن قويا ۇيىمداستىرىپ جانە تىڭعىلىقتى قىزمەت ىستەۋىندە، قوعام حاۋىپسىزدىگى ورگاندارىنىڭ قولداپ، سايكەسۋىندە قاشىپ جۇرگەنىنە 24 جىل بولعان قىزمەتتىك قىلمىس كۇماندىسى ساي شيۇڭحوۋ قولعا ءتۇستى.
ساي شيۇڭحوۋ، ەر، 1958 – جىلى 12 – ايدا تۋعان، بۇرىنعى جۇڭلۇيشين ساۋدا - ونەركاسىپ شەكتى سەرىكتەستىگىنىڭ باس جوراسى، باس مەڭگەرۋشىسى بولعان، قىزمەتتىك قىلمىس كۇمانىمەن 1999 – جىلى سىرتقا قاشىپ كەتكەن. 1999 – جىلى 9 – ايدا پروكۋراتۋرا ورگاندارى وعان دەلو تۇرعىزىپ تەكسەرۋ جۇرگىزدى، 2000 – جىلى 7 – ايدا ونى مەملەكەت بويىنشا قۋعىنداۋعا الدى. باقىلاۋ – تەكسەرۋ ءتۇزىلىسى رەفورماسىنان كەيىن، بۇل دەلو بەيجيڭ قالالىق باقىلاۋ - تەكسەرۋ كوميتەتىنىڭ كورسەتۋىمەن شۇن - ي رايوندىق باقىلاۋ - تەكسەرۋ كوميتەتىنە قاراستى بولعان.
ساي شيۇڭحوۋ قىلمىسىن جاسىرىپ قاشىپ، تاييۋان، ۋحان، فۋلين قاتارلى جەرلەردە قاشىپ جۇرگەن، قۋعىنداۋدان قاشۋ ءۇشىن زاڭسىز قوناقجايلارعا جاتقان، بۇل بارىستا كوپ رەت نارسەلەرىن ۇرلاتسا دا ەشكىمگە ايتا الماي ىشتەي تىنعان. 24 جىل ۇرەيمەن قاشىپ – پىسىپ، ۇزاق ۋاقىت ەمدەلە الماي، ەلمەن ارالاسا الماي، تۋىس - تۋعاندارىنان بارلىق بايلانىسىن ءۇزىپ جۇرسە دە اقىرى زاڭنىڭ قاتاڭ جازاسىنان قاشىپ قۇتىلا المادى. شۇن - ي رايوندىق باقىلاۋ - تەكسەرۋ كوميتەتى دەلو تەكسەرۋدى ىشكەرىلەي ورىستەتىپ، ينفورماتسيانى تەكسەرۋدى تاباندىلىقپەن كۇشەيتىپ، قوعام حاۋىپسىزدىگى ورگاندارىمەن بىرگە قامال الۋ تەبىنىن ارتتىرىپ، ەڭ سوڭىندا حىڭياڭ قالاسىنان ونىڭ جاسىرىنعان ورنىن بايقادى ءارى تۇراقتاندىردى. قولعا الىنعاننان كەيىن ساي شيۇڭحوۋ كوڭىل كۇيىن اقتارا بىلاي دەدى: ”ومىرىمدە كوپتەگەن ادامدارعا ۇياتتىمىن، ەڭ ۇلكەن ارمانىم اكە - شەشەمنىڭ قابىرىنا بارىپ باس ءيۋ. سىرتتا ەڭ قينايتىنى رۋحاني جاقتاعى ۇرەي، قاشىپ قۇتىلۋدىڭ جولى جوق، ەرتەرەك ءوزىن مالىمدەۋ ەڭ دۇرىس جول“.
قاشىپ جۇرگەن ءىرىپ - شىرگەن ەلەمەنتتەردىڭ قاشىپ جۇرگەنىنە قانشا ۋاقىت بولسا دا، قانشا جاسىرىنسا دا، قاشقىنداردى قۋعىنداۋ سەمسەرى باستان – اياق توبەلەرىنەن ءتونىپ تۇرادى، ادىلەت قاشان دا جەڭبەي قويمايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
