شينجياڭ حىجيڭ (بايىنبۇلاق) اۋەجايى سالىنىپ بولدى
2023.11.10 15:11 كەلۋ قاينارى : حالىق تورابى
شينحۋا اگەنتتىگىنىڭ 11 – ايدىڭ 9 – كۇنى بەرگەن حابارى. تاياۋدا شينجياڭ حىجيڭ (بايىنبۇلاق) اۋەجايى نىسانى سالىنىپ ءبىتىپ، تەكسەرىپ وتكىزىپ الۋدان ءساتتى ءوتتى، بۇل اتالعان ينجەنەريانىڭ تولىق سالىنىپ بولعانىن كورسەتەدى.
سۋرەتتە: شينجياڭداعى ەكىنشى بيىك ءۇستىرت اۋەجايى — حىجيڭ (بايىنبۇلاق) اۋەجايى جالپى بەتتىك سالىنىپ ءبىتتى. (سۋرەتتى جۇڭگو قۇرىلىس 3 - مەكەمەسى بەرگەن)
مەملەكەتتىڭ جانە شينجياڭنىڭ ”14 – بەسجىلدىقتاعى“ ءتۇيىندى ينجەنەرياسى رەتىندە، حىجيڭ (بايىنبۇلاق) اۋەجايى شينجياڭنىڭ بايىنعولين موڭعۇل اۆتونوميالى وبلىسى حىجيڭ اۋدانىنا ورنالاسقان، اۋەجايدىڭ تەڭىز دەڭگەيىنەن بيىكتىگى 2506.85 مەتر بولىپ، شينجياڭداعى 2 ـ جوعارى ءۇستىرت اۋەجايى سانالادى.
”اۋەجاي بيىك ۇستىرتكە ورنالاسقان، توڭىرەگى مەملەكەتتىڭ جاراتىلىستىق ەكولوگيالىق ورتانى قورعاۋ رايونىنا جاتادى، توڭىرەگىنىڭ ەكولوگيالىق ورتاسى ءالسىز“. وسى اۋەجاي نىسانىن ۇستىنە العان جۇڭگو قۇرىلىس 3 – مەكەمەسى جىجيڭ (بايىنبۇلاق) اۋەجايىنىڭ نىسان ديرەكتورى لي لەي بىلاي دەپ تانىستىردى: قۇرىلىس جۇرگىزگەن كەزدە، قۇرىلىس جۇرگىزۋشىلەر عىلىمي ءادىس قولدانىپ، جاسىل جامىلعىنى قالپىنا كەلتىردى، سونداي ـ اق اۋەجايدىڭ باتىس وڭتۇستىك مۇيىسىنەن لاس سۋدى ءبىر جاقتى ەتۋ پۋنكتىن جانە قوقىر ـ قوقسىقتى وتكەرمەلەپ تاسىمالداۋ پۋنكتىن جاڭادان قۇرىپ، قورشاعان ورتانىڭ لاستانۋىن مۇمكىندىكتىڭ بارىنشا ازايتتى.
بايىنعولين موڭعۇل اۆتونوميالى وبلىسى حىجيڭ اۋدانىنىڭ بايلىعى مول، وعان قاراستى بايىنبۇلاق ساحاراسى ەل ءىشى ـ سىرتىنا ايگىلى ساياحات ورنى. اتالعان اۋەجاي ىسكە قوسىلعاننان كەيىن، بايىنبۇلاق كورىنىس ءوڭىرى مەن توڭىرەكتەگى وڭىرلەردىڭ ساياحات، ۇكىمەت ىستەرى، ساۋدا قيمىلدارىنا قىزمەت وتەيدى، 2030 ـ جىلعا بارعاندا، جولاۋشى قابىلداۋ - جونەلتۋ مولشەرى 250 مىڭ ادام ـ رەتكە، جۇك ـ پوچتا قابىلداۋ ـ جونەلتۋ مولشەرى 500 تونناعا جەتەدى دەپ مەجەلەنۋدە.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
