شي جينپيڭ وڭتۇستىك افريكا زۇڭتۇڭىنىڭ ورىنباسارى ماحاتيلمەن كەزدەستى
2023.11.07 16:49 كەلۋ قاينارى : حالىق تورابى
 |
11 - ايدىڭ 6 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدەگى حالىق سارايىندا وڭتۇستىك افريكا زۇڭتۇڭىنىڭ ورىنباسارى ماحاتيلمەن كەزدەستى.
سۋرەتتى شينحۋا اگەنتتىگىنىڭ ءتىلشىسى ديڭ حايتاۋ تۇسىرگەن
|
شينحۋا اگەنتتىگى، 11 - ايدىڭ 6 - كۇنى، بەيجيڭ (ءتىلشى جىڭ ميڭدا). 11 - ايدىڭ 6 - كۇنى تۇستەن كەيىن مەملەكەت ءتوراعاسى شي جينپيڭ حالىق سارايىندا وڭتۇستىك افريكا زۇڭتۇڭىنىڭ ورىنباسارى ماحاتيلمەن كەزدەستى.
شي جينپيڭ بىلاي دەپ اتاپ كورسەتتى: بيىل − جۇڭگو مەن وڭتۇستىك افريكانىڭ ديپلوماتيالىق قارىم - قاتىناس ورناتقانىنىڭ 25 جىلدىعى، ەكى ەل قارىم - قاتىناسى ”التىن داۋىرگە“ قادام تاستادى. بيىل 8 - ايدا مەن وڭتۇستىك افريكادا 4 - رەت مەملەكەتتىك ساپاردا بولدىم، راماپوسا زۇڭتۇڭ ەكەۋىمىز جۇڭگو مەن وڭتۇستىك افريكانىڭ وسكەلەڭ ءوزارا سەنىمدى ستراتەگيالىق سەرىك، بىرگە العا باسقان دامۋ سەرىگى، ءبىرىن - ءبىرى تۇسىنەتىن، تاتۋ - ءتاتتى دوستىق سەرىگى، ادىلەتتى قورعايتىن دۇنيە جۇزىلىك سەرىك بولۋىن ءبىر اۋىزدان ۇيعاردىق. جۇڭگو جاق وڭتۇستىك افريكامەن بىرگە جۇڭگو مەن وڭتۇستىك افريكانىڭ جالپى بەتتىك ستراتەگيالىق سەرىكتەستىك قارىم - قاتىناسىنىڭ مازمۇنىن ۇزدىكسىز بايىتىپ، ەكى ەل قارىم - قاتىناسىنىڭ تاعى دا تىڭ ساتىعا كوتەرىلۋىن ىلگەرىلەتۋدى قالايدى.
شي جينپيڭ بىلاي دەپ دارىپتەدى: جۇڭگو وڭتۇستىك افريكانىڭ ءوز ەلىنىڭ مەملەكەت جاعدايىنا ۇيلەسەتىن وسىزامانداندىرۋ جولىن قاراستىرۋىن قولدايدى، وڭتۇستىك افريكامەن ساياسي ءوزارا سەنىمدىلىك نەگىزىن اناعۇرلىم بەكەمدەپ، ءوزارا ءتيىمدى سەلبەستىك دەڭگەيىن جوعارىلاتۋدى قالايدى. جۇڭگو جاق وڭتۇستىك افريكا سياقتى افريكا ەلدەرىمەن بىرگە جۇڭگونىڭ افريكانىڭ ونەركاسىپتەنۋىن، اۋىل شارۋاشىلىعىن وسىزامانداندىرۋىن، دارىندىلاردى باۋلۋىن قولداۋ جونىندەگى 3 ءتۇرلى شاراسىن جانە ”ءبىر بەلدەۋ، ءبىر جولدى“ جوعارى ساپامەن بىرگە قۇرۋ جونىندەگى 8 ءتۇرلى ارەكەتىن تياناقتاندىرىپ، جوعارى ولشەمدى، حالىق تۇرمىسىنا تيىمدىلىك جاسايتىن، باياندى سەلبەستىك نىساندارىنان ءبىر توبىن قۇرىپ، جۇڭگو - افريكا سەلبەستىگىنىڭ ستراتەگيالىق سيپاتى مەن باياندىلىعىن جوعارىلاتىپ، جوعارى دەڭگەيدەگى جۇڭگو - افريكا تاعدىرلاس ورتاق تۇلعاسىن قۇرۋدى ىلگەرىلەتۋدى قالايدى. ەكى جاق بريكس ەلدەرى مەحانيزمىندەگى سەلبەستىكتى ۇزدىكسىز جيىلەتىپ، وركەندەپ كەلە جاتقان ەلدەردىڭ ىنتىماعىن، سەلبەستىگىن كۇشەيتىپ، دۇنيە جۇزىلىك جونگە سالۋ جۇيەسىنىڭ وركەندەپ كەلە جاتقان ەلدەرگە ءتيىمدى باعىتقا قاراي دامۋىن ىلگەرىلەتۋى كەرەك.
ماحاتيل مىنالاردى ءبىلدىردى: بيىل 8 – ايدا ءتوراعا شي جينپيڭ وڭتۇستىك افريكادا مەملەكەتتىك ساپاردا بولىپ، وڭتۇستىك افريكا مەن جۇڭگونىڭ ءداستۇرلى دوستىعىن اناعۇرلىم بەكەمدەپ، بولاشاق قارىم - قاتىناستىڭ دامۋىنا پارمەندى قوزعاۋشى كۇش قوستى. راماپوسا زۇڭتۇڭ ءتوراعا شي جينپيڭگە ەڭ جوعارى داڭق وردەنىن بەرىپ، وڭتۇستىك افريكا حالقىنىڭ ءتوراعا شي جينپيڭنىڭ وڭتۇستىك افريكا مەن جۇڭگونىڭ دوستىعىن جەبەۋگە قوسقان كەلەلى ۇلەسىن ايرىقشا تۇراقتاندىراتىنىن جانە وعان العىس ايتاتىنىن ايگىلەدى. وڭتۇستىك افريكا جاق ءوزىنىڭ دامۋ ستراتەگياسىن جۇڭگونىڭ ”ءبىر بەلدەۋ، ءبىر جول“ باستاماسىمەن ۇشتاستىرۋدى كۇشەيتىپ، ءار سالاداعى ناقتى سەلبەستىكتى ۇزدىكسىز تەرەڭدەتۋدى ءۇمىت ەتەدى. وڭتۇستىك افريكا جاق جۇڭگونىڭ وركەندەپ كەلە جاتقان ەلدەردىڭ مۇددەسىن قورعاۋ جانە دۇنيە ءجۇزىنىڭ بەيبىتشىلىگىن جەبەۋ جولىندا قوسقان ۇلەسىن ايرىقشا القايدى، جۇڭگومەن بريكس ەلدەرى سياقتى كوپ جاقتى مەحانيزم اياسىنداعى سەلبەستىكتى ۇزدىكسىز كۇشەيتۋدى ءۇمىت ەتەدى.
ۋاڭ ي كەزدەسۋدە بىرگە بولدى.
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
