شينجياڭنان 3 جەر 3 ـ توپتاعى مەملەكەت دارەجەلى ساياحات سەيىل ـ سەرۋەن كوشە اۋماعىنا تاڭدالدى
2023.11.06 15:38 كەلۋ قاينارى : حالىق تورابى
انار بۇلت/ شينجياڭ گازەتىنىڭ حابارى (ءتىلشى ياۋ گاڭ). 11 – ايدىڭ 1 – كۇنى، مادەنيەت جانە ساياحات مينيسترلىگى 3 - توپتاعى مەملەكەت دارەجەلى ساياحات سەيىل - سەرۋەن كوشە اۋماعىنىڭ تىزىمدىگىن جاريالادى. مۇنىڭ ىشىندە تەكەس اۋدانىنىڭ ليجە ۇلتتىق سالت ـ سانا جاياۋلار كوشەسى، التاي قالاسىنىڭ بەس ءجۇز شاقىرىمدىق ساياحات كاريدورى، كوكدالا قالاسى ساحارا كەشى مادەنيەت ساياحات سەيىل ـ سەرۋەن كوشە رايونى بار.
تەكەس اۋدانىنىڭ كوشەسىنىڭ ورنالاسۋى باگۋا فورماسىمەن اتى ايگىلى، كوشەلەردىڭ ورنالاسۋىندا جولدار تۇتاسىپ، كوشەلەر جالعاسىپ جاتىر. ”لي“ سيمۆولدىق ءتىلسىم تاڭبانىڭ ىشىندە وتقا ۋاكىلدىك ەتەدى، ول قۇت - شاتتىقتىڭ، دۋماندى كورىنىستىڭ سيمۆولى. كوشە ءوڭىرى ءدال ليگۋا ورنىندا بولعاندىقتان، بۇل كوشە ”ليجيە“ دەپ اتالادى. بۇل كوشە اۋماعى 2021 ـ جىلى 1 ـ توپتاعى شينجياڭ ۇيعۇر اۆتونوميالى رايونىنىڭ مادەنيەت ساياحات سەيىل ـ سەرۋەن كوشە اۋماعىنا تاڭدالىپ، ساياحاتشىلاردىڭ تەكەس اۋدانىنىڭ باگۋا قالاسىن تانۋىنداعى تەرەزەسىنە اينالدى. تەكەس اۋداندىق حالىقتىق تۇسەلحانا قوعامىنىڭ جاۋاپتىسى لي شىڭ بىلاي دەپ تانىستىردى: جوباعا ساي، وسى كوشەنىڭ حالىقتىق تۇسەلحاناسى مەن باگۋاعا قاتىستى ەلەمەنتتەردى ەنگىزىپ، ”حالىقتىق تۇسەلحانا + مادەنيەت“ ماركاسىن قالىپتاستىرىپ، ”مەملەكەت دارەجەلى ساياحات سەيىل ـ سەرۋەن كوشە اۋماقتارىنا تاڭدالۋ ەرەكشە مادەنيەت بەلگىلەرىن قالىپتاستىرىپ، حالىقتىق تۇسەلحانالاردىڭ دامۋىن ىلگەرىلەتۋدە ماڭىزدى رول اتقارادى“.
التاي قالاسىنىڭ بەس ءجۇز شاقىرىمدىق ساياحات كاريدورى قىران وزەنى جاعاسىنا ورنالاسقان، شاڭعى تەبۋ، دەمالىس سارايى، كوك جاقۇت مادەنيەت ورتالىعى، كەرناي تەاترحاناسى سىندى 3 ءىرى بەلگى سيپاتتى قۇرىلىستى نەگىز ەتكەن، مادەنيەت جاسامپازدىعى قولونەر، ءىنجۋ ـ مارجان، قاس تاسى، ەرەكشە اس ـ سۋ جانە مادەنيەت كورىنىسى ءبىر تۇلعالانعان ەرەكشە كورىنىس ٴوڭىرى. ”ءبىز نەگىزدىك قۇرىلعىلاردى اناعۇرلىم كەمەلدەندىرىپ، ساياحات، سەيىل ـ سەرۋەن كاسىبىن بايىتىپ، كوشە اۋماعىنىڭ ساياحات تۇتىنۋىن جەتەكتەۋ، كوشە اۋماقتارىنداعى نەگىزگى قوناقتاردىڭ بىرگە يگىلىكتەنۋ رولىن ساۋلەلەندىرەمىز“دەدى التاي قالالىق مادەنيەت دەنە تاربيە راديو ـ تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ شۋجيى ەربول ونەرحان ۇلى
كوكدالا قالاسى ساحارا كەشى مادەنيەت ساياحات سەيىل ـ سەرۋەن كوشە رايونى كوكدالا ىلە وزەنى ساياحات دەمالىس رايونىنا ورنالاسقان، 2022 ـ جىلى شينجياڭ ءوندىرىس ـ قۇرىلىس بيڭتۋانى ساياحات سەيىل ـ سەرۋەن كوشە رايونى بولىپ باعالانعان.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
